Bantuan untuꞌ jamaat kaꞌ Yerusalem
16:1-4
16
Ampeatn tentang duit nang maoꞌ kitaꞌ sumbangkatn kaꞌ sabayaatn diriꞌ urakng pucayaꞌ kaꞌ Yerusalem, aku mintaꞌ biar kitaꞌ panjawat pas man ahe nang dah ku natapatn kaꞌ jamaat-jamaat propinsi Galatia.a 2 Tiap ari minggu,b aruslah kitaꞌ samuanya nyisihatn duit, masing-masing sasuai man rajakinya man komoꞌanlah. Jaji amelah nunggu aku atakng, baruꞌ kitaꞌ ngomoꞌan duit koa. 3 Naꞌe kadeꞌ aku dah namus, aku nyuruhaꞌ urakng-urakng nang dah di kitaꞌ nyatujuiꞌ. Aku mareꞌaꞌ kaꞌ ia kaꞌ koa surat pangantar, biar ia kaꞌ koa ngincakng duit sumbangan koa kaꞌ Yerusalem. 4 Man kadeꞌ kateleꞌanannya baik aku ampus ugaꞌ man ia kaꞌ koa nang ngincakngngaꞌ duit sumbangan koa kaꞌ Yerusalem.Rancana Paulus
16:5-9
5 Aku naboꞌaꞌ kitaꞌ lakaꞌ ngalewatiꞌ propinsi Makedonia, barang aku baniat untuꞌ lewat kaꞌ naun.c 6 Bisa jaji aku badiapmaꞌ man kitaꞌ sangahe ari lamanya, ato bisa jaji salamaꞌ musim dingin. Lakaꞌ koa kitaꞌ baya mantoꞌ aku narusatn pajalanan kaꞌ tampat lainnya. 7 Barang aku baiꞌ naboꞌ kitaꞌ kahe singah sabantar ihan. Kadeꞌ Tuhan ngijinan, aku maoꞌ badiapmaꞌ agaꞌ lama man kitaꞌ. 8 Tapi samintara nian, aku masih badiapm kaꞌ kota Epesus, sampe ari Pantekosta.d 9 Barang manyak kasampatan kaꞌ dian untuꞌ pakarajaatn-pakarajaatn nang baguna untuꞌ ku, kahepun manyak ugaꞌ urakng nang nantang.e
Nasehat-nasehat
16:10-18
10 Kadeꞌ Timotius atakng kaꞌ kitaꞌ kaꞌ Korintus, tarimaꞌlah ia baik-baik biar ia marasa batah badiapm man kitaꞌ, barang lea aku ugaꞌ ia bakaraja untuꞌ Tuhan.f 11 Ame sampe ada nang ngaremehan ia. Bantoꞌ ia biar ia salamat baya narusatn pajalanannya mulakng agiꞌ kaꞌ aku, barang aku nunggu kaatangannya sama-sama man page samadiꞌatn sakapucayaꞌatn nang lainnya. 12 Tentang Apolos, sodara nang sakapucayaꞌatn man diriꞌ, dah sangahe kali aku nyuruh biar ia sama-sama man nang lainnya naboꞌ kitaꞌ. Tapi ia sidi baiꞌ ampus ampeatn. Naꞌe kadeꞌ ada kasampatan, tantu ia atakngngaꞌ.
13 Bajaga-jagalah man badirilah kuat kaꞌ dalapm kapucayaꞌatn kitaꞌ ame jaji lamah! Basikaplah lea nanglaki man tatap kuat! 14 Samua pakarajaatn nang kitaꞌ panjawat, panjawatlah man kasih. 15 Kamar kapala page waris samadiꞌatn, aku ada soteꞌ agiꞌ pamintaꞌan kaꞌ kitaꞌ. Kitaꞌ tantunya kanal kaꞌ Stepanus man page waris samadiꞌatnnya; ia kaꞌ koa nang paling pamulaꞌatn jaji urakng pucayaꞌ kaꞌ propinsi Akhaya. Ia kaꞌ koa dah sidi-sidi nyarahatn diriꞌnya untuꞌ ngalayaniꞌ umat Allah.g 16 Tagal koa ngasiꞌlah kaꞌ urakng-urakng nang lea ia kaꞌ koa man kaꞌ tiap urakng nang turut bakaraja basusah payah ngalayaniꞌ Tuhan. 17 Aku sidi karepoatn tagal kaatangan Stepanus, Portunatus man Akhikakus, barang ia kaꞌ koa jaji panganti kitaꞌ atakng kaꞌ dian. 18 Ia kaꞌ koa dah ngarepoatn ati ku, sama lea ia kaꞌ koa ngarepoatn ati kitaꞌ. Aruslah kitaꞌ hargaiꞌ urakng-urakng nang lea koa.
Salam
16:19-24
19 Jamaat-jamaat propinsi Asia salam kaꞌ kitaꞌ. Man ugaꞌ Akwila, Priskila man jamaat nang kaꞌ rumahnya kaꞌ koa sidi-sidi salam kaꞌ kitaꞌ tagal diriꞌ jaji soteꞌ man Tuhan.h 20 Salam kaꞌ kitaꞌ dari page samadiꞌatn nang sakapucayaꞌatn samuanya. Basalam-salamlah sekoꞌ man nang lain man salam nang panuh kasih.i