प्रेरितों के काम 19

इफिसुस नगरा में पौलुस

1 जेबा अपुल्लोस कुरिन्थुसा में , तेबा पौलुस उझे रे सारीे प्रदेश होई करे इफिसुसा में आऊअ । तखे कुछ चेले हेरी करे 2 तेऊ बोलू , “कह तमा विश्वास करदे टाइमे पवित्र आत्मा आऊआ ?” त्याह हे बोलू , “हामे त पवित्र आत्मा री चर्चा भी नांई शूणी ।" 3 तेऊ त्याह ह बे बोलू , “तेबा तमे कासका बपतिस्मा लऊ ?” त्याह हे बोलू , “यहुन्ना रा बपतिस्मा ।" 4 पौलुसे बोलू , “यहुन्ना त यह बोली करे मना फिराऊँणे रा बपतिस्मा दीना कि ज़ोह म्हा बाद इंहणे आलअ सा , तेऊ पेंदे अर्थात यीशु पेंदे विश्वास करे ।" 5 यह शूणी त्याह हे दईबा यीशु रे ना पेंदे बपतिस्मा लऊ । 6 जेबा पौलुसे त्याह ह पेंदे हाथ डाहू , तेबा पवित्र आत्मा त्याह ह पेंदे ऊतरु होर त्याह होरा-होरा भाषा में गला करदे लागे होर भविश्यबाणी करदे लागे । 7 या सब लगभग बारह आदमी , । 8 सअ आराधनालय में नांही करे ची महीने तंणी निडर होई करे बोलदअ रहू होर दईबा रे राज्य रे बारे में बिबाद करदअ होर समझाऊंदअ । 9 परन्तु कुछ लोगे तेऊ री गलआ नांई मानी परन्तु लोगा सेटा एऊ रास्ते बुरे बोलदे लागे तेबा तेऊ त्याह छाडी होर च़ेलअलग करी होर रोज तुरन्नुस री पाठशाला में बाद-बिबाद करदा रंहदा , । 10 दुई साला तंणी यहे हुंदा रहू , अखे तंणी कि साहा िया में रंहणे आले कह यहूदी कह यूनानी सभीऐ दईबा रअ बचन शूणी । 11 दईब पौलुसा रे हाथा क सामर्थ्य रअ नोखे काम रीहांऊदा , । 12 अखे तंणी कि रुमाल होर अंगोछे तेउरे शरीरा क छुही करे बीमारी पेंदे डांहदा , होर त्याह ह री बीमारी ठीक हुंदा , होर दुष्टात्मा त्याह ह क निख्ला , । 13 परन्तु कुछ यहूदी झाड फूंक करदे रंहदा , । यह करदे लागे कि जासू में दुष्टात्मा हुंदा , त्याह ह पेंदे दईबा यीशु रा ना यह बोली करे फूंके , “जासू यीशु रा प्रचार पौलुस करदा , हांऊ तेऊ री शपथ लंऊदा । 14 होर स्क्किवा ना रे एकी यहूदी प्रधाना याजका रे सात शोहरू , ज़ोह एह्ड़ा करदा , । 15 पर दुष्टात्मा त्याह ह बे उतर दीना , “यीशु हांऊ जाणदा होर पौलुसा पहचाणदा , परन्तु ताने कूणसा ?" 16 होर सअ आदमी जासू में दुष्टात्मा , त्याह ह पेंदे लपकू औत त्याह बशा में करी , त्याह ह पेंदे एडहा उपद्रव करू कि त्याह नंगे होइकरे होर घायल होइकरे घरा क निखली । 17 यह गलअ इफिसुसा में सभी रंहणे आले यहूदी होर यूनानी भी जाणी । होर त्याह सभी डरी ; होर दईबा यीशु री बड़ेाई होई । 18 जासू विश्वास करू त्याह ह में बहूऐ इच्छी करे काम मानी होर प्रगट करी । 19 जादू करणे आले बहू लोगे आपांणी पो सभी लोगा सामने जाअली होर जेबा त्याह ह रा दाम ज़ोह डू , तेबा त्याह पजाह हज़ार चांदी रे सिक्के बराबर , । 20 एढ़ी तरह दईबा रा बचन फैलदा होर बढ़दा रहू । 21 जेबा या गला होई छेकि , तेबा पौलुसा री आत्मा ठानू की मकिदुनिया होर अखया होई करे यरूशलेमा बे नांहणा होर बोलू , “तखे नांही करे म्हा रोम भी जरुर भालना ।" 22 इसलिए आपांणी सेबा करनेआले में तीमुथियुस होर इरास्तुस मकिदुनिया भेजी आपु कुछ दिहाड़े साहा िया में रहू ।

