Títɔ i

Baobá́ ndea Pɔ́lɔ ka

Títɔ

Nyɔngɔ á ka mosa-mosa

Ani mbe dádundu baobá́ nde? Nteki Pɔ́lɔ.

Dádundu ka saga sina? Saga 64, kabɛ saga 65, mbusa á bɔkɔtɛana á Yéso.

Dádundu ka nkpa sina? Dádundu ka Titɔ, ngoigi ndea Pɔ́lɔ. Abha-Títɔ dátu moGiíki. Ka matu á baobá́ nde, dátu moamɛ á kanisa á ka Kɛɛ́tɛ.

Pɔ́lɔ, dádundu baobá́ nde ka nyɔngɔ eke? Pɔ́lɔ dánteki Títɔ na Kɛɛ́tɛ, k'aphe á amba a kanisa. Kanisa á ka Kɛɛ́tɛ dátu gǎkɛ n'eongo ási. Pɔ́lɔ dánaɔtɔka nage na Kɛɛ́tɛ sasa akɛ k'aphe á enga a Títɔ ka nyɔngɔ nde, a ka mekakɔ. Ka bondɔ, Pɔ́lɔ dáteki baobá́ nde.

Baobá́ nde a n'etete á bɔphɛi sina? Pɔ́lɔ, aɔmphɛa Títɔ gea, éphangiɛgɛ batɔa-kanisa nyɔngɔ á tambea anja. A phɔtɔ na bɔphɛi k'etete á bakpa danga-danga, bea baambi-kanisa, bagbɛga á kanisa, baganda, na bakɔbɛ. Ka bundɔ bánye Títɔ, akondi gǎkɛ gea, ékeɛ, édhakanisa.