Kaŋ ŋgayya ge anabi Isaya ne ke ne suwal Masar ma ne Kuch pe
20
1 Del ge Sargon gan ge Asiriya ma ne, ne teme na ga̰l ge ne na yàl pal ya det suwal Asdod go, ba ame na go ɗe, 2 swaga mbe go, Bage ɗiŋnedin jya̰ Isaya ge Amoz vya go: «Mbo, fage mo kasigir ma ne mo ta uzi, fage mo tyarko ma ne mo koo zi uzi me.» Isaya ke mbe go tem, gá anna suli, koo suwar zi baŋ me. 3 Bage ɗiŋnedin jan go: «Ndi del ma̰ no ataa, mbi dore Isaya an ne go swala, koo suwar zi baŋ, ndwara ŋgay sayda ne suwal Masar ma ne suwal Kuch pe. 4 Go no me, gan ge Asiriya ma ne mbo pál masar ma ne Kuch ma mbo mo̰r zi, bool ma ne sabar ma pet, a mbo kat swala, koo suwar zi, pe suli. Mbo kat kaŋ saaso ne suwal Masar pe. 5 Nama ge a ne é bama saareya suwal Kuch pal ma, ne nama ge a ne ka uware ta ne suwal Masar ma, saaso mbo ke nama, a mbo wan kḭḭmi.» 6 Dam mbe go, naa ge ne ka ne mam mbe no wak go ma, a mbo jan go: «Ndi kaŋ ge a ne ke ne naa ge i ne ka ne jobreya nama pal go, i mbo sya nama ta ndwara ɓol mbarra ne, ne zurra ge gan ge Asiriya ma ne ndwara zḛ. Se no ɗe, i mbo kan i pala dḛ da ɗaa?»