शुरुवाद 47

याकूबकि आखिरी मंशा

(उत्‍पत्ति ४७:२८-३१, ५०:१५-२१)

28 याकूबल सत्र साल मिस्र देश मिं बिताईं। वीक पुर उमर एक सौ सैंतालीस सालकि है। 29 जब वीक मरणक बखत नजिक आ, तब वील आपण च्‍यल यूसुफ कैं बुलैबेर कौ, "अगर तु मेरि इज्‍जत करछै, तब कसम खा कि जब मी मरुंल, तब तु मिकैं मिस्र देश मिं दफन नि करलै। 30 लेकिन मिकैं मिस्र देश बे लिजैबेर म्‍यर पुरखोंक दगाड़ कबर मिं दफनाये।" यूसुफल कौ, "जस तुम चांछा, उसै ह्‌वल।" 31 लेकिन याकूबल फिर कौ, "तु कसम खा।" और यूसुफल कसम खै। तब याकूबल आपण सिराण मिं टोप मारिबेर परमेश्‍वर कैं धन्‍यवाद दे। और यैक बाद याकूब मरि गोय।