प्रेरितों के काम 10

कुरनेलियुसा रा पतरस शादणअ

1 कैसरिया में कुरनेलियुस ना रअ एक आदमी , इतालियानी नामक पलटना रअ सूबेदार , । 2 सअ भक्त , होर आपणे सारीे घराने समेत दईबा क डरदा , होर यहूदी लोग बे बहू दान दिंदा , होर बराबर दईबा री प्रार्थना करदा , । 3 तेऊ दिहाड़ी रे चिंहुणे पहरा में नेड स्पष्ट रूपा में हेरू कि दईबा रअ एक स्वर्गदूत तेऊ सेटा ईछी करे बोलदा , “हे कुरनेलियुस !” 4 तेऊ सअ ध्याने संघे हेरू होर डरी करे बोलू , “हे दईबा कह सा ?” तेऊये तेऊ बे बोलू , “तेरी प्रार्थना होर दान दईबा सेटा पूजे ; 5 होर एबा याफा में आदमी भेजी करे शमौना बे , ज़ोह पतरस कहलाऊंदा बुलाबा भेज । 6 सअ शमौन चमड़े रे व्यापारी सेटा पाहूणअ सा , जासकअ घर समुद्रा रे किनारे सा ।" 7 जेबा स्वर्गदूत जासु तेऊ संघे गला करी , नाठअ , तेबा तेऊ दुई सेबक , सदा तेऊ सेटा रंहदा , त्याह मेंज़ा का एक भक्त सिपाही शादू , 8 होर त्याह ह सारीी गला खोजी करे याफा बे भेजी ।

पतरसा रा दर्शन

9 दूजे दिहाड़े हांडदे-हांडदे नगरा सेटा पुजे , तेबा दोपहरे पतरस छापरे प्रार्थना करदअ चहडू । 10 तेऊ भोच लागीदी , होर कुछ खांणा चांहदा , परन्तु जेभरे त्याह तयारी करदे , लागेदे तेबा त्याह बेहोश होई । 11 होर तेऊ हेरू कि सरग खुलू , होर एक पात्र बड़ेी चादरा रे समान चाहरे कूंणे लटकदे पृथ्बी ी पेंदे उतरु । 12 जासू में पृथ्बी ी रे सभे चऊ टांगा आले होर रेंगने आले जंतु होर सरग रे पक्षी , । 13 तेऊ एक एढा शब्द शूणू , “हे पतरस उठ मार होर खा ।" 14 परन्तु पतरसे बोलू , “नांई दईबा , कदही नांई ; किबेकी मांई मची तंणी अपवित्र होर अशुद्ध चीजा मची तंणी नांई खाई ।" 15 तेबा दूजी बेरे भी तेऊ शब्द शूणू , “ज़ोह कुछ दईबे शुद्ध ठहराऊ , तेता तू अशुद्ध नांई ठहरा ।" 16 चीण बेरे एढा ही होऊ ; तेबा तेभरी सअ पात्र सरग बे उडू । 17 जेबा पतरस आपणे मना में दुविधा में , कि यह दर्शन ज़ोह मांई हेरू कह होई सकदा , तेबा हेरा , त्याह आदमी जूंणा कुरनेलियुसे भेजी , शमौना रा पता लाई करे तेऊरे दुआरा सेटा खडे होई । 18 होर पुकारी करे पूछदे लागे , “कह शमौन ज़ोह पतरस कहलाऊँदा , अखे पहुणअ सा । 19 पतरस तेऊ दर्शना रे बारे में सोचदअ , लागअदअ , कि आत्मा तेऊ बे बोलू , “हेर चीण आदमी तेरी खोजा में सा । 20 अत: उठ होर ऊंहदे नाह होर निसंकोच त्याह ह संघे नाह , मांई ही त्याह भेजी दे सा ।" 21 तेबा पतरस ऊतरु होर त्याह आदमी बे बोलू , “हेरा जासू लोडदे तमे आएदे सा सअ हाँऊ सा थारे ईंहणे रा कारण कह सा ?” 22 त्याह ए बोलू , “कुरनेलियुस सूबेदार ज़ोह धर्मी होर दईबा क डरणे आलअ होर सारीी यहूदी जाति में सुनाम आदमी सा , तेऊ एकी पवित्र स्वर्गदूता क निर्देश पाऊ की सअ ता क आपणे घरे शदाई करे बचन शूणे ।" 23 तेबा तेऊ त्याह भीतर शदाई होर त्याह ह री पाहूनचारी करी ।

