प्रेरितों के काम 5

हनन्याह होर सफीरा

1 हनन्याह ना र एक आदमी होर तेऊरी लाड़ी सफीरा कुछ जमीन बेची । 2 होर तेत के बदले कुछ बांधा डाहू; होर यह गअल तेऊरी लाड़ी भी जाणदा , होर तेत कअ एक भाग प्रेरितों री जांघा सेटा डाहू । 3 पतरसे बोलू हे हनन्याह ! कि शैतान तेरे मने यह गअल किबे आणी कि तू पवित्र आत्मा बे झूठ बोले , होर भूमि रे दामा मेंज़ा का कुछ डाहे ? 4 जेबरे तंणी सअ ता सेटा , कह सअ तेरी नांई , ? होर जेबा बिकी केह तेरे बशा में नांई , ? तांई आपणे मना में यह गअल किबे बिचारी ? तांई मंणशा नांई , परन्तु दईबा क झूठ बोलू ।" 5 या गला शूणी हनन्याह नेहटे पडू होर तेभरी मुंअ होर सबे शूणने आले डरी । 6 तेबा जबान उठी होर तेऊरी अर्थी बणाई बागे नी क्रुसा अ आटू । 7 लगभग ची घंटे बाद तेऊरी लाड़ी , ज़ोह कुछ होऊ नांई जाणी करे भीतर आई । 8 तेबा पतरसे तेसा बे बोलू , “म्हा खोज कि तमे यह जमीन एतारे में बेची , ।" 9 पतरसे तेसा बे बोलू , “यह कह गअल सा कि तमे दुईए दईबा रे आत्मा री परीक्षा री तंणी एढा करू ? हेर तेरे लाडे आटने आले दुआर सेटा खडे सा , होर ताह भी बागे नीले । 10 तेबा सअ तेभरि तेऊरी टांगा सेटा पड़ी , होर प्राण छाडी , होर जबाने भीतर इच्ही क्रुसा अ मुंई दी हेरी , होर बागे नी करे तेसके लाडे संघे आटी । 11 पूरी कलीसिया पेंदे याह सभी गला रा , सभी शूणने आले पेंदे बड़ेा भय छाऊ । चिन्ह होर अद्बभुत काम 12 प्रेरितों रे हाथा क बहू चिन्ह होर अदुभत काम लोगा बीचे रिहान्हुदा , होर त्याह सभे एक मन होई क्रुसा सुलैमान रे ओसारीे में कठे हुंदा , । 13 परन्तु होरा में कासी भी घमंड नांई हुंदा , कि त्याह में त्या मिली तेबा भी ठींगा त्याह री बड़ेाई करदा , । 14 विश्बाश करणे आले बहू मर्द होर बेटडी दईबा री कलीसिया में बड़ेी संख्या में मिलदे रही । 15 अखे तंणी कि लोगे मरीज लाई सडका डाहणे , चारपाई होर खटोले पेंदे लाई लेटाई डाहणे । कि जेबरे पतरस इच्हे तेबा सीधी छांईट ही त्याह पेंदे कासु एकी बे पड़े । 16 यरूशलेमा रे साहा -पासा रे शहरा में भी बहू बीमार लोगा होर अशुद्ध आत्मा संघे सताई दे लोगा कठे हुंदा , होर सबे चंगे करदा , ।

