प्रेरितों के काम 9

शाऊला रा ‌‍ह्रदय-परिबर्तन

( प्रेरिता 22 :6 -16 ;26 :12 -18 )

1 शाऊल ज़ोह मची तंणी दईबा रे चेले धमकऊँदा होर घात करदा , लागअदअ , महायाजका सेटा नाठअ। 2 होर तेऊ दमिश्क रे आराधनालय रे ना पेंदे री चिठ्ठी मांगी कि कह आदमी कह बेटडी , जूंणा तेऊ एऊ पन्था पेंदे पाई त्याह बानही करे यरुशलेमा बे आणी । 3 परन्तु हांडदे-हांडदे जेबा सअ दमिश्क सेटा पूजअ , तेबा एकदम सरगे चाहू तरफे पर्याशा होऊ । 4 होर सअ नेहटे माटे पेंदे पडू होर यह शब्द शूणू , “हे शाऊल , हे शाऊल , तू म्हा किबे सताऊँदा ?” 5 तेऊ पुछु , “हे दईबा तू कुण सा ?” तेऊ बोलू , “हांऊ यीशु सा , जासू तू सताऊँदा । 6 परन्तु एबा ऊठी करे नगरा बे नाह , होर ज़ोह ताह करणा , सअ ता बे खोजणा , 7 ज़ोह आदमी तेऊ संघे , त्याह हैरान-परेशान होई , किबेकी शब्द त शूणदे , लागेदे परन्तु कुण हेरी नांई आंहदअ , । 8 तेबा शाऊल ऊठअ , परन्तु जेबा आछी खोली तेबा तेऊ कीछे नांई हेरी होर तेऊये तेऊ रअ हाथ ढाकी करे दमिश्क में नीऊ । 9 तेऊ ची दिहाड़ी ना कुछ हेरू होर ना कुछ खाऊ होर ना कुछ पीऊ । 10 दमिश्क में हनन्याह ना रअ एक च़ेलअ , तेऊ बे दईबा ए दर्शना में बोलू , “हे हनन्याह ! " तेऊ बोलू , “ हाँ दईबा ।" 11 तेबा दईबा ए तेऊ बे बोलू , “उठ होर तेसा गली में नाह ज़ोह 'सीधी' कहलांऊंदा होर यहूदा रे घरा में शाऊला ना रअ एक तरसुसबासी बे पूछ; किबेकी हेर सअ प्रार्थना करदअ लागअदअ ।" 12 होर तेऊ हनन्याह ना रअ एक आदमी भीतर इंहदअ होर आपु पेंदे हाथ डांहदअ हेरू; ताकि भीआ क भाली सके ।" 13 हनन्याह उतर दीना , “हे दईबा , मांई एऊ आदमी रे बारे में बहू लोग कशूणू दा सा कि एऊ यरूशलेमा में तेरे पवित्र लोगा संघे बड़ेी-बड़ेी बुराई करीदी ; 14 होर अखे भी यह प्रधान याजका रे हुकाम ा संघे आऊदअ कि ज़ोह लोगा तेरा ना लंऊदा त्याह बंधी बणाए ।" 15 परन्तु दईबा ए तेऊ बे बोलू , “तू नांह; किबेकी सअ अन्यजातियों होर राजाओं होर इस्राएलियों रे सामने मेरा ना प्रगट करणे री तंणी मेरअ चुनु दअ पात्र सा । 16 होर म्हा तेऊ बे खोजणा कि मेरे ना री तंणी केहडा-केहडा दुःख चुकाऊंणा पड़ना । 17 तेबा हनन्याह उठी करे तेऊ घरा में नाठअ , होर आपण हाथ डाही करे बोलू , “हे भाई शाऊल , दईबा , अर्थात यीशु ज़ोह ता रास्ते में , जसुकअ तू आऊअ ता हेरू , तेऊ हाँऊ भेजू कि तू भीआ क दृष्टि पाए होर पवित्र आत्मा संघे परिपूर्ण हो ।" 18 होर तेभरी तेऊरी आछी क छिलके जेढे गिरी होर तेऊ हेरदा लागा , होर ऊठी करे बपतिस्मा लऊ ; 19 तेबा रोटी खाई तेऊ में जान आई ।

