प्रेरितों के काम 7

स्तिफनुस रा भाषण

1 तेबा महायाजक बोलू , “कह या गला सच सा ?” 2 स्तिफनुसे बोलू , “ हे भाइयो , होर पितरो शूणा । महारअ पिता अब्राहम हरान में बसणे क पहिले मोसोपोटामिया में , ; तेबा तेज़ो मय दईबे तेऊ बे दर्शन दिने । 3 होर तेऊ बोलू , 'तू आपणे देश होर आपणे परिबारा क निखली करे तेऊ देशा बे ना , जासू हाँउ रिहाऊलअ । 4 तेबा सअ कसदिया रे देशा क निखली करे हराना में बसु । तेऊ रे पिता मरणे बाद दईबे सभे तखा क आणू होर एऊ देशे बसाऊ जासू में तमे एबा रंहदा । 5 होर तेऊ बे कुछ मीरास टांगा डांहणे बे भी जागह नांई दीनी परन्तु प्रतिज्ञा करी कि यह देश तेरे होर ताह बाद तेरे बंशा रे हाथे करणअ तेबा पहिले तेऊ जेंहू कोहे शोहरू नांई आंहदअ , । 6 होर दईबे एडहा बोलू , “तेरी संताना रे लोग पराये देशे परदेशी हूंणे होर त्याह ह त्याह नोकर बनाऊँणे होर चार श बर्षा तक दुःख दीणा ।" 7 भी दईबे बोलू , “ जासू जाति रे त्याह दास होले , त्याह बे म्हा सजा दीणी , होर एता बाद निखली करे ऐसा जागह मेरी सेबा करणी । 8 होर तेऊये तेऊ बे खतना े रअ बचन दीनअ होर एढ़ी दशा में इसहाक ऊत्पन्न होऊ होर आठे दिहाड़े तेऊ रा नाम कारण करू होर इसहाका क याकूब होर याकुबा क बारह कुलपति ऊत्पन्न होई । 9 होर कुलपतिए यूसुफ बे डाह करी सअ मिस्रा नांहणे आले बे बेचू । परन्तु दईब तेऊ संघे , । 10 होर सअ तेउरे सभी दुखा क छुडाइकरे मिस्रा रे राजा फिरौना री दृष्टी में अनुग्रह होर बुध्धि प्रदान करी होर तेऊ सअ मिस्त्र होर आपणे सारीे घरा रअ बईद नियुक्त करू । 11 तेबा मिस्त्र होर कनाना रे सारीे देशा में आकाल पडू; जासू संघे भारी कलेश पडू होर म्हारे बाप दादे खांणा नांई भेटी । 12 परन्तु याकुबे यह शूणी करे कि मिस्त्रा में आनाज सा , म्हारे बाप दादे पहिले भेजी । 13 दूजी बेरे युसुफे आपु बे आपणे भाई बे प्रगट करू होर यूसुफ कि जाति फिरौना पता लागी । 14 तेबा युसुफे आपणे आमा पापा याकूब होर आपणे सारीे टबर , पंन्दरा आदमी , शदाई । 15 तेबा याकूब मिस्त्रा बे नाठअ होर तखे म्हारे होर बाप दादे मुंए । 16 त्याह रे शब् शकेमा में पजेरी होर तेसा कब्रा में डाही , जूंण अब्राहम चांदी देईकरे शकेमा में ह्मोरा री संताना क लई , । 17 “परन्तु जेबा तेसा प्रतिज्ञा रे पुरे हूंणे रा बक्त नेड आऊआ ज़ोह दईबे इब्राहम क करी , तेबा मिस्त्र में त्याह लोग बढ़दे लागे होर बहू होई । 18 तेबा मिस्त्र में होर राजा होऊ ज़ोह युसुफा नांई जांणदा , । 19 तेऊ म्हारी जाति संघे चलाकी करी करे म्हारे बाप दादा संघे बुरा व्यबहार करू , कि त्याह आपणे शोहरू छाडने पड़ी कि त्याह जींउदे ना रहे । 20 तेऊ टाइमे मूसा ऊत्पन्न होऊ । सअ दईबा री दृष्टि में बहू ज्यादा शोभलअ , । सअ चीण महीने तक आपणे पिता रे घरे पलू । 