प्रेरितों री गिरफ्तारी

17 तेबा महायाजक होर तेऊरे सभे सा ज़ोह सदूकी रे पन्था क , गुस्से संघे भरी । 18 होर प्रेरितों ढाकी करे जेला बे नींइउ होर बंद करू । 19 परन्तु राची दईबा रअ एक स्वर्गदूत जेला रे दुआरा खोली त्याह बागे आंणी होर बोलू , 20 “नांहा , मंदिरा में खड़े होई करे एऊ जीबना री सारीी गला ठिंगा बे शूणा ।" 21 त्याह यह शूणी करे व्यालक हुंदे ही मंदिरा में नांही करे उपदेशा दिंदे लागे ।तेबा महायाजक होर तेउरे साए ईछी करे महासभा होर इस्राएलियों रे सभी पुरनिए कठे करी , होर जेल्हा बे फरमान भेजू कि त्याह आणे। 22 पर अधिकारीये त्खे पूजी करे त्या जेले नाई भेटे , होर फिरी करे सन्देश दिना । 23 हामे जेल बड़ेी सुरक्षा संघे बंद करूदअ होर पेहरे करणे आले बागे दुआर सेटा खड़े सा; परन्तु जेहला रा दुआर खोलू तेबा भीतर कोहे नांई भेटअ । 24 तेबा मंदिरा रे सरदारे होर प्रधान याजके या गला शूणी , तेबा त्याह रे बिषय में भरी चिंता में पड़ी कि त्याह रा कह होऊ । 25 ऐतारे में कासु ईछी करे खोजू , “हेरा जूंणा तमे जेला में डाही दे , बंद करी त्याह मंणश , मंदिरा में खड़े होई करे उपदेशा दिंदे लागे दे ।" 26 तेबा सरदार प्यादे संघे नाठअ , होर त्याह आंणी , परन्तु ज़ोह र-जबरदस्ती संघे नांई , किबेकी त्याह लोगा कअ डरा , कि कंही त्याह हामा पेंदे पाथर ना फेंके । 27 त्याह ए त्याह आंणी होर महासभा सामने खड़े करी; तेबा महायाजके त्याह क पुछु , 28 "कह हामे तमा बे बोलू , होर आज्ञा दीनी , कि तमे एऊ ना क उपदेश नांई दे ? तेबा भी हेरा , तमे सारीा यरूशलेम आपणे उपदेशा संघे भरू होर एऊ आदमी रा लोहू म्हारे गलआ पेंदे लाऊंणा चांहदा । 29 जेबा पतरसे होर होरी प्रेरितों उतर दीना , “मंणशा री आज्ञा बढ़ीकरे दईबा री आज्ञा रा पालन करणाहमारा कर्तब्य सा । 30 म्हारे बाप दादा रे दईबे यीशु जिलाऊ , जूंण तमे क्रुसा पेंदे लटकाई करे मारू । 31 सहे दईबे दईबा होर ऊध्दारकर्ता ठहराऊ , आपणे दाहिने हाथा पेंदे ऊछठअ करू , कि सअ इस्राएल ियो रे मन फिरबा री शक्ति होर पापा री क्षमा प्रदान करे । 32 हामे याह गला रे गबाह सा होर एढ़ी तरह पवित्र आत्मा भी , जूंण दईबे त्याह बे दीनी ज़ोह त्याह री आज्ञा मानदा । 33 या गला शूणी त्याह जली होर त्याह मारने चाही । 34 परन्तु गमलीएल ना रअ एक फरीसी ज़ोह व्य्बस्थापक होर सभी लोगा में माननीय , न्यायलय में खड़े होई करे प्रेरितों बे थोड़ी देर बागे काढ ने री आज्ञा दीनी । 35 तेबा तेऊ बोलू , “हे इस्राएलियों , तमे ज़ोह याह मंणशा संघे लाऊदा करणा , सोची समझी करे । 36 किबेकी याह दिहाड़े क पहिले थियुदास यह बोलदअ उठअ कि हांऊ भी कुछ सा; होर चार श आदमी तेऊ संघे मिली होर सअ मारू होर जेतारे भी लोगा तेऊ मना , सभे तितर-बितर होई होर खत्म होई । 37 तेता बाद ना लिखाई रे दिहाडे में यहूदा गलीली उठू , होर कुछ लोगा आपांणी फेरा फेरी , त्याह भी नष्ट होई होर जेतारे लोग तेऊ माना , सबे तितर-बितर होई । 38 इसलिए एबा हांऊं तमा बे बोलदा , याह आदमी क दूर ही रहा होर याह क किछे भी काम नांई डाहे , किबेकी यह धर्म मंणशा री तरफा क होले तेबा मिटणे; 39 परन्तु ज़ेबा दईबा री ओरा क सा , तेबा तमे याह संघे नांई मिटाई सकदे । कंही एढा ना हो कि तमे दईबा संघे लड़ने आले ठहरे । 40 तेबा त्याह गला मानी; होर प्रेरितों शदाई करे पिटबाऊ : होर यह आदेश देई करे छाडू कि यिशू रे ना क भी गला ना करे । 41 त्याह ऐसा गला क खुशी होई करे महासभा रे सामने नाठे , कि हामे तेऊरे ना क आपमानित हूंणे रे योग्य ट ठेहरी । 42 त्याह रोज मंदिरा में होर घरे-घरे उपदेशा करदे होर ऐसा गला रा सुसमाचार शूणाऊंदा कि यीशु ही मसीह सा ना रुके ।