दमिश्का में शाऊला दुआरा प्रचार

सअ बहू दिहाडी त्याह चेले संघे रहू ज़ोह दमिश्क में , । 20 होर सअ तुरंत अराधनालय मंजे यीशु रा प्रचार करदअ लागअ कि सअ दईबा रअ शोहरू सा । 21 सबे शूणनेआले हैरान होई करे बोलदे लागे , “ कह यह सहे आदमी नांई आंहदअ ज़ोह यरुश्लेमा में त्याह ज़ोह एऊ ना लंऊदा , नष्ट करदा , ; होर अखे भी एत की तंणी आऊअ द , कि त्याह बान्ही करे प्रधान याजका सेटा नीणे ?” 22 परन्तु शाऊल होर भी सामर् हुंदअ रहू , होर ऐसा गाला रा प्रमाण देई करे की मसीह यहे सा दमिश्क में रहणे आले यहूदी रअ मुंह बंद करदअ रहू । 23 जेबा बहू दिहाड़े होई , तेबा यहूदी मिली करे तेऊ मारणे री स्कीम बणाई । 24 परन्तु त्याह री स्कीम शाऊला पता चली । त्याह त तेऊ मारणे री तंणी राच-दिहाड स्कीमा बणाऊंदे , लागेदे । 25 परन्तु राची तेऊरे चेले सअ टोकरे में बिशालू होर शहरपनाह पेंदे लटकाई करे ऊतारू ।

यरूशलेमा में शाऊल

26 यरूशलेम में पुजिकारे तेऊ चेले संघे मीलणे री कोशिश करी ; परन्तु सभे तेऊ क डरदा , किबेकी त्याह बिश्वास नांई होऊ कि सअ भी एक च़ेलअ सा । 27 परन्तु बरनबासे सअ आपु संघे प्रेरितों सेटा नींऊ होर खोजू कि एऊ कासु रीति संघे बाता दईबा हेरू होर तेऊ संघे गला करी ; तेऊखी दमिश्क में बड़ेी बहादुरी संघे यीशु रे ना रा प्रचार करू । 28 सअ त्याह संघे यरुश्लेमा में ईछद होर नांहदअ रहू । 29 होर निधडक होई करे दईबा रे ना क प्रचार करदा , । होर यूनानी भाषा बोलने आले यहूदियों संघे गल-बात होर बाद-बिबाद करदा , । परन्तु त्याह तेऊ मारणे री स्कीमा बणाऊंदे लागे । 30 यह जाणी करे भाई सअ कैसरिया बे आणू होर तरसुसा बे भेजू । 31 एढ़ी तरह सारीे यहूदिया , होर गलील , होर सामरिया में कलीसिया चैन भेटा , होर कलीसिया री उन्नति हुन्दी रही ; होर दईबा सअ दईबा रे भय होर पवित्र आत्मा री शांति में चलदी होर बढदी रही ।

लुद्दा होर याफा में पतरस

32 तेबा एढा होऊ कि पतरस हर जगह नांहदअ , त्याह पवित्र लोगा सेटा पूजअ ज़ोह लुद्दा में रंहदा , । 33 तखे तेऊ एनियास ना रअ एक लकबे रअ बीमार आदमी भेटअ , ज़ोह आठा साला तंणी बिस्तारे में , । 34 पतरसे तेऊ बे बोलू , “ हे एनियास ! यीशु मसीह ताह चंगअ करदा । उठ आपण बिस्तरा छाड ।" सअ तेभरी खडअ ऊठअ । 35 तेबा लुद्दा होर शारोना में सभे रहणे आले तेऊ हेरी करे दईबा फेरा बे फिरी । 36 याफा में तबीता अर्थात दोरकास ना री एक बिश्वासण , । सअ बहू भले काम होर दान करदा , । 37 त्याह ही दिहाड़ी सअ बीमार होई करे मुंई ; होर त्याह ए सअ नहलाई करे आटारी पेंदे डाही । 38 इसलिए कि लुद्दा याफा सेटा , चेले यह शूणी करे कि पतरस तखे सा दुई आदमी भेजी करे बिनती करी कि , “हामा सेटा इंहणे में देर नांई करे ।" 39 तेबा पतरस त्याह ह संघे नाठअ , जेबा सअ तखे पूजअ सअ त्याह ए अटारी सेटा बे नींऊ । सभे बिधबा लेरदी हुई तेऊ सेटा खड़ी होई होर ज़ोह कुरते होर झीखडे दोरकासे त्याह संघे रंहदे टाइमे बणाईदे , रिहांऊदी लागी । 40 तेबा पतरसे सभे बागे काहडी , होर घुटने टेकी करे प्रार्थना करी होर शवा फेरे हेरी करे बोलू , हे तबिता उठ ।" तेबा तेसे आपांणी आछी खोली , होर पतरस हेरी करे उठी करे बेठी । 41 तेऊ हाथ देई क्रुसा अ चूआकी , होर पवित्र लोगा होर बिधबा शदाई करे जींऊदी रिहाई । 42 यह गल याफा मैंजे सारीे फैली ; होर बहू लोगे दईबा पेंदे बिश्वास करू । 43 होर पतरस याफा में शमौन नारे एकी चमड़े रे व्यापारी रे घरे बहू दिहाड़ी तंणी रुकू ।