21 जेबरे फेंकू तेबा फिरौना री शोहरीए सअ चकु होर आपण शोहरू मानी करे पालू । 22 मूसा बे मिस्त्री री सारीी बिद्या पढाई , होर यह होर यह बचन होर कर्म दूही में सामर् , । 23 “जेबा यह चाहली साला रअ होऊ , तेबा तेऊ माना में आउआ कि हांऊं आपणे इस्राएल ी सेटा मिलदअ नाशू । 24 तेऊ एकी आदमी पेंदे आन्याय हुंदे टाइमे सअ बचाऊ , होर सअ मिस्त्री मारू होर सअ सताऊ दअ खड़ा चुआकू । 25 तेऊ सोचू कि तेउरे भाई समझणा कि दईबा तेउरे हाथा क ऊधार करणा परन्तु त्याह नांई समझी । 26 दूजी दिहाडी त्याह आपु में , लागेदे लड्दे , तेबा सअ तखे आऊअ यह बोली करे आपु बे मेल करने बे बोलू , हे पुरुषों , तमे भाई-भाई सा , एकी दूजे पेंदे किबे लाऊदा अन्याय करणा ?” 27 परन्तु ज़ोह आपणे पडोसी पेंदे अन्याय करदअ , लागदअ तेऊ सअ बोली करे हटाऊ , 'तू कासु हामा पेंदे न्यायधीश होर न्यायी ठहराऊ । 28 कह जासू रीति तांई इह्ज मिस्त्री मारू म्हा भी मारना चांहदा । 29 यह शूणी मूसा ठुहरू होर मिधान देशा में परदेशी होई करे रंहदअ लागअ होर तखे तेऊरे दुई शोहरू होई । 30 जेबा पुरे चाहली बर्ष बीती , तेबा एक स्वर्गदूत सीनै पहाडा दे जंगला में झाखडे री झूहली में दर्शन दिने । 31 मूसा याह दर्शन हेरी आशचर्य होऊ , जेबा हेरने री तंणी सअ नेड नाठअ , तेबा दईबा रअ यह शब्द होऊ , 32 “हाँऊ तेरे बाप दादा , इब्राहम इसाह्क होर याकुबा रा दईब सा; तेबा मूसा कांबू , अखे तंणी कि तेऊ हेरने रे भी होश नांई रही । 33 तेबा दईबा ए बे बोलू , “ आपांणी टांगा क बूट ऊतार , किबेकी जासू जगह तू खडअ सा , यह पवित्र जागह सा । 34 मांई सची-मुची ज़ोह लोग मिस्त्रा में सा , दुर्दशा हेरी; होर त्याह री आह होर लेरना शूणू; इसलिए त्याह छुडाणे री तंणी ऊतरु द सा । एबा इच्छ म्हा तू मिस्त्रा बे भेजणअ । 35 “जूंण मूसा त्याह ए यह बोली करे नकारू कि तू कासु म्हारअ न्यायधीश होर न्यायी ठहराऊ ?” सहे दईबे न्यायधीश होर छुडाणे आलअ ठहराऊ , तेऊ स्वर्गदूत रे दूआरा जासू ए झाखडे दर्शन दीने , भेजू । 36 यहे आदमी मिस्त्र होर लाल समुन्द्र होर जंगला में चाहली साला तक अद्भुत काम होर चिन्ह रिहाई-रिहाई करे त्याह काह्डी आणी । 37 यह सहामेूसा सा , जासू इस्राएल ी बे बोलू , दईबा थारे भाई मेंजा क थारी तंणी म्हा जेहडअ एक भबिश्यबक्ता ऊठाऊंणअ । 38 यह सहे सा जासू ए जंगले कलीसिया रे बीचे तेऊ स्वर्गदूत संघे सीनै पहाडा पेंदे तेऊ संघे गला करी होर म्हारे बाप दादा संघे , । तेऊ जिबित बचन भेटेए कि हामा सेटा पजेरे । 39 परन्तु म्हारे बाप दादा सअ नाई मनु परन्तु सअ हटाई करे आपणे मन मिस्त्रा फेरा बे फेरी । 40 होर हारुने बोलू , “म्हारी तंणी एडह देऊ बंणू , ज़ोह म्हारे आगे-आगे चले किबेकी यह मूसा ज़ोह मिस्त्र देशा क काहडी आंणी , हामे नांई जांणदा कि तेऊ कह होऊ ?” 41 त्याह दिहाड़ी त्याह ए एक बाकरअ बणाऊ होर तेऊरी मूर्ति आगे बलि चढाई होर आपणे हाथा रे कामा में लागे । 