प्रेरितों के काम 25

पोलुसा रा राजा वे शावाश दिणी

1 फेस्तुस एऊ जिले में पूजणे रे चींहूंणे दिहाड़े कैसरिया क यरूशलेमा बे नाठअ । 2 तेबा मुख्य याजके औए यहूदियों रे मुख्य लोगे पौलुसा पेंदे दोष लाई करे तेऊ क बिनती करी 3 होर यह छुट मांगी कि पौलुसा यरूशलेमा बे भेजा , किबेकी त्याह तेऊ रास्ते में ही मारणे बे त्याह र , । 4 तेबा फेस्तुसे उतर दीना , “ पौलुस कैसरिया में पेहरे में सा , होर हाँऊ आपे छेको तखा बे नांहणा ।" 5 भी बोलू , “तमा में ज़ोह प्रमुख आदमी सा त्याह मांई संघे हाँडे होर यह आदमी कुछ गलत काम करदा सा , तेबा तेऊ पेंदे दोष लाए । 6 त्याह हे संघे आण दसा दिहाडी रही करे त्याह कैसरिया बे नाठे , होर दूजे दिहाड़े न्याय साहा ना में बेशी करे पौलुसा आंणने री आज्ञा दीनी । 7 जेबा सअ आऊअ तेबा ज़ोह यहूदी यरूशलेमा क आऊए दे , त्याह हे सेटा खड़े होई करे तेऊ पेंदे बड़ेे-बड़ेे आरोप लाई , जासका त्याह ह जेंहू सबूत नांई आंहदा , । 8 परन्तु पौलुसे उतर दीना , “मांई न यहूदी री व्यवस्था न मंदिर होर न कैसरा रे बिरुद्ध कोई आपराध करू ।" 9 तेबा फेस्तुसे यहूदी खुश करने री इच्छा क पौलुसा बे बोलू , “कह तू चांहदा कि यरूशलेमा बे नाहे , होर तखे म्हा सामने तेरा यह मुकदमा तया करणा ।" 10 पौलुसे बोलू , “ हाँउ कैसरा रे न्याय साहा ना सामने खडअ सा , मेरे मुक़दमे रा फैसला अखी लोढ़ी होऊ जेहडा तू रांबडी तरह जांणदा , यहूदी रा मांई किछे नाई आंहदा बिगाडू दा । 11 ज़ेबा हाँऊ आपराधी सा होर मारणे लायक कोई काम करू दा तेबा मरने क नांई मुकरदअ परन्तु जासू गला रा या म्हा पेंदे दोष लाऊंदा , ज़ेबा त्याह ह में कोई भी गअल सची नांई ठहरे , त कोहामे्हा त्याह ह रे हाथे नांई सोंपी सकदे , हाँऊ कैसरा बे दुहाई दिंदा ।" 12 तेबा फेस्तुसे मिस्री री सभा में गला करी उतर दीना , “तांई कैसरा बे दोहाई दीनी , तू कैसरा सेटा ही नांहणअ ।"

राजा अग्रिपा सेटा पोलुस

13 कुछ दिहाड़े बीतणे बाद अग्रिप्पा राजा होर बिरनीके कैसरिया में इच्छी करे फेस्तुसा रा सुआगत करू । 14 त्याह ह रे बहू दिहाड़े तखे रंहणे बाद फेस्तुसे पौलुसा रे बारे में राजा बे खोजू , “ एक आदमी सा , जूंण फैलिक्से बंदी छाडू द सा । 15 जेभरे हांऊ यरूशलेमा में , तेबा प्रधान याजक होर यहूदी रे प्राचीनों तेऊ रे बिरुद्ध दोष लाऊ होर बिनती करी कि तेऊ बे सजा दे । 16 परन्तु मांई त्याह ह बे उतर दीना कि रोमी री यह रीति नांई आंहदी कि कासु आदमी दण्डा री तंणी सोंपणअ होर एऊ भी आपणे दोषा लाऊणे आले सामने उतर दीणे रा पूरा हक सा । 17 अत: जेबा त्याह अखे कठे होई , तेबा मांई कुछ देर नांई करी , परन्तु दूजे ही दिहाड़े न्याय साहा ना में बेशी करे तेऊ आदमी आणने री आज्ञा दीनी । 18 जेबा दोषा लाऊणे आले खड़े होई , तेबा त्याह हे तेऊ पेंदे कोई एह्डे अपराधा रा दोष नांई लाऊ जेहडा मेरा अनुमान , । 19 परन्तु त्याह ह रा झगडा तेऊ संघे सीधी आपणे धर्मा री कुछ गला होर यीशु ना रअ एक आदमी रे बारे में , ज़ोह मुंअ पर पौलुस तेउरे जींऊदे हूंणे रा दाबा करदा । 20 हांऊ उलझाना में , याह गला रा पता केहडे लाऊंणा ? तेबा मांई तेऊ पुछु , “ केह ताह यरूशलेमा बे नांहणा कि तखे याह गला रा फैसला हूंणा ? 21 परन्तु पौलुसे बिनती करी कि तेउरे मुकदमे रा फैसला अखी हो , तेबा मांई आज्ञा दीनी की जेभेरे तंणी सअ कैसरा सेटा नांई भेजलअ सअ जेहला में डांहणअ ।" 22 तेबा अग्रिप्पा फेस्तुसा क बोलू , “हाँऊ भी तेऊ आदमी री शुंणना चांहदा ।" तेऊ बोलू , “ ताह काला शुंणना ।" 23 अत: दूजे दिहाड़े जेबा अग्रिप्पा होर बिरनीके बड़ेी धूमधामा संघे आऊए होर सेनापति होर नगरा रे प्रमुख लोगा संघे दरबारा में पूजे । तेबा फेस्तुसे आज्ञा दीनी कि त्याह पौलुसा शादा । 24 फेस्तुसे बोलू , “ हे राजा आग्रिप्पा , होर हे सभ आदमियों ज़ोह अखे हामा संघे सा , तमे सभे आदमी हेरदा , जासके बारे में सभी यहूदी यरूशलेमा में होर अखे भी चिल्लाई-चिल्लाई करे म्हा क बिनती करी कि एऊरा जींऊंदे रंहणा ऊचित नांई आंहदा । 25 परन्तु मांई जांणू कि तेऊ एह्ड़ा किछे नांई करू कि मारणअ , होर तेऊ आपे महाराजा क बिनती करी , तेबा मांई तेऊ भेजणे रा फैसला करू । 26 मांई तेउरे बारे में कोई निश्चित गअल नांई पाई कि आपणे मालिका बे लिखू । तेबा मांई सअ थारे सामने होर बिशेषकर हे राजा अग्रिप्पा तेरे सामने आंणू कि जांचणे बाद म्हा कुछ लिखणे बे भेटे । 27 किबेकी कैदी भेजणअ होर ज़ोह दोष एऊ पेंदे लाईदे त्याह नांई खोजणे म्हा व्यर्थ लागदा ।"