मसीहा रे चेले े
4
1 मणश हामा मसीहा रे सेवक होर दईबा रे भेदा रे भंडारी समझे । 2 तेउकी भंडरी में अखे एसा गल्ला हेरा कि सह बुशाह लाइका निखले । 3 पर मेरी नजरा में यह बहू ओछी गला साहा कि तमे या होर मणश रअ न्यायी माह परखे पर हांऊं आपणे आपा वै आपे नांईं परखदअ । 4 किबेकि मेरअ मन माह कासी भी गला में दोषी नाईं ठहराउद , किबेकी एता का हाउ निर्दोष नाइ हुन्द किबेकि माह परेखवणा आल़े ़ दईबा साहा । 5 तेवा जेव्रे तणी दईब नाईं इच्छे टाईमा का पहिले कासी गल्ला रा न्याय नाईं करे त्याह निहारे री गल्ला प्रियाशे में रीहाऊणी होर मन री गल्ला प्रकट करणी तेवा दईबा री तरफा का सबही री तारीफ हुणी । 6 हे भाईयो मांये या गला तमा वै आपणी होर अपुल्लोस री चर्चा दृष्तात री रीति संघे करी तेवा तमे हामाका यह सिखा की लिखीदे का जेह नांई नाहणा होर एकी रे पाके ्षा में होर दूजे े रे बिरोधा मे घमंड नांई करे । 7 किबेकि तमा में एकी दूजे े में भेद कुण करा ? होर ताह सेटा कैह साहा ज़ोह ताई दूजे का नांई पाऊ होर ज़ोह ताए दूजे े का पाऊ तेवा एडा घमण्ड किवै करे की माये नांई पाऊ? 8 तमे तो तृप्त होई मुके , होर तमे सेठ होई छेकी , तमे हामा पूछे राजा करू पर राम्ब्डा तेवा हुणा , जेबा तमे हामे संघे राजा करले , । 9 मेरी समज़ा में दईब प्रेरिता वै सभी का बाद त्याह लोका बराबर ठहराई , ज़ासकी मरणे री आज्ञा आउई , कि हामें जगत होर सरगा दूत मणश वै एक तमाशा हुणा । 10 हामें मसीहा वै मुर्ख साहा , पर तमे मसीहा में बुद्धिमान साहा , पर हामें कमज़ोह साहा पर तमे वलबान साहा । तमे ईज़त पाऊदा , पर हामरा निरादर हुंदा । 11 हामें ऐऊ वकते तक भोछे -शोखे साहा होर नेंगे साहा होर घूसे खानद हे होर मारे- मारे घुमदा । 12 होर आपणे हाथे संघे मेहनत करी करे काम करा । लोका हामा वै बुरा बोला हामे त्याह वै आशीष दिंदा लोका हामा वै बुरा बोला हामे तेता सहन करा । 13 त्याह बदनाम करा , हामे त्याह वै प्रार्थना रकरा , हामे आज तक धरती रे कूड़े सभी माडी चीजा साही साहा ।चेतावनी
14 हांऊं तमा वै या गला शरमिन्दगी हुणे री तणी नांई लिखुदा अ पर आपणे प्यारे बालका जाणी करे तमा जगउंदा 15 किबेकि अगर मसीहा में तमा सिखाऊणा आल़े दस हज़ार भी होले तेवा भी थारे बाप बहू नांई साहा तेवा की मसीहा यीशु में सुसमाचार संघे हांऊं थारअ बापू होऊ । 16 तेवा हांऊं तमा वै बिनती करा की , मेरी गला शुण। 17 तेवा माये तीमुथियुस वै ज़ोह दईबा में मेरअ प्यार रअ होर बुशाह आल़े अ शोहरु साहा ज़ोह माइये तमा सेटा भेजू तेउ मसीहा में मेरे बारे में त्मा वै खोजण जेड़ा की हांऊं सभी कलीसिया में प्रचार करा । 18 एखा एेडे फूली की त्याह तमा सेटा नांई पूजणे । 19 पर अगर दईबे यह चाहू तो माह तमा सेटा छेकअ इहणा होर त्याह फुलीदे री गला नांई पर त्याह री समर्था जाणणी । 20 किबेकि दईबा रे राज्य गला में नांई पर समर्था में साहा 21 तमे कैह चाहन्दा ?कैह हांऊं छीउनटी आणी करे तमा सेटा ईछु यह प्रेम होर नम्रेता री आत्मा संघे ।