Taat man kasih
6:1-9
6
O kamudaꞌ-kamudaꞌ ngasiꞌlah kaꞌ urakng tuhanyu kaꞌ dalapm Tuhan, tagal aruslah lea koa.a 2 Hormatiꞌlah apaꞌnyu man uweꞌnyu - koalah parentah nang pertama, nang disarataiꞌ janji Allah : 3 biar kao karepoatn man panyakng umurnyu kaꞌ aiꞌ tanah.b 4 Man kitaꞌ apaꞌ-apaꞌ, amelah manjawat kamudaꞌ-kamudaꞌ kitaꞌ sakit ati tapi didiklah ia kaꞌ koa kaꞌ dalapm ajaran man nasehat Tuhan.c 5 Kitaꞌ amba ulutn, ngasiꞌlah kaꞌ tuannyu nang kaꞌ aiꞌ tanah nian. Galiꞌlah man ati nang tulus sama lea kitaꞌ gasiꞌ kaꞌ Karistus. 6 Amelah kahe kaꞌ adapatn ia kaꞌ koa ihan untuꞌ marepo ati talino tapi kiraꞌnya kitaꞌ manjawatnya koa sapanuh ati lea amba Karistus nang tagah nurutiꞌ kamaoꞌan Allah. 7 Karajaatnlah tugasnyu man ati nang repo lea kitaꞌ ngalayaniꞌ Tuhan Yesus bukeꞌ talino. 8 Kitaꞌ nauꞌan kadeꞌ tiap urakng baik amba ulutn maoꞌpun urakng nang bukeꞌ amba ulutn, kadeꞌ ia dah manjawat kabaikatn ia narimaꞌaꞌ balasannya dari Tuhan.d 9 Sodara nang jaji tuan! Aruslah kitaꞌ babuat baik ugaꞌ kaꞌ amba-amba kitaꞌ. Ame agiꞌ make ancaman. Ingat kadeꞌ kitaꞌ man amba-amba kitaꞌ koa ngampuꞌ soteꞌ tuan yakoa Tuhan nang kaꞌ saruga. Ia inaꞌ bateleꞌ muha.eSinjata Allah nang langkap
6:10-20
10 Ahirnya, kiraꞌnya kitaꞌ kuat kaꞌ dalapm Tuhan, kaꞌ dalapm kakuatan koasa-Nya. 11 Pakelah sigana palangkapan sinjata Allah biar kitaꞌ baya batahan ngalawan siasat-siasat nang licik dari Ibalis. 12 Tagal diriꞌ bajuang bukeꞌlah ngalawan talino tapi ngalawan kakuatan sigana setan-setan nang nguasaiꞌ dunia nang jahat nian. Diriꞌ ngalawan roh-roh jahat nang nguasaiꞌ langit. 13 Koa tagalnya kitaꞌ palalu make samua palangkapan sinjata dari Allah biar takaꞌ munsuh atakng nyarang kaꞌ ari nang jahat koa kitaꞌ sanggup malawan munsuh-munsuh. Man biar lakaꞌ kitaꞌ berjuang sampe pangabisatn, kitaꞌ masih badiri tagap. 14 Jaji badirilah tagap, baikatpingakng kabanaran man babaju parang kaadilan.f 15 Kiraꞌnya karelaan untuꞌ ngesahatn Kabar Baik nang ngincakng sejahtera jaji sapatunyu.g 16 Tiap waꞌtu pakelah kapucayaꞌatnnyu kaꞌ Allah jaji gunapm tagal kapucayaꞌatn koa, kitaꞌ baya madaman samua panah api dari nang jahat. 17 Tarimaꞌlah kasalamatan dari Allah jaji songkoꞌ baja man pakataatn Allah jaji pedang dari Roh Kudus Allah.h 18 Panjawatlah samuanya koa sambil badoꞌa mintaꞌ bantoꞌ kaꞌ Allah. Tiap waꞌtu badoꞌalah lemae Roh Kudus mimpin kitaꞌ. Kiraꞌnya kitaꞌ kaja basiap-siap man ame nyarah. Badoꞌalah maꞌan untuꞌ samua umat Allah. 19 Badoꞌalah untuꞌ aku ugaꞌ, biar waꞌtu aku ngomong, Allah mareꞌatn omongan nang tapat biar man kabaranian aku ngesahatn rahasia Kabar Baik koa. 20 Tagal Kabar Baik koalah aku jaji utusan nang ampeatn ada kaꞌ dalapm pinjara. Badoꞌalah biar aku barani ngomong tentang Kabar Baik koa nang saarusnya kuomongan.
Salam pangabisatn
6:21-24
21 Biar kitaꞌ ugaꞌ nauꞌan kabar tentang pakarajaatn man kaadaan ku, jaji Tikhikus sodara saiman diriꞌ nang terkasih man palayan nang satia kaꞌ dalapm Tuhan, madahatnnaꞌ samuanya kaꞌ kitaꞌ.i 22 Koalah tagalnya aku ngiripm ia kaꞌ kitaꞌ untuꞌ madahatn kaadaan kami kaꞌ kitaꞌ samuanya biar nguatatn ati kitaꞌ.j 23 Dame sejahtera man kasih man kapucayaꞌatn dari Allah nang Apaꞌ diriꞌ man dari Tuhan Yesus Karistus nyarataiꞌ kitaꞌ samua nang pucayaꞌ. 24 Kabaikatn ati Allah nyarataiꞌ samua urakng, nang ngasihiꞌ Tuhan diriꞌ Yesus Karistus man kasih nang inaꞌ mati.