प्रेरितों के काम 13

बरनबास होर शाऊला रा भेजणा

1 अन्ताकिया री कलीसिया में कई उपदेशक होर ज्योत्षी , ; जेढ़अ बरनबास होर शैमोन ज़ोह नीगर कहलाऊँदा ; होर लूकियुस कुरेनी होर चौपाई देशा रे राजा हेरोदेसा रा दूध भाई मनाहेम , होर शाउल । 2 जेबा त्याह बिना ब्रते दईबा री उपासना करदे , लागेदे , तेबा पवित्र आत्मा बोलू , “मेरी तंणी बरनबास होर शाउला तेऊ कामा क अलग करा जासू की तंणी मांई सअ शादू ।" 3 तेबा त्याह हे ब्रत होर प्रार्थना करी करे होर त्याह पेंदे हाथ डाही करे त्याह बिदा करी । 4 अत: त्याह हे पवित्र आत्मा दुआरा भेजीदे सिलुकिया बे नाठे , होर तखा क जहाजा में चहडी क्रुसा ाइप्रसा बे नाठए ।

पौलुसा री पहिली प्रचार-यात्रा

5 होर सलमीस में पुजीकारे , दईबा रा बचन यहूदियों रे आराधनालय में शूणाऊ यहुन्ना त्याह ह रअ सेबक , । 6 त्याह तेऊ टापू में सारीे नांहदे-नांहदे पाफुस पूजे । तखे त्याह ह बार- यीशु ना रे एक यहूदी टोनहा होर झूठअ ज्योत्षी भेटअ । 7 सअ बईद सिरगियुस पौलुसा संघे , ज़ोह बुद्धिमान मर्द आदमी , । तेऊ बरनबास होर शाउल आपु सेटा शदाई करे दईबा रा बचन शूणना चाहू । 8 परन्तु इलीमास टोनहे , किबेकी यहे तेऊरे ना रा मतलब , त्याह ह रा बिरोध करी करे रोकणा चाहू । 9 तेबा शाउले जासका ना लऊ पौलुस भी सा पवित्र आत्मा संघे परिपूर्ण होई करे तेऊ फेरा बे टकटकी लाई लगातार हेरू , होर बोलू , 10 'हे सारीे कपट होर सब चतुराई संघे भरी दे शैताना री संतान , सकल धर्मा रे दुश्मण , कह ता दईबा रे सीधे रास्ते डींगे करणे नांई छाडणे ? 11 एबा हेर , दईबा रअ हाथ ताह पेंदे लागअदअ सा ; होर एबा तू कुछ टाइमे तंणी कांणअ रंहणअ होर ताह धूपा भालणा नांई भेटणा ।" तेबा तेभरी धुंधलापन होर न्याहरा तेऊ पेंदे छाऊ , होर सअ ओहरी- पोहरी लोडदअ लागअ ताकी कोई तेऊरअ हाथ डाकी सके । 12 तेबा बईदे ज़ोह कुछ होऊ , तेऊ हेरी करे होर दईबा रे उपदेशा क चकित होई करे विश्वास करू ।

