प्रेरितों के काम 17

थिस्सलुनीके नगरा में

1 तेबा त्याह अम्फिपुलिस होर अपुल्लोनिया होइकरे थिस्सलुनीके में आए , जखे यहूदी रा एक आराधनालय , । 2 पौलुस आपांणी रीति रअ नुसारी त्याह ह सेटा नाठअ , होर चीअ सब्ता री दिहाड़ी पवित्र शास्त्रे संघे त्याह ह संघे बाद-बिबाद करू; 3 होर तेत का अर्थ खोली-खोली करे खोजा , कि मसीह रा दुःख ऊठाऊँणा , होर मुंऐ दे मेंज़ा का जी ऊठणा , जरुरी , ; होर "यही यीशु जासू की हाँउ तमा बे कथा शूणाऊंदा , मसीह सा ।" 4 त्याह ह में केतारे ही , होर भक्त यूनानीयों में बहू , होर बहू कुलीन बेटडी मांनू , होर पौलुस होर सीलासा संघे मिली । 5 परन्तु यहूदियों ज़ोह विश्वास नांई करदा , बजारा क कुछ दुष्ट लोगा आपु संघे मीलाई , होर भीड़ कठे करी करे नगरा में शोरा मचाऊंदे लागे , होर यासोना रे घरा फेरा बे नांही करे , त्याह लोगा सामने आंणने चाही । 6 त्याह तखे नांई भाली करे त्याह चिलाऊंदे-चिलाऊंदे यासोन होर कुछ भाई नगरा रे न्यायधीश सेटा खींची करे आणी , “या लोगा जासू यह संसारी उलटअ पुलटअ करू , अखे भी आऊऐ । 7 योसेने त्याह आपणे अखे ऊतारी । या सभे यह बोलदा कि यीशु राजा सा , कैसरा री आज्ञा रा बिरोध करदा ।" 8 त्याह हे लोगा होर हकीमा बे यह शूणाई त्याह डरेई । 9 इसलिए त्याह हे यासोन होर बाकी लोगा जमानत देई करे त्याह छाडी ।

बिरीया नगरा में

10 भाईऐ तेभरी त्याह राचअ अ राच पौलुस होर सीलास बिरीया बे भेजी ; होर त्याह तखे पूजी करे यहूदी रे आराधनालय में नाठे । 11 या लोगा त थिस्सलुनीके यहूदी क भले , होर त्याह हे बड़ेी लालसा संघे बचन ग्रहण करू , होर रोज पवित्र शास्त्रा में लोडदे रही कि या गला सच सा कि नांई । 12 इसलिए त्याह ह में बहुए , होर यूनानी कुलीन बेटडी मेंज़ा का होर मर्दा मेंज़ा का बहुए विश्वास करू । 13 परन्तु जेबा थिस्सलुनीके रे यहूदियों जाणू कि पौलुस बिरीया में दईबा रा बचन शूणाऊंदा , तेबा तखे भी इच्छी करे लोगा ऊकसाऊंदे होर हलचला मचाऊंदे लागे । 14 तेबा भाईऐ तेभरी बीदा करू कि समुन्द्रा रे किनारे बे नांहे ; परन्तु सीलास होर तीमुथियुस तखी रही । 15 पौलुसा पजेरने आले सअ एथेंस तंणी नीऊ; होर सीलास होर तीमुथियुसा बे आज्ञा लई बिदा होई कि त्याह छेको तेऊ सेटा इच्छे । एथेंस नगरा में 16 जेबा पौलुस एथेंसा में त्याह ह नीहालदअ , लागअदअ , तेबा नगर मूर्ति संघे बहरूदअ हेरी तेऊ दुःख होऊ । 17 अत: सअ आराधनालय में यहूदी होर भक्ता क , होर चौका में ज़ोह लोग तेऊ क मिलदा , त्याह हे संघे रोज बाद-बिबाद करदा , । 18 तेबा इपिकुरी होर स्तहोई की पण्डिते मेंज़ा का कुछ तेऊ संघे झगडे करदे लागे , होर कुछ बोलदे लागे , “यह बक-बक करने आलअ कह बोलना चांहदा?” परन्तु होरी बोलू , “यह होरी देऊ रअ प्रचारक लागदा" -किबेकी सअ यीशु रे होर पुनरुत्थाना रा सुसमाचार शूणाऊंदा , । 19 तेबा त्याह हे सअ आपु संघे अरियुपगुस बे नींऊ होर पुछु , “कह हामे यह जांणी सकदा कि यह ज़ोह नऊंअ मत तू शूणाऊंदा कह सा ? 20 किबेकी तू अनोखी गला हामा बे शूणाऊंदा , इसलिए हामे जांणना चांहदा कि एतका मतलब केह सा ।" 21 (इसलिए कि सभे एंथेसबासी होर परदेशी ज़ोह तखे रंहदा , नई-नई गला बोलने होर शूणने रे सिबाय होर कासु कामा में टाइम नांई बीतांऊंदे , ।)

