कलीसियहामें एकत री गल्ला
3
1 हे भाइयो हांऊं तमा का एडे सावे गल्ला नाईं करी सका जेड़े आत्मिक लोका का , पर जेड़ा शारीरिक लोका , होर त्या में ज़ोह मसीहा में बालका साहा । 2 मांई तमावै दूध पिलाऊ , किबेकी तेता नांह खाइ सकदे तिही, पर एवरे तणी भी नाईं खाई सकदे 3 किवेकी एवरे तणी शारीरिक साहा , तेवा तमा में झगड़े होर बैरे साहा तेवा कैह तमे शारीरिक नाईं ? होर कैह मंणशा री रीती सावे नांईं चलदे ? 4 किवेकी जेवा एक बोला , “हांऊं पौलुसा रअ साहा , होर दूजे अ हांऊं अपुल्लोस रअ साहा तेवा कैहे तमे मणश नाईं ? 5 अपुल्लोस कैह साहा ? होर पौलुसा कैह साहा ?जासू पेंदे तमे लोके बुशाह करू जेड़ा दईबे सभी वै दिनादा साहा । 6 माय लांऊ , अपुल्लोस सींचू पर दईबे सह भडाउ। 7 तेवा ना लाऊण आल़े ़ अ होर ना पांणी दीणा आल़े ़ो बडअ साहा पर दईबा ही साहा ज़ोह बड़ेउणे आल़े अ साहा । 8 लाउणा होर पांणी दिणा आल़े दूहे एके साहा , पर सभी मंणश आपाणी मेहनत रे सवै आपाणी मजदूरी पाऊणी। 9 किबेकि हामे दईबा रे सहकर्मी साहा होर तमे दईबा रे खेच होर दईबा री रचना साहा । 10 दईबा रे तेउ अनुग्रह संघे ज़ोह माँह वै दिनादा साहा मांये बुदिमान राजा मिस्त्री साही निब डाही , होर दूजे तेऊ पेंदे रद्द डाहदा ।पर हर एक मन्श ब्यात रहे , किसह तेता पेंदे कैडअ रद्द डाहदा ।। 11 किबेकि ज़ोह पहिले री नीव साहा तत छाडी सह यीशु मसीहा साहा तत पेंदे कोई दूजे ी नीव नांई पाई सकदे । 12 अगर एसा नीवा पेंदे कोई सुना या चांदी रअ पाथरे यह मेहंग पाथर होर काठ यह घाऊ रअ रद्द डाहे , 13 तेवा सभी रे काम प्रकट हुणे कवैकी तेसा धियाड़ी तेउ वै खोजण तेवा की जब्रे आगि संघे प्रकट हुणे हे होर तेसा आगि सभी रे काम हेरण कि कैड़ा साहा । 14 जासके काम राम्बड़ेे होले तेउ तेत्की मजदूरी भेटणी । 15 होर जासका काम जल़ल़ा तेउ नुकसान हुणा पर सह आपू बचण पर जल्दे -जल्दे । 16 तमे नाईं जांणदा कि तमे दईबा रे देउरे साहा होर दईबा री आत्मा तमा में रहंदा । 17 अगर कोई दईबा रे देउरे नाश करलअ तेवा दईबा भी तेउ रा नाश करणा किबेकि दईबा रअ देउर पवित्र साहा सह तमे साहा । 18 कोहे भी आपण आपा वै धोखा नाईं खाये , अगर तमा में कोई एउ संसारीा में आपणे आप वै ज्ञानी समझे सह मुर्ख बणे कि ज्ञानी होई सके । 19 किबेकि एउ संसारी रा ज्ञान दईबा रे सामने मुर्खता साहा ।जेहडा लिखुदा साहा , “तेऊ ज्ञानी तेउरी चलाकी में फसाउंणे । 20 होर तेवा दईबा ज्ञानी रे विचारा जांणदा की त्याह बेकार साहा । 21 तेवा मणश पेंदे कोहे घमंड नाईं करे , किबेकि सव्हे सा थारा साहा । 22 कैहे पोलूस होर कैह अपुल्लोस होर कैह कैफा , कैह जगत कैह जिउंणा कैह मरणा कैह बर्तमान कैह भविष्य , सब्हे सा थारे साहा । 23 हे होर तमे मसीहा रे साहा ही रे मसीहा दईबा रअ साहा ।