कुरनेलियुसा रे घरे पतरस

होर दूजे दिहाड़े त्याह ह संघे नाठअ , होर याफा मेंज़ा का कुछ भाई संघे नी । 24 दूजे दिहाड़े त्याह कैसरिया पूजे होर कुरनेलियुसे आपणे टबर होर प्रिय मित्र कठे करी होर त्याह ह रे हाला-चाला पूछदअ लागअ 25 जेबा पतरस भितरा बे , लागअदअ इंहदअ , तेबा कुरनेलियुसे तेऊ संघे भेंट करी होर तेऊरी टांगा पेंदे पड़ी करे प्रणाम करू । 26 परन्तु पतरसे चुआकि करे बोलू , “खडअ हो हाँउ तआदमी सा ।" 27 होर तेऊ संघे गला करदे-करदे भितरा बे नाठअ होर बहू लोगा कठे हेरी 28 तेऊ बोलू , “तू जाणदा कि अन्यजाति संघे संगति करणा या अखे नांहणा यहूदी बे अधर्म सा , परन्तु दईबे म्हा बे खोजू कि कासु भी मणशा बे अपवित्र या अशुद्ध नांई बोले । 29 एढ़ी तरह जेबरे हाँऊ शादू बिना कुछ बोले आऊअ । एबा हाँऊ पूछदा कि हाँऊ किजकी तंणी शादू दअ ?” 30 कुरनेलियुसे बोलू , “ऐसा घड़ी पुरे चार दिहाड़े होई , हाँऊ आपणे घरे चीहूंणे पहरे प्रार्थना करदअ , लागअदअ , एक आदमी चमकीले झिखडे बानही म्हा सामने खडअ होऊ । 31 होर बोलदअ लागअ , 'हे कुरनेलियुस , तेरी प्रार्थना शूणी होर तेरे दान दईबा सामने स्मरण करी । 32 इसलिए कासु याफा भेजी करे शमौन ज़ोह पतरस कह्लाऊँदा , शाद । 33 तेबा मांई तेभरी ता सेटा लोग भेजी होर तांई रांबडा करू ज़ोह तू आऊअ । एबा हामे सभे दईबा सामने सा , ताकि दईबे ता क ज़ोह कुछ बोलू दा सा तेऊ हामे शूणे ।"

पतरसा रा उपदेश

34 तेबा पतरसे बोलू , “एबा म्हा बिश्वास होऊ कि दईब कासी रा पक्ष नांई लउंदअ , 35 हर एक जाति ज़ोह तेऊ क डरदा होर धर्मा रे काम करदा , त्याह तेऊ शोभले लागा । 36 ज़ोह बचन तेऊ इस्राएलियों सेटा भेजी , जेबा तेऊ यीशु मसीह रे दुआरा(ज़ोह सभी रा दईबा सा) शांति रा सुसमाचार शूणाऊ । 37 सअ बचन ज़ोह तमे जाणदा , ज़ोह यहुन्ना रे बपतिस्मा रे प्रचारा बाद गलीला क शुरू होई क्रुसा ारे यहूदिया में फैलू : 38 दईबे कासु रीति संघे यीशु नासरी रा पवित्र आत्मा होर सामर्थ्य संघे अभिषेक करू ; सअ भलाई करदा , होर सभी ज़ोह शैताने सताईदे , रांबडे करदा , किबेकी पमेश्बर तेऊ संघे , । 39 हामे त्याह ह सभी कामा रे गबाह सा ; ज़ोह यहूदिया रे देशा में होर यरूशलेमा में करी , होर त्याह हे सअ काठा पेंदे लटकाई करे मारू । 40 सअ दईबे चीहूँणे दिहाड़े जिलाऊ होर प्रगट भी करू ; 41 सभे लोगा नांई किन्तु त्याह गबाह जूंणा दईबे पहिले ही चूनीदे , अर्थात हामा पेंदे तेऊरे जी ऊठणे बाद तेऊ संघे खाऊ पीऊ ; 42 होर तेऊ हामा बे आज्ञा दीनी कि लोगा में प्रचार करा होर गबाही देया , कि यह सहे सा जूण दईबे जींऊदे होर मुंएदे न्यायी ठहराऊ । 43 तेऊरी सभे भविश्यबक्ता गबाही दिंदा कि ज़ोह कोहे तेऊ पेंदे बिश्वास करलअ , तेऊ तेऊरे ना रे पापा क क्षमा भेटणी । अन्य जाति पेंदे पवित्र आत्मा ऊतारणा 44 पतरस याह गला बोलदअ , लागअदअ कि पवित्र आत्मा बचन शूणने आले सभी आदमी में आऊआ । 45 होर जेतारे खतना ा करीदे विश्वासी पतरसा संघे , आएदे , त्याह सभे हैरान होई कि अन्यजाति पेंदे भी पवित्र आत्मा रा दान ऊंडेलू दा सा । 46 किबेकी त्याह हे त्याह होरी-होरी भाषा में बोलदे शूणी होर दईबा री बड़ेाई करदे भी शूणी एता पेंदे पतरसे बोलू , 47 “कह कोई पाणी रोकी सकदा कि या बपतिस्मा नांई पाए , जासू हमारे समान पवित्र आत्मा पाऊदा सा ?” 48 होर तेऊ आज्ञा दीनी कि याह बे यीशु मसीह रे ना क बपतिस्मा देया । तेबा त्याह ए तेऊ क बिनती करी कि सअ कुछ दिहाड़ी होर त्याह ह संघे रहे ।