42 अत: दईबे मुंह मोडी करे त्याह पीछे छाडी , कि सरग गण गूंजे , जेढ़ा भबिश्यबक्ता री कतबा में लिखुदा , 'हे इस्राएल रे घराने कह तमे जंगला में चाहली साला तक पशु बलि होर अन्न बलि म्हा बे ही चढाऊंदे रही ?' 43 तमे मालका रे तंबू होर रिफान देबता रे तारे री तंणी फिरदे रही , आर्थात त्याह मूर्ति जूंणा तमे दण्डबत करणे री तंणी बणाई अत: म्हा तमे बेबीलोन बागे जाई करे बसाऊंणे । 44 जाणने आले रअ तंबू जंगला में म्हारे बाप दादा रे बीचे सा जेढा एऊ ठहराऊ जासू मूसा बे बोलू , “ज़ोह इच्ही करे तांई भालू , तेत के अनुसारी एऊ बणा । 45 तेऊ तंबू म्हारे बापदादा पुर्बकाला क पाईकरे यहोशू संघे अखा बे आंणू जासु टाइमे कि त्याह ए त्याह अन्य जाति पेंदे आधिकार पाऊ , जूंणा दईबे म्हारे बाप दादा रे सामने क काहडी दीने , होर तंबू दाऊदा रे बक्ता तंणी रहू । 46 एऊ पेंदे दईब अ अनुग्रह करू , अत: तेऊ बिनती करी कि याकूब रे दईबा बे रंहणे बे स्थान बणाए सअ । 47 परन्तु सुलैमानेतेऊ बे घरअ बणाऊ । 48 परन्तु परम प्रधान हाथा रे बाणाई दे घरआ में नांई रंहदा जेढ़ा कि भबिश्यबक्ता बोलूदा , 49 'दईबा बोलदा , सरग मेरा सिंहासन होर पृथ्बी ी मेरी जान्घा थंही री पीढ़ी सा , मेरी तंणी तमा केढहअ घरअ बनाऊंणअ ? होर मेरे बिश्रामा री तंणी कुंणअ स्थान हूंणअ । 50 कह या सबे चीजा मेरे हाथा री बणाईदी नांहदी ? 51 हे हठीले होर मन होर कनेटा रे खतना ारहित लोगो तमे सदा पवित्र आत्मा रा बिरोध करू जेढा थारे बाप दादा करदा , तेहडा तमे भी करू । 52 भबिश्यबक्ता क कूण सा एढअ जूंण थारे बाप दादे नांई सताऊ ? त्याह ए तेऊ धर्मी रे इंहणे रा पूर्बकाला क संदेशा दीणे आले मारी होर एबा तमे भी तेऊ ढाकणे आले होई । 53 तमे स्वर्गदूत रे दुआरा ठहराई दी व्यबस्था त पाई परन्तु तेत का पालन नांई करू ।

स्तिफनुस पेंदे पथराब

54 याह गला शूणी त्याह ह रोष होऊ , होर मना में तेऊ बे गाली दिंदे लागे । 55 परन्तु तेऊ पवित्र आत्मा संघे परिपूर्ण होई क्रुसा र्गा बे हेरू होर दईबा री महिमा होर दईबा रे दाहिने फेरे खडअ हेरी करे , 56 बोलू , “हेरा हांऊं सरग रा खुला हुआ होर दईबा रा शोहरू दईबा रे दाहिने फेरा खडअ हेरा ।" 57 तेबा त्याह ज़ोरे शब्दा में चीलाई करे कनेट बंद करी , होर एक हाथ तेऊ पेंदे झपटी । 58 होर सअ शहरा क बागे काहडी करे तेऊ पेंदे पाथर फेंकदे लागे । गबाहे आपणे झिखडे शाऊला ना रे एकी जबाना री टांगा सेटा खोली करे डाही । 59 त्याह स्तिफनुसा पेंदे पथराब करदे रही होर सअ यह बोली करे प्रार्थना करदअ रहू , “हे दईबा यीशु , मेरी आत्मा ग्रहण कर ।" 60 तेबा घुटने टेकी करे ज़ोरे-ज़ोरे पुकारू , “हे दईबा , यह पाप त्याह पेंदे नांई लाए ।" होर यह बोली क्रुसा अ सूतअ । शाऊल तेउरे मरणे में सहमत , ।