अरियुपगुस री सभा में पौलुसा रा भाषण

22 तेबा पौलुसे अरियुपगुस बीचे खड़े होई करे बोलू , “हे एथेंसा रे लोगो , हाँऊ हेरदा कि तमे हर गला में बड़ेे देऊ मानने आले सा । 23 किबेकी हाउ हांडदे टाइमे जेबा थारे पूजणे री सामग्री हेरी तेबा एक एडी बेदी भी पाई , जासू में लिखूदा , , अनजाने इश्वरा बे ।' तेवा जासू तमे बीना जांणेदे पूछेदे , हांऊ तमा बे तेऊ रा समाचार शूणाऊंदा । 24 जासू दईबे पृथ्वी होर तेत में रंहण आली सारीी चीजा बणाई , सअ सरग होर पृथ्वी रअ स्वामी होइकरे , हाथे संघे बणाईदे मंदिरा में नांई रंहदअ ; 25 न कासु चीजा री जरूरता री तंणी आदमी री सेबा लऊंदअ , किबेकी सअ आपे ही सभी बे जीबन होर श्वास होर सब कुछ दिंदा । 26 तेऊ एक ही मूला रे आदमी री सब जाति सारीी पृथ्वी रंहणे री तंणी बणाई; होर त्याह ह रे ठहराऊदे समय होर निवासा री सीमाएं इसलिए बान्ही दे । 27 कि दईबा लोडे , होर टटोली करे तेऊ पाऐ , तेबा भी सअ हामा क दूर नांई आंहदअ । 28 किबेकी हामे तेऊ में ही जींऊंदे रंहदा , जेडहा थारे केतारे ही कविऐ बोलू दा भी सा , 'हामे त तेऊ रे ही वंशज सा ।' 29 अत: दईबा रा वंश होई करे हामा यह समझणा उचित नांई आंहदा कि इश्बरत्व सूने रुपे या पथर रे समान सा , ज़ोह आदमी री कलाकारी होर कल्पना संघे गाडी दे सा । 30 इसलिए दईब अ ज्ञानता रे टाइमा पेंदे ध्यान नांई दीना , होर एबा हर जागह सभी आदमी बे मना फीराऊंणे री आज्ञा दिंदा । 31 किबेकी तेऊ एक दिहाड ठहराई दी , जासू मे तेऊ आदमी रे दुआरा धर्मा संघे एऊ जगता रा न्याय करणा जूण तेऊ ठहराऊ दअ सा , होर सअ मुंऐ दे मेंज़ा का जी करे तेऊ ऐसा गला रा प्रमाण भी सभी बे दीना ।" 32 मुंऐ दे रे पुनरूत्थाना री गला शूणी कुछ लोग ठठे े करदे लागे , होर कुछे बोलू , “यह गलअ हामा ताह क कासु होरी दिहाडी शूणनी ।" 33 एते पेंदे पौलुस त्याह ह बिचा मेंज़ा का निखलू । 34 परन्तु कुछ आदमी तेऊ संघे मिली , होर विश्वास करू ; जासू में दियुनुसियुस ज़ोह अरियुपगुस रअ सदस्य , , होर दमरिस ना री एक बेटडी , , होर त्याह हे संघे होरा भी लोगा , ।