इफिसुसा में उपद्रव

23 तेऊ टाइमे तेऊ पन्था रे बारे में बड़ेा हुल्लड होऊ । 24 किबेकी देमेत्रियुस ना रअ एक सुनार अरतिमिस रे चांदी रे मंदिर बणाई करे करिगरा बे बहू काम दिंदा , । 25 तेऊ त्याह होर एढ़ी ही बस्तु रे कारीगर कठे करी होर बोलू , “हे आदमियो तमे जाणदा कि एऊ कामा क हामा कतरा धन भेटदा । 26 तमे हेरदा होर शूणदा कि केबल इफिसुसा में नांई , परन्तु सारीे साहा िया में यह बोली करे , एऊ पौलुसे बहू लोगा समझाई होर भरमाई दे सा । कि ज़ोह हाथा री कारीगर सा त्याह इश्वर नांई आंहदे । 27 एता क तेबा ऐसा गला री डरअ नांई आंहदी कि म्हारे एऊ धंधे में एबा प्रतिष्ठा नांहदी रंहणी , बल्कि यह महान देवी अरतिमिसा रअ मंदिर भी तुच्छ समझणअ होर जासू साहा िया होर जगत पुजदा तेसका महत्व भी खत्म हूंणा । 28 त्याह ह यह शूणी गुस्सा आऊआ होर ज़ोरे-ज़ोरे बोलदे लागे , “इफिसिया री अरतिमिस महान सा !” 29 होर सारीे नगरा में कोलाहल मचु लोगे मकिदुनियाबासी गयुस होर अरिस्तर्खुस ज़ोह पौलुसा रे संघी यात्री , ढाकी होर रंगशाला में भागी । 30 जेबा पौलुस भीतर लोगा सेटा नांहणा चांहदा , तेबा चेले सअ रोकू । 31 साहा िया रे जजा मेंज़ा का तेऊ रे कई दोस्ते भेजी करे बिनती करी की रंगशाला में नांही करे ज़ोह खिम नांई ऊठाए । 32 तखे लोग जिछ-किछे ज़ोरे-ज़ोरे चिलाऊँदे , लागेदे किबेकी सभी में बड़ेी गडबडी , लागीदी हुन्दी , होर कई लोगा यह भी नांई जांणदे , कि हामे कठे किबे होई दे । 33 तेबा त्याह हे सिकंदर , जूंण यहूदियों खडअ करू , भिड़ा में आगे करू , सिकंदर हाथे संघे इशारा करी करे उतर दीणा चांहदा , । 34 परन्तु जेबा त्याह हे जाणू कि यह यहूदी सा , तेबा सभे कि शब्दा में कोई दुई घंटे चिलाऊँदे रही , “इकिसिया री अरतिमिस महान सा ।" 35 तेबा नगरा रे मंत्री लोगा शांत करणे बे बोलू , “हे इकियुसा रे लोगो कुण नांई जाणदअ कि इफिसिया रा नगर महान देवी अरतिमिस रे मंदिर होर सरगा पड़ीदी मूर्ति रा रखबाला साहा । 36 अत: जेबा याह गला रा खंडन नांई होई सकदा , तेबा उचित सा कि तमे शांत रहा । होर बीना सोचे बिचारे कुछ नांई करे । 37 किबेकी तमे या आदमी आणीदे ज़ोह न मंदिरा लुटणे आले होर ना म्हारी देवी रे निन्दा करणे आल़े सा । 38 ज़ेबा देनेत्रियुस होर तेऊ रे सा कारीगर कासु क भी बिबाद सा तेबा कोर्ट खुले सा होर जज भी सा , त्याह एकी दूजे पेंदे नालिश करे । 39 परन्तु तमा ज़ेबा कासु होरी विषय में पूछणा चांहदा तेबा नियत सभा में फैसला में हूंणा । 40 किबेकी आज के बोलडू रे कारण हामा पेंदे दोष लाऊंणे डरअ सा , इसलिए कि एत का कोई कारण नांई आंहदा । होर हामे ऐसा भिड़ा कठे हूणे रा कोई उतर भी नांई देई सकदे । 41 यह बोली करे तेऊ सभा बिदा करी ।