प्रेरितों के काम 24

हाकीमा जेह पोलुसा रा पूजणाा

1 पांजा दिहाड़ी बाद हनन्याह महायाजक कई प्राचीनों होर तिरतुल्लुस ना रअ एक बकील संघे नींऊ । 2 जेबा सअ शादू तेबा तिरतुल्लुस तेऊ पेंदे दोष लाई करे बोलदअ लागअ , “हामेहामहिम फैलिक्स तेरे कारण म्हारे देशा में बड़ेी शान्ति सा होर तेरे प्रबंधा रे कारण ही ऐसा जाति री कई बुराई सुधरी । 3 एबा हामे हर जागह होर हर प्रकारा क धन्यबादे संघे मानदा । 4 एबा हामा तेरा होर टाइम खराब नांई करणा होर ताह क बिनती सा कि थोडा जेहा टाइम म्हारी सुनबाई बे दे । 5 गअल यह सा कि यह आदमी असली में पुरे संसारीा रे यहूदियों में फुट पाऊंदा होर नासरिया रे कुपंथा रअ नेता सा । 6 एऊ मंदिर अशुद्ध करनअ चाहू होर हामे यह ढाकू । हामा एऊ आपांणी व्यवस्था रअ नुसारी दण्ड दींणा । 7 परन्तु सेनापति लुसियासे यह हामा क जबरदस्ती छीनू ; 8 होर दोषा लाऊंणे आले भी ताह सामने इंहणे री आज्ञा दीनी या सभे गला जासके बारे में हामे एऊ पेंदे दोष लाऊंदा ताह आपे ही एउरी जाँच करी जांणना ।" 9 यहूदियों तेऊरा साथ देई करे बोलू , “या गला एहडी तरह री सा ।

पोलुसा रा उतर

10 जेबा राज्यपाले पौलुसा बे बोलणाे रा इशारा करू तेबा तेऊ उतर दीना , “ हाँऊ यह जांणी करे कि तू बहू साला ऐसा जाति रा न्याय करदा , खुश होई करे प्रतिउतर दीना । 11 तू आपे ही जाणी सकदा कि जेभरे हाँऊ यरूशलेमा में आराधना करदअ आऊअ म्हा सीधी बारह दिहाड़ी ही होई । 12 त्याह हे हाँऊ न मंदिरे , न आराधनालय , न नगरा में कासु संघे बिबाद करदअ या भीड़ लांऊदअ भालू ; 13 होर नाह त त्याह ह गला , जासका त्याह एबा म्हा पेंदे दोष लांऊदा , ताह सामने सच्च प्रमाणित करी सकदे । 14 परन्तु हाँऊ यह ताह सामने मानदा की जासू पन्था या कुपंथ बोलदा , तेसा रीति पेंदे हाँऊ आपणे पुर्बजा रे दईबा री सेबा करदा , होर ज़ोह गला व्यवस्था होर भविश्यबक्ता री कताबा में लिखी दी सा , त्याह ह सभी पेंदे विश्वास करदा । 15 होर दईबा क आशा डांहदा जेह्डी या भी आपु डांहदा कि धर्मी होर अधर्मी दुही रा पुनरुत्थान हूंणा । 16 इसलिए हाँऊ भी दईबा होर मणशा सामने आपणे बिबेका सदा निर्दोष डांहदा । 17 बहू साला बाद हाँऊ आपणे लोगा बे दाना पजेरदअ होर भेंटा चढाऊंदअ भी आऊअ दअ । 18 त्याह हे हाँऊ मंदिर में शुद्ध दशा में , बीना भिड़ा संघे होर बीना दंगे संघे भेंटा चढाऊंदअ भालू - हां एशिया रे कई यहूदी त्याह ह रा उचित , । 19 कि ज़ेबा मेरे बिरोधा में त्याह ह सेटा कोई गला सा तेबा अखे ताह सामने इच्छी करे म्हा पेंदे दोष लाऊले । 20 या आपे खोजे कि जेबा हाँऊ महासभा सामने खाडअ , तेबा त्याह हामे्हा पेंदे कुंण अपराध पाऊ ? 21 ऐसा गला छाडी मांई त्याह ह बीचे खड़े होई करे पुकारी करे बोलू , “मुंए दे में जीऊणे रे बारे में आज मेरा मुकदमा तमा सेटा लागादा हूंदा ।" 22 फैलिक्से ज़ोह एऊ पंथा री गला ठीक-ठीक जाणदा , त्याह यह बोली करे टाली , “जेबा सेनापति लुसियास ईहलअ , तेबा म्हा थारी गाला रा निर्णय करणा । 23 होर सूबेदारा बे आज्ञा दीनी कि पौलुसा बे कुछ-छूट देई करे तेऊ री रखबाली करे , होर तेऊ दोस्ता मेंज़ा का भी कासु भी तेऊ री सेबा कारने बे नांई रोके ।

पोलुसा री फेलिक्स होर तेऊ री बेटढ़ी संघा गला बाता

24 कुछ दिहाड़े बाद फैलिक्स आपांणी लाड़ी द्रुसिल्ला , ज़ोह यहुदिनी , संघे आंणी होर पौलुस शदाई करे तेऊ विश्बासा रे बारे में ज़ोह यीशु मसीह पेंदे सा तेऊ क शूणू । 25 जेबा सअ धर्म संयम होर इंहणे आले न्याय री चर्चा करदअ , लागअदअ , तेबा फैलिक्से डरी करे उतर दीना , “एभरे तू नाह , जेबा म्हा टाइम भेटला तेबा म्हा तू भी शादाऊंणअ ।" 26 तेऊ पौलुसा क कुछ ढबे भेटणे री आशा , अत: सह तेऊ संघे भी-भी गला करदअ रंहदा , । 27 जेबा दुई साला बीती तेबा पुरखियुस फेस्तुस , फैलिक्सा री जागह आऊअ ; होर फैलिक्से यहूदी खुश करणे री तंणी पौलुस जेहला क छाडू ।