प्रेरितों के काम 4

महासभा रे सामने पतरस होर यूहन्ना

1 जेबा लोगा यह बोलदे , लागेदे , तेबा याजक होर मंदिरा रअ सरदार होर सदूकी त्याह जाकरदे आए। 2 किबेकी त्याह ज्यादा गुस्सा आऊआ कि त्याह लोगा बे सिखाऊँदा होर यीशु रा उदाहरण देई मुंए दे में जिउंणे रा प्रचार करदा । 3 त्याह ए त्याह ढाकी होर दूजे दिहाड़ी तंणी कैद डाही किबेकी व्यालक होई , । 4 परन्तु बचना शूणने आले में बहू लोगे बिश्बास करू होर त्याह री गीणती पांच हज़ारा मर्दा बराबर होई । 5 दूजे दिहाड़ी एढा होऊ कि त्याह रे सरदार होर पुरनिए होर शास्त्री , 6 होर महायाजक हन्ना होर कैफा होर यूहन्ना होर सिकंदर होर जेतारे भी महायाजक रे घराने क भी , सभे यरूशलेमा में कठे होई । 7 त्याह बीचे खड़े होई त्याह पुछदे लागे कि तमे यह काम कासु सामर्थ्य होर कासु ना क करू । 8 तेबा पतरसे पवित्र आत्मा संघे परिपूर्ण होई करे बोलू , 9 “हे लोग रे सरदारों होर पुरनियो , एऊ काम ज़ोह र मंणशे ज़ोह भलाई करिदि दा , ज़ेबा हामा क तेउरे बारे में पूछ-ताछ करे , कि सअ केढी तरह ठीक होऊ , 10 तेबा तमे सबे होर सरे इस्राएल ी लोग जाणा कि यीशु मसीह नासरी रे ना क जूंण तमे क्रुसा पेंदे चढाऊ होर दईबे मुंए दे में स जिलाऊ , यह मंणश तमा सामने चंगअ सा । 11 यह स पाथर सा ज़ोह तमे राजमिस्त्री तुच्छ जाणू होर ज़ोह कुणे क सिरे रअ पाथर बणू । 12 कासु होरी रे दुआरा नांई; किबेकी सरगे कोई होर ना नांई आंहदा दीना दा जासके दुआर हामे उद्हार पाऊले । 13 त्याह ए पतरस होर यूहन्ना रा साहस हेरू , होर यह जाणू कि या अनपढ़ होर साधारण आदमी सा तेबा आशचर्य होऊ , तेबा त्याह पहचणी कि या यीशु संघे रहिदे सा । 14 सअ मंणश ज़ोह रांबदअ होऊ , । सअ संघे खड़े हेरी करे त्याह रे बिरोधा में कुछ बोली ना सके । 15 परन्तु त्याह सभा क बागे निखलने ऋ आज्ञा देई करे त्याह आपु में सोचदे लागे , 16 हामा याह आदमी संघे कह करणा ? किबेकी यरुश्लेमा में रहणेआले अखे सा , कि याह दुआरा प्रसिद्ध चिन्ह रिहाऊ , होर हामे एतका कअ इंकार नांई करी सकदे । 17 परन्तु इसलिए कि यह गअल याह लोगा में नांई फैले हामा त्याह धमकाऊंणे , कि त्याह एऊ ना क भी कासु मंणशे संघे गला नां करे । 18 तेबा त्याह शदाई होर चेताबनी देई करे बोलू , “यीशु रे ना क नं कुछ बोलणाा नं कुछ सिखाऊंणा ।" 19 परन्तु पतरस होर यूहन्ना त्याह बे उतर दीना , “कह यह दईबा सामने भला सा कि हामे दईबा री गला बढ़ीकरे थारी गला शूणले । 20 किबेकी यह हामा क नांई होई सकदा कि ज़ोह हामे भालू होर शूणू , सअ हामे नांई खोजे ।" 21 तेबा त्याह ए त्याह होर धमकाई होर छाडी , किबेकी लोगा रे कारण त्याह दंड दीणे रा कोई सबूत नांई भेटअ , इसलिए कि ज़ोह घटना घटी , तेतके कारण लोगा दईबा री बडाई करदा , । 22 सअ मंणश , जासु पेंदे यह चंगे करने रअ चिन्ह रिहाऊ , सअ चाहली साला कअ बडअ , ।

विश्वासियों री प्रार्थना

23 त्याह छुटी करे आपणे सा सेटा बे आए होर ज़ोह कुछ प्रधान याजके होर पुरनियों त्याह क बोलू , त्याह बे शूणाऊ । 24 यह शूणी त्याह ए एक मन होई करे ज़ोरे-ज़ोरे दईबा बे बोलू , “ हे मालका , तू सहे सा जासु सरग होर पृथ्बी ी होर समुन्द्र होर ज़ोह कुछ त्याह में सा बणाऊ । 25 तांई पवित्र आत्मा संघे आपणे सेबक हमारे पिता दाऊद रे मुंहा क बोलू , 'अन्य जातिये हुल्लड किबे मचाऊ ? होर देशा-देशा रे लोगे गलत गला किबे सोची ? 26 दईबा होर तेउरे मसीह रे बिरोधा में पृथ्बी रे राजा खड़े होई होर न्यायधीश एक साथ कठे होई । 27 किबेकी सची तेरे सेबक यीशु रे बिरोधा में जासका तांई अभिषेक करू , हेरोदेस होर पिन्तयुस पिलातुस भी अन्यजाति होर इस्राएल ी संघे एऊ नगरे कठे होई । 28 कि ज़ोह कुछ पहिले ही तेरी सामर्थ्य होर मति संघे ठहरू , सहे होऊ । 29 एबा हे दईबा , त्याह री धमकी हेरा; होर आपणे दासा बे यह बचन दे कि तेरअ बचन बड़ेे गरबा संघे शुणाए । 30 चंगे करने री तंणी तू आपणे हाथ बढा कि चिन्ह होर अद्बभुत काम तेरे पवित्र सेबक यीशु रे ना का होए ।" 31 जेबा त्याह ए प्रार्थना करी छेकि , तेबा सअ जागह जखे त्याह सबे कठे बेठे दे , हिली , होर त्याह सभे पवित्र आत्मा संघे भरी होर दईबे रे बचना बड़ेे गरबा संघे शुणाऊंदे लागे ।

विश्वासियों रा सामूहिक जीवन

32 होर बिश