प्रेरितों के काम 6

सात सेबक चुने जाणे

1 त्याह ए दिहाड़ी जेबा चेले री संख्या बढ़दी लागी , तेबा यूनानी भाषा बोलने आले इब्रानी भाषा बोलने आले बे बोलदे लागे रोज-रोज की सेबकाई में म्हारी बिधबा कोहे नांई पुछदअ । 2 तेबा त्याह ए बारह चेले री मण्डली आपु सेटा शदाई करे बोलू , “यह ठीक नांई कि हामे दईबा रा बचन छाडी करे खिलाणे-पिलाऊणे री सेबा में रहे । 3 इसलिए हे भाइयो , आपणे मेंज़ा का सात सुनाम आदमी ज़ोह पवित्र आत्मा होर बूधी संघे परिपूर्ण सा चुना , कि हामे त्याह तेऊ कामा बे ठहराए । 4 परन्तु हामा त प्रार्थना में होर बचाना री सेबकाई में लागी रंहणा । 5 यह गअल सभी रांबड़ेी लागी होर त्याह स्तिफनुस ना रअ एक आदमी ज़ोह बिश्वासे संघे होर पवित्र आत्मा संघे परिपूर्ण , होर फिलिप्पुस , होर प्रुखुरुस , होर निकानोर , होर तिमोन , होर परमिनास , होर अन्ताकियाबासी निकुलाउस्बे ज़ोह यहूदी मता में आए , होर चुनी । 6 या प्रेरितों सामने खड़े करी होर त्याह पेंदे प्रार्थना करी हाथ डाही । 7 दईबा रा फैलदा रहू होर यरूशलेमा में चेले ों री संख्या बढ़दी रही , होर याजका रा एक बडअ समाज एऊ मता मानणे आलअ होऊ ।

स्तिफनुस री गिरफ्तारी

8 स्तिफनुस अनुग्रह होर सामर्थ्य संघे परिपूर्ण होई करे बड़ेे-बड़ेे अद्भुत काम होर चिन्ह रिहाऊंदा , । 9 तेबा एऊ आरधनालय मेंज़ा का ज़ोह लिबिर तीनो कहलाऊंदा , होर कुरेनी होर सिकंदरिया होर किलिकिया होर एशिया रे लोगा मेंज़ा का एक ऊठीक्रुसा ्तिफनुसे संघे ओहरी-पोहरी झगडदे लागअ । 10 परन्तु तेऊ ज्ञान होर तेसा आत्मा रा जासू संघे त्याह गाला करा , त्याह रा सामना नांई करी सके। 11 एता पेंदे त्याह ए कई लोगा ऊभारी होर बोलदे लागे , “हामे यह मूसा होर दईबा रे खिलाफ गला करदे होर निन्दा करदे शूणी ।" 12 होर लोगा होर पुरनिए होर शास्त्री भड़काई करे हमले करदे आए होर सब ढाकी करे महासभा में आणू । 13 होर झूठे गबाह खड़े करी त्याह ए बोलू , “यह आदमी एक पवित्र स्थाना होर व्यबस्था रे बिरोधा में बोलना नांई छाडदअ । 14 किबेकी हामे यह बोलदअ शूणु कि यीशु नासरी यह जागह ढोलनी , होर त्याह रीति बदलनी ज़ोह मूसा हामा बे सोंपी दी ।" 15 तेबा सभी लोगे ज़ोह महासभा में , तेऊ पेंदे हेरदअ टेकू , तेबा तेऊ तेऊरअ मुंह स्वर्ग दूता साही हेरू ।