प्रेरितों के काम 14

इकुनियुसा में पौलुस होर बरनबास

1 इकुनियुमा में एडहा होऊ की त्याह यहूदी रे आराधनालय में संघे-संघे नाठे , होर एढ़ी तरह गला करी कि यहूदी होर यूनानी दुही में ही बहू लोगे विश्वास करू । 2 परन्तु विश्वास नांई करणे आले यहूदी अन्यजाति रे मन त्याह ह भाई रे बिरोधा उकसाई होर कटुता ऊत्पन करी । 3 त्याह बहू दिहाड़ी तंणी तखे रही , होर दईबा रे भरोसे पेंदे हियाबा री गला करदा , ; होर सअ त्याह ह रे हाथा क चिन्ह होर अद्बभुत काम कराई करे आपणे अनुग्रह रे बचना पेंदे गबाही दिंदा , । 4 परन्तु नगरा रे लोगा में फुट पड़ी दी , एत में केतारे त यहूदी फेरा होर केतारे प्रेरितों फेरा होई । 5 परन्तु जेबर अन्यजाति होर यहूदी त्याह ह रा अपमान होर त्याह ह पेंदे पथराबा करणे री तंणी आपणे सरदारे संघे त्याह पेंदे दौडी । 6 होर त्याह हे यह गलअ जाणी होर लुकाउनिया रे लुस्त्रा होर दिरबे नगरा में , होर ओहरी-पोहरी रे प्रदेशा में भागी । 7 होर तखे सुसमाचारा शूणाऊंदे लागे ।

लुस्त्रा होर दिरबे में

8 लुस्त्रा में एक आदमी बेठअदअ , ज़ोह टांगा क निर्बल , । सअ जन्मा क लेंगडअ , होर कधी हांडू नांहदअ , । 9 सअ पौलुसा गला करदे शूणदअ , लागअदअ । पौलुसे तेऊ फेरा बे हेरू कि एऊ चंगे हूंणे रा विश्वास सा , 10 होर तेऊ ज़ोरे बोलू , “आपांणी टांगा रे सहारे खड़अ हो ।" तेबा सअ पटिकी करे हांडदअ फिरदअ लागअ । 11 लोगे पौलुसा रे एऊ कामा हेरी करे लुकाउनिया री भाषा में ज़ोरे-ज़ोरे बोलदे लागे , “दईबा आदमी रे रूपा में हामा सेटा ऊतरु ।" 12 त्याह हे बरनबासा बे ज्यूस , होर पौलुसा बे हिरमेसा बोलू , किबेकी त्याह गला करणे में मुख्य , । 13 ज्युसा रे तेऊ मंदिरा रे पुजारी ज़ोह तेऊरे नगरा सामने , बलद होर फूला रे हार फाटका पेंदे लाई करे लोगा क बलिदान करांऊंणा चांहदा , । 14 परन्तु बरनबास होर पौलुस प्रेरितों जेबा यह शूणू , तेबा आपणे झिखडे चिरी होर भिडा में नाठे , होर पुकारी करे बोलदे लागे , 15 “हे लोगो , तमे कह करदा ? हामे भी तमा साही दुखा-सुखा रे भोगी आदमी सा , होर तमा बे सुसमाचार शूणाऊंदा कि तमे याहा बेकारा री चीजा क अलग होई करे दईबा फेरा बे फिरा , जासु स्बर्ग होर पृथ्बी ी होर समुद्र होर ज़ोह कुछ एत में सा बणाऊ । 16 तेऊ बीती दे टाइमा में सभी जाति आपणे - आपणे रास्ते हांडणे दीना । 17 तेबा भी तेऊ आपणे आप बे गबाह नांई छाडू ; परन्तु सअ भलाई करदअ रहू , होर सरग क पाणी होर फलबंत ऋतू देई करे थारे मना भोजने होर आनंदे संघे भरा ।" 18 यह बोली करे भी त्याह हे लोगा बड़ेी कठिनाई संघे रोकी कि त्याह ह री तंणी बलिदान नांई करे । 19 परन्तु कुछ यहूदियों अन्ताकिया होर इकुनियुसा क इच्छी करे लोगा आपू फेरा बे करी , होर पौलुसा पेंदे पथराब करू , होर मुंअ दअ समझी क्रुसा अ नगरा बागे घशीटी नींऊ । 20 परन्तु जेबरे चेले चहु तरफे खड़े होई , तेबा सअ उठी करे नगरा बे नाठअ होर दूजे दिहाड़े बरनबासे संघे दिरबे बे नाठअ ।

सीरिया रा अन्ताकिया बे लौटाऊंणा

21 त्याह हे तेऊ नगरा रे लोग बे सुसमाचार शूणाईकरे , होर बहू चेले बणाईकरे , लुस्त्रा होर इकुनियुस होर अन्ताकिया बे बापस आए । 22 होर चेले रे मना स्थिर करदे रही होर उपदेश दिंदा , कि विश्वासा में बणी रहा ; होर यह बोलदा , “हामा बड़ेे दुःख उठाई करे दईबा रे राज्य में प्रबेश करणा सा ।" 23 होर त्याह हे हर एक कलीसिया में त्याह ह री तंणी प्राचीन ठहराई , होर ब्रत डाही प्रार्थना करीकरे त्याह दईबा रे हाथे सौंपी जासू पेंदे त्याह हे विश्वास करू , । 24 तेबा पिसिदिया बा त्याह पंफुलिया पूजे ; 25 तेबा पिरगा में बचन शूणाई करअ त्तलिया में आए , 26 होर तखा क त्याह जहाजा पेंदे अन्ताकिया बे नाठे , तखे त्याह तेऊ कामा बे ज़ोह त्याह हे पूरा करू , दईबा रअ अनुग्रह में सौंपी दे , । 27 तखे पूजी करे त्याह हे कलीसिया कठे करी होर खोजू कि दईबे त्याह ह संघे कठे होई करे बड़ेे-बड़ेे काम करी , होर अन्यजाति बे विश्वासा रे दुआर खोली । 28 होर त्याह चेले संघे बहू दिहाड़े तंणी रही ।