फिसिदिया रअ न्ताकिया में

13 पौलुस होर तेऊरे सा पापुसा स जहाज खोली करे पिरगामें आए ; होर यहुन्ना त्याह ह छाडी करे यरूशलेमा बे बापस लौटू । 14 पिरगा क आगे बढ़ी करे त्याह पिसिदिया क अन्ताकिया में पूजे ; होर सब्ता री दिहाड़ी आराधानालय में नाहशी करे बेठे । 15 व्यवस्था होर ज्योत्षी री कताबा पढ़ने बाद अराधनालय रे सरदारे संदेशा भेजू , “हे भाईओ , ज़ेबा लोगा बे उपदेशा री तंणी थारे मने कोई गला सा तेबा बोला ।" 16 तेबा पैलुसे खड़े होई करे हाथा संघे इशारा करू होर बोलू , “हे इस्राएलियों होर दईबा क डरणे आलओ शूणा : 17 या इस्राएल ी लोगा रे दईबे हमारे बाप दादा चुनी , होर जेभरे त्याह मिस्रा देशा में परदेशी होई करे रंहदा , तेबा त्याह री उन्नति करी , होर बलबंत भुजा क काह्डी । 18 सअ कोई चाहली साला तक जंगले त्याह ह सेंहदअ रहू । 19 होर कनान देशा में साता जाति रा नाश करी करे कोई साढ़े चार श साला में त्याह ह री मीरासा में करू । 20 ऐता बाद तेऊ शमूएल ज्योत्षी तक त्याह हे न्यायी ठहराऊ । 21 तेता बाद त्याह हे एक राजा मांगू : तेबा दईबे चाहली साला तंणी बिन्यामीना रे गोत्रा मेंज़ा का एक आदमी ; अर्थात कीशा रअ शोहरू शाउल त्याह ह रअ राजा ठहराऊ । 22 तेबा सअ अलग करी करे दाऊद त्याह ह रअ राजा बणाऊ; जासके बिषय में तेऊ गबाही दीनी , 'म्हा एक आदमी यिशै रअ शोहरू दाऊद , मेरे मना रअ नुसारी भेटअ ; तेऊ मेरी सारीी इच्छा पूरी करणी । 23 तेऊ रे बंशा मेंज़ा का दईबे आपांणी प्रतिज्ञा रअ नुसारी इस्राएल ा सेटा एक ऊद्धार कर्ता , अर्थात यीशु भेजू । 24 तेउरे इंहणे क पहिले यहुन्ना सभी इस्राएल ी बे मन फिराबा क बपतिस्मा रा प्रचार करू । 25 जेबा यहुन्ना आपांणी सेबा पूरी करी छेकि , तेबा तेऊ बोलू , ' तमे म्हा केह समझा ? हाँऊ सअ नांई आंहदअ । पर हेरा , म्हा बाद एक इंहणे आलअ सा , जासू की टांगा क बूटा खोलणे रे लायक भी हाँऊ नांई आंहदअ । 26 हे भाईओ , तमे इब्राहिमा री संतान सा ; होर तमे ओ दईबा क डरदा , तमा सेटा एऊ ऊद्धारा रा बचन भेजू दा सा । 27 किबेकी यरूशलेमा में रहणे आले होर त्याह ह रे सरदारे , ना सअ पहचाणु होर ना ज्योत्षी री गला समझी , ज़ोह हर सब्ता री दिहाड़ी पढ़दा , इसलिए सअ दोषी ठहराई करे त्याह गला पूरी करी । 28 त्याह मरने री तंणी तेऊ में कोई भी दोष नांई पाऊ , तेबा भी पिलातुसा क बिनती करी तेऊ मारा । 29 जेबा त्याह हे तेऊरे बारे में लिखिदी सभे गला पूरी करी , तेबा सअ क्रुसा क ऊतारी करे कब्रा में डाहू । 30 परन्तु दईबे सअ मुंऐ दे मेंज़ा का जिलाऊ । 31 होर सअ त्याह हे ज़ोह तेऊ संघे गलीला क यरूशलेमा बे आए , बहू दिहाड़ी तक हेरदअ रहू , लोगा एबा त्याह ही गबाह सा । 32 हामे तमा ऐसा प्रतिज्ञा रे बारे में ज़ोह बाप दादों संघे करी दी , यह सुसमाचार शूणाऊंदा । 33 कि दईबे यीशु जिलाई करे , सहे प्रतिज्ञा म्हारी संताना री तंणी पूरी करी , जेहडा दूजे भजना में लिखुदा , 'तू मेरअ शोहरू सा आज मांई ही तू जन्माऊंदअ सा ।' 34 होर तेऊरे ऐसा रीति संघे मुंऐ दे मेंज़ा का जिलाने रे बारे में भी यह भी सा कि सअ कदी ना सड़े , तेऊ एडहा बोलू , 'म्हा दाऊदा री पवित्र होर अटल कृपा ताह पेंदे करणी ।' 35 इसलिए तेऊ एकी भजना में बोलू दा सा , 'ता आपण पवित्र जन सड़ने नांई दीणअ ।' 36 किबेकी दाऊद त दईबा री इच्छा रअ नुसारी आपणे टाइमा में सेबा करी क्रुसा ूतअ , होर आपणे बाप दादा संघे जा मिलु , होर ज़ोह सडू । 37 परन्तु ज़ोह दईबे जिलाऊ सअ कदही नांई सडू । 38 इसलिए हे भाईओ , तमे जाणा कि एहू दुआरा पापा री क्षमा रा सुसमाचार तमा बे दींणा । 39 होर याह गला मेंज़ा का तमे मूसा री व्यवस्था क निर्दोष नांई ठहरी सकदे , त्याह ही सभी मेंज़ा का रक एक विश्वास करने आलअ तेउरे दुआरा ठहरदा । 40 इसलिए चुश्त रहा , एडहा ना हो की ज्योत्षी कताबा में आऊअ होर तमा पेंदे नांई ईछे ; 41 'हे निंदा करणे आलओ हेरा होर चकित होआ , होर खत्म होआ ; किबेकी हाँऊ थारे दिहाड़े मेंज़ा का एक काम करदा , एडहा काम कि ज़ेबा तमा क एतकी चर्चा करे , तमा कदही विश्वास नांई करणा '।" 42 त्याह ह रे बागे निखलदे टाइमे लोगा त्याह ह क बिनती करदे लागे की आगले सब्ता री दिहाड़ी हामा याहे गला भी शूणाए । 43 जेबा सभे ऊठी तेबा यहूदी होर यहूदी मता में आएदे भक्ता में बहू पौलुसा होर बरनबासा पीछे हांडदे लागे ; होर त्याह हे त्याह ह संघे गला करी समझाई की दईबा रअ अनुग्रह में बणी रहे ।

