प्रेरितों के काम 26

अग्रिपा जेह पोलुसा रा सच खोजणा

1 अग्रिप्पा पौलुसा बे बोलू , “ ताह आपणे बारे में बोलणाे री आज्ञा सा ।" तेबा पौलुस हाथ बढाई करे उतर दींदअ लागअ । 2 हे राजा अग्रिप्पा , जेतरी गला रा यहूदी म्हा पेंदे दोष लाऊंदा , आज तेरे सामने त्याह ह बे उतरा दींने बे आपणे आपा धन्य समझदा । 3 बिशेषकर तेबा कि तू यहूदी रे व्यबहारा होर बड़ेी रांबडी तरह जांणदा । अत: हाँउ बिनती करदा , कि ध्याने संघे मेरी गला शूणे । 4 “ मेरा चल चलन पहिले आपांणी जाति में बीचे होर यरूशलेमा में जेह्डा , यह सभे यहूदी जाणदा । 5 ज़ेबा त्याह गबाही दींणा चाहे , तो पहिले क म्हा पह्चाणदा कि हाँऊ फरीसी होई करे आपणे धर्मा में सभी क खरे पंथा में चलू । 6 होर एबा तेसा प्रतिज्ञा री आशा रे कारण ज़ोह दईबे म्हारे बजुर्गे संघे करी , म्हा पेंदे मुकदमा चलू दा । 7 तेसा प्रतिज्ञा रे पुरे हूंणे री आशा लाई दी , म्हारे बारा गोत्र आपणे पुरे मना संघे राच दिहाड दईबा री सेवा करदे आऊदे । हे राजा , एह्सी आशा रे कारण यहूदी म्हा पेंदे दोष लांऊंदा । 8 जेबा कि दईब मुंए दे जींऊंदे करदा , तेबा थारअ खे यह गअल किबे बिश्वास योग्य नांई आंहदी । 9 हाँउ भी समझदा , कि यीशु नासरी रे ना रे बिरोधा में म्हा बहू कुछ करणा । 10 होर मांई यरूशलेमा में एह्ड़ा ही करू , प्रधान याजका क आधिकार पाई करे बहू पवित्र आदमी मांई जेहला में डाही , होर जेभरे त्याह ह मारदा , तेबा त्याह ह रे बिरोधा में आपांणी सहमति दिंदा , । 11 हर एक आराधनालए में नांही करे हाँऊ ताड़ना दिलाई करे यीशु री निन्दा करदा , अखे तंणी गुस्से रे मारे पागल होऊ कि नगरा बागे भी हाँऊ त्याह ह सताऊँदा ,

आपणा मन परिबर्तन

12 एहडी तरह हाँउ प्रधान याजका क अधिकार होर आज्ञा लईकरे दमिश्का बे नांहदअ , लागअदअ । 13 तेबा हे राजा रास्ते में दोपेहरा रे टाइमे मांई सरग क सुरजा रे तेजा क बह्डीकरे एक प्याषा , आपणे होर आपु संघे हाँडणे आले चहु फेरे चमकडा हेरू । 14 जेबा हामे सभे नेहटे पड़ी , तेबा मांई इब्रानी भाषा में बोलदअ एक शब्द शुंणू , “ हे शाउल , तू म्हा किबे सताऊँदा ? तीच्चे पेंदे लात बाहणी कठिन हूंदा ।" 15 मांई बोलू , " हे दईबा तू कूण सा ?” दईबा बोलू , “हाँऊ यीशु सा जासू तू सताऊँदा । 16 परन्तु तू उठ , आपांणी टांगा पेंदे खडअ हो किबेकी मांई ताह बे एतकी तंणी दर्शन दिने कि ताह त्याह ह गला रे भी सेबक होर गबाह ठहराऊ , ज़ोह तांई हेरी होर त्याह ह रे भी जासू की तंणी म्हा ताह बे दर्शन दींणे । 17 होर हाँउ ताह तेरे लोग क होर अन्यजाति बचाऊँदअ रहलअ , जासू सेटा मांई तू एबा भेजणअ लाऊ । 18 कि तू त्याह ह री आछी खोले कि त्याह न्यारे क प्याशे फेरा बे , होर शैताना रअ धिकारा क दईबा फेरा बे फिरे कि पापा री क्षमा होर त्याह हे लोके संघे ज़ोह म्हा पेंदे विश्वास करणे रे कारण पवित्र होई दे सा । आपणे कामा रा परिबर्तन 19 “ अत: हे राजा अग्रिप्पा मांई तेऊ सरग रे दर्शना री गअल नांई टाली । 20 परन्तु पहिले दमिश्का रे तेहुकी यरूशलेमा रे होर तेबा यहूदी रे सारीे देशमें रंहणे आले होर अन्यजाति भी समझाऊँदअ रहू , कि मना फिरा होर दईबा फेरा बे मना फिराऊंणे रे काम करा । 21 याह गला रे कारण यहूदी म्हा मंदिरा में डाहकी करे मारणे रा यत्न करदे लागे । 22 परन्तु दईबा री सहायता संघे हाँऊ आज तंणी ठीक सा , होर ओछे बड़ेे सभी सामने गबाही दिंदा , होर त्याह ह गला छाडी होर कुछ नांई बोलदअ ज़ोह मूसा होर ज्योत्षी भी बोलूदा । 23 कि मसीह दुःख आऊअ ऊठाऊंणा होर सहे सभी क पहिले मुंए दे मेंज़ा का जींऊंदअ हूंणअ म्हारे लोगा में होर अन्यजाति में ज्योति रा प्रचार करणा । 24 जेबा सअ एहडी तरह उतर दींदअ , लागअदअ तेबा फेस्तुसे ज़ोरे बोलू , “हे पौलुसा तू पागल सा ।बहू ज्ञान तू पागल करू ।" 25 पौलुसे बोलू , “ हामेहामहिम फेस्तुस हाँऊ पागल नांई आंहदअ , परन्तु सच्चाई होर बुधी री गला करदा । 26 राजा भी जासके सामने होऊ निडर होई करे बोलदअ लागअ , जांणदा ; होर म्हा विश्वास सा कि याह गला क तेऊ क कोई भी गअल छिपी दी नांई आंहदी किबेकी यह घटना कासु होरी संघे घटी दी नांई आंहदी । 27 हे राजा अग्रिप्पा केह तू ज्योत्षी पेंदे विश्वास करदा ? हां हाँऊ जांणदा कि तू विश्वास करदा ।" 28 तेबा अग्रिप्पा पौलुसा बे बोलू , “ तू थोड़े ही समझणे क म्हा मसीही बणाऊंणअ चांहदा?” 29 पौलुसे बोलू , “दईबा क मेरी प्रार्थना सा कि केह थोड़े में केह बहू में केबल तू ही नांई परन्तु जेतारे लोगा आज मेरी शुंणदा , याह बंधन छाडी त्याह मांह सामने होया । 30 तेबा राजा होर जज होर बिरनीके होर तेऊ संघे बेशणे आले खडे उठे । 31 होर अलग नांही करे आपु में बोलदे लागे , ” यह आदमी एह्ड़ा त कुछ नांई करदअ ज़ोह मृत्यु दण्ड या जेहला में डाहणे योग्य सा ।" 32 अग्रिप्पा फेस्तुसा क बोलू , “ ज़ेबा यह आदमी कैसरा री दोहाई नांई दींदअ तेबा छुटी सकदा ,