3:1-9
3
Mazmur hra Daud wlok mse Nago wak, madien kamuolo ou wtainti kat wahin wfe wet Absalom.2 O Nago Na Ron, kaisin om mlek karmiak kat le mke,
Na marok ysidik ykhan yidien tet.
3
Na marok yrana wain tet le mke,
yto: ‘Bo Nahau weren kaka dait ou.’
4 Ha Nago Na Ron, nen nabe kayi dlimok naisti tet.
Nen le ma nhnak fle fe tet,
nhnak hron fe tet, nkosia tsam.
5 Tet tkader kohok man Nago Na Ron nen,
ofo Nen nada naka neren la tet
nahin nfe Bol Makohok om,
Bol Kohok mak sfa Sion.
6 Tet tbatoko tase kawuak deri.
Uwade ofo, tahin tbot-bot deri,
fe hra nen le ndehe kohli kat tet.
7 Tet taliak dait kaisin hra yirok kamyi kat
hra yka yto ylalo tet.
8 Nago Na Ron, nahin la, naka neren la tet!
Nbaktak la tfe kaisin ei
se yhek ybrik kadio kat,
ysiok sgia oli dait na mrem.
9 Nago Na ron, nen le neren kaka nfe na,
yehinti kat kaisin hra ysiok sgia ei.
ofo nhnak nfe hares om man nfe na sa marok.