WAHYU
UNTUꞌ YOHANES
Pangantar
Nianlah paneleꞌanan dari Yesus Karistus nang di madahatn kaꞌ Yohanes. Paneleꞌanan nian di Yohanes nulis kaꞌ waꞌtu urakng-urakng pucayaꞌ dimajara. Maksut utamanya untuꞌ mareꞌ harapan sarata semangat kaꞌ pembacanya man ugaꞌ untuꞌ nguatatn ia kaꞌ koa biar tatap pucayaꞌ kaꞌ waꞌtu di majara.
Nang di nulis kaꞌ kitap nian, Allah neleꞌatn kaꞌ Yohanes, ahe nang jajiaꞌ naꞌe man make tanda-tanda, lambang-lambang, biar urakng pucayaꞌ jaman koa mudah ngarati ahe ratinya nang di nyontengan. Tujuan kitap nian jelas, yakoa kadeꞌ lewat Karistus, Allah ahirnya ngalahatnnaꞌ samua munsuh-Nya, man ugaꞌ Ibalis. Man kadeꞌ kamanangan koa dah tacape, Allah mareꞌatnnaꞌ saruga man dunia nang baharu jaji adiah untuꞌ umat-Nya nang satia.
Isiꞌ
Pamulaꞌatn 1:1-8
Paneleꞌanan pamulaꞌatn man surat-surat kaꞌ katujuh jamaat 1:9–3:22
Golongan kitap man tujuh segel 4:1–8:1
Tujuh tarompet 8:2–11:19
Naga man dua ekoꞌ laok 12:1–13:18
Bamacam-macam paneleꞌanan 14:1–15:8
Tujuh cawan kaberaatn Allah 16:1-21
Ancurnya Babel, kalahnya laok pertama, laok kadua nang ngincakng barita palsu, man Ibalis 17:1–20:10
Ukuman pangabisatn 20:11-15
Langit baharu, dunia baharu, Yerusalem baharu 21:1–22:5
Panutup 22:6-21