प्रेरितों के काम 18

कुरिन्थुस नगरा में

1 एता बाद पौलुस एथेंस छाडी करे कुरिन्थुसा में आउअ । 2 तखे तेऊ अकिव्ला ना रअ एक यहूदी भेटअ , जासका जन्म पुन्तुस में होऊ दा , । सअ आपांणी लाड़ी संघे इटली क तेभेरे जेहडअ आऊअ दअ , किबेकी क्लौदियुसे सभी यहूदी बे रोमा क निखने री आज्ञा दीनी । एत की तंणी त्याह तखा बे नाठे । 3 तेऊ रा होर त्याह ह रा एक ही उद्यम , एत की तंणी सअ त्याह ह संघे रहू होर त्याह कामा करदे लागे ; होर त्याह रा बिजनेस तंबू बणाऊंणे रा , । 4 सअ हर एक सब्ता री दिहाड़ी आराधनालय में बाद-बिबाद करी करे यहूदी होर यूनानी समझाऊंदअ रंहदा , । 5 जेबा सीलास होर तीमुथियस मकिदुनिया में आऊऐ , तेबा पौलुस बचन शूनाऊने री धुना में मगन , होर यहूदी बे गबाही दींदअ , लागअदअ । की यीशु ही मसीह आसा । 6 परन्तु त्याह बिरोधा करदे होर निंदा करदे लागे , तेऊ तेबा कपडे झाडी करे बोलू , “थारा लोहू थारे गलआ में रहे ! हाँऊ निर्दोष सा । एबा म्हा अन्यजाति सेटा बे नांहणा ।" 7 तखा क नाहशी क्रुसा अ तितुस यूस्तुस ना रे दईबा रे भक्ता रे घरा बे नाठअ ; जासकअ घरअ अराधनालय संघे , । 8 तेबा अराधनालय रे सरदारे क्रिसपुस होर आपणे सारीे घराने समेत विश्वास करू ;होर बहू कुरिन्थिवासी शूणी करे विश्वास करू होर बपतिस्मा लऊ । 9 दईबा एकी राची पौलुसा बे दर्शन देई बोलू , “नांई डरे , परन्तु बोलदअ रह होर चुप नांई रहे ; 10 किबेकी हांऊ तांई संघे सा , होर कोई हमला करी ताह बे हानि नांई पहुंचाई सकदअ ; किबेकी एऊ नगरा में बहू लोगा मेरे सा ।" 11 इसलिए सअ त्याह ह बे दईबा रा बचन सिखाऊंदअ देहुडी साला तक रहू । 12 जेबा गल्लियो अखया देशा रअ जज , तेबा यहूदी लोगा कठे होई होर पौलुसा पेंदे हमला करू , होर सअ न्याय साहा ना सेटा आणू होर बोलदे लागे , 13 “यह लोगा बे समझाऊंदा कि दईबा री उपासना एढ़ी रीति संघे करे , ज़ोह व्यवस्था रे बिपरीत सा ।" 14 जेबा पौलुसे बोलना लाऊ , तेबा गल्लीयो बे यहुदिएबोलू , “ हे यहूदियों , अगर यह अन्याय होर दुष्टता री गल हुंदी , तेबा सही , हाँउ थारी शुंणदअ । 15 परन्तु ज़ेबा यह बाद-बिदाद शब्दा , होर ना , होर थारी व्यवस्था रे बारे में सा , तेबा तमे ही जांणा ; किबेकी हाँऊ याह गला रअ न्यायी नांई बणना चांहदअ ।" 16 होर तेऊ त्याह न्याय साहा ना सेटा क बागे काहडी । 17 तेबा सभी लोगे आराधनालय रअ सरदार सोस्थिनेस ढाकु होर न्याय साहा ना सामने चीकू । परन्तु गल्लियो याह सब गला री कुछ भी चिंता नांई करी ।

अन्ताकिया बे बापस इंहणा

18 पौलुस बहू दिहाड़ी तंणी तखे रहू । तेबा तखा क बिदा होई करे किंख्रीया में इसलिए आपणा मुंडेन कराऊ , किबेकी तेऊ मन्नत मानी दी , होर जहाजा में सीरिया बे नाठअ होर तेऊ संघे प्रिस्किल्ला होर अकिव्ला , । 19 तेऊ इफिसुस पुजी करे त्याह तखे छाडी , आपु आराधनालय में नाह्शी करे यहूदी संघे बाद-बिबाद करदअ लागअ । 20 जेबा त्याह हे बिनती करी कि , “हामा संघे कुछ दिहाड़ी होर रहे ।" तेबा तेऊ नांई मानू ; 21 परन्तु यह बोली करे बिदा होऊ , “ज़ेबा दईबे चाहू तेबा म्हा तमा सेटा भी इंहणा ।" 22 होर कौसरिया में उतरीकरे (यरूशलेमा बे) नाठअ होर कलीसिया बे नमस्ते े करी अन्ताकिया बे आऊअ ।

पौलुसा री चींहूणी प्रचार यात्रा

23 तेबा कुछ दिहाड़ी तखे रही करे तखा क निखलू , होर एकी फेरा क गलातिया होर फ्रुगिया रे चेले स्थिर करदअ रहू ।

इफिसुस नगरे में अपुल्लोस

24 अपुल्लोस ना रअ एक यहूदी जासका का जन्म सिकन्दरिया में होऊ दा , ज़ोह एक विद्वान पुरुष , होर पवित्र शास्त्रा अच्छी तरह जांणदा , इफिसुसा मैं आऊअ । 25 तेऊ दईबा रे मार्गा री शिक्षा पाईदी , होर मन लाई करे यीशु रे बारे में ठीक-ठीक शूणाऊंदा होर सिखाऊंदा , परन्तु सअ सीधी यहुन्ना री बपतिस्मा रे बारे में जांणदा , । 26 सअ आराधनालय में निडर होई करे बोलदअ लागअ , पर प्रिस्किल्ला होर अकिव्ला तेऊ री गला शूणी सअ आपणे घरा बे नींऊ होर दईबा रा मार्ग तेऊ बे होर भी ठीक - ठीक खोजू । 27 जेबा तेऊ निश्चय करू कि पार उतरी करअ खाया बे नांहणा तेबा भाईऐ ढाढ़स देई करे चेले बे लिखू कि त्याह तेऊ अच्छी तरह मिले ; होर तेऊ तखे पूजी करे त्याह ह लोगा री बड़ेी सहायता करी जासू अनुग्रह रे कारण विश्वास करू , । 28 किबेकी सअ पवित्र शास्त्रे संघे प्रमाण देई करे कि यीशु ही मसीह सा , बड़ेी प्रबलता संघे यहूदी सभी सामने मनाऊंदअ रहू