पौलुसा दुआरा अन्यजाति बे प्रचारा करणा

44 आगले सब्ता री दिहाड़ी नगरा में सभे लोगा दईबा रा बचन शूणने री तंणी कठे होई । 45 परन्तु यहूदी भीड़ भाली करे गुस्से संघे भरी होर निंदा करदे-करदे पौलुसा रे बिरोधा में बोलदे लागे । 46 तेबा पौलुसे होर बरनबासे निडर होई करे बोलू , “जरुरी , कि दईबा रा बचन पहिले तमा बे शूणाए ; परन्तु जेबा तमे तेऊ दूर हटाऊंदा , होर आपणे आपा बे अनन्त जीबना रे योग्य नांई ठहरांऊदे , तेबा हेरा , हामे अन्यजाति फेरा बे फीरा । 47 किबेकी दईबा ए हामा बे आज्ञा दीनी दी सा , 'मांई तू अन्यजाति बे ज्योति ठहराऊ ताकि तू पृथ्वी रे छोर तंणी ऊद्हारा रअ दुआर हो ।' 48 यह शूणी अन्यजाति आनंदित होई , होर दईबा रे बचना री बड़ेाई करदे लागे । होर जेतरअ नन्त जीबना बे ठहराई , त्याह हे विश्वास करू । 49 तेबा दईबा रा बचन सारीे देशे फैलदा लागा । 50 परन्तु यहूदी भक्त होर कुलीन बेटडी होर नगरा रे प्रमुख लोगा ऊकसाई , होर पौलुस होर बरनबासा रे खिलाफ झगड़ा करी करे त्याह आपांणी सीमा क काहडी । 51 तेबा त्याह सामने आपांणी टांगा री धूड साफ करी करे इकुनियुसा बे नाठे । 52 होर चेले आनंदे होर पवित्र आत्मा संघे परिपूर्ण हुंदे रही ।