Yikan Na Mre Waigi Whri Na Wna Hat Yidien Erwas Hat
4:1-11
4
Sba oko fo tet thot: Toron kat kayi, hrede man om mgiet khak mak wi mayehet ago madien salo hra tet toso lalie kat malin, mrana man tet msalo mde sangkakala: “Narin la, naka se bo Tet tkakniet man nen ni kadio kat hra bo yhok sba se ni kei yhok.” 2 Tamli kat kayi Nago Wawuam msiokti tet madien thot takhta mres mak wi mayehet ago, madien na mre wleli wak takhta oko. 3 Ou hra waleli wak takhta okou yhot wde kayi amak permata yaspis wadien permata sardis; madien wesen mre mskawaloti takhta okom mbot karmiak kat mde kayi amak kwalan zamrud hra mabram. a 4 Takhta na mre waigi whri na wna hat ykohli kat takhta mafle okom mak bri, mde yik takhta ekei nai yitrar yikan na mre waigi whri na wna hat yleli yik takhta ekei, ytrik not yelek, ysa kya thain emas [yik ei ysa???]. 5 Yhok yehin takhta oko felek bra wadien rgiho*** / rgi??? wsalo, yidien sitin kamuk*** mtalak ydhen yik takhta ekei: Nago Wawua mtalak le mekei. b 6 Yik takhta ekei ybariomo oko siwan kaca mre wde kayi kristal; yik flalie takhta ekei yidien ykohli kat ni ron hat yhon fe ysifuon ykohli kat yse fot ybariomo yse fot ysbiele. c d 7 Ni ron hra wasayen ou wsadiak wde singa, ni ron man kdie hra lak fe wsadiak wde sapi wawet, man kdie tolik fe wsifuon yde na tkoin sifuon, yidien ni ron hra hat fe wsadiak wde klen tdia nayar hra wala-ala*** wak yik ago. 8 Ni ron hat ekei mres man ou woli mtamre, yidien ysifuon ykohli kat wak bri, yidien ysatmor dait, ykader kohok??? kawuak, amuk, tali,Wlais, wlais, wlais la Tuhan Nago, hra wafle wkohok,
hra wak wale ko, wadien o le wkou, hra basak oli kdie.” e
9 Ni ron ekei ysrar heyit kawuak, ysaesik yidien yhnak sanfe man Ou hra wleli wak takhta okom masa, madien wron lis kawuak de dian-dian kat, 10 mde yitrar-trar na mre waigi whri na wna hat ekei ysaesik man Ou yik wbariomo hra wleli wak takhta masa oko, mde ei ysaesik man Ou hra wron lis kayi de dian-dian kat. Ei yklat kat mahkota yfe ekei yik wbariomo, mde yto:
11 “Ya mam mfe Tuhan, mam mfe Nago Nen,
Nen newer kat nwien fien srar heyit mhdin yidien msaesik madien fle kohok;
fe hra Nen nsiok kadio kat wale ni warok;
fe hra naisi fe ei,
o kadio kat wale hra nado??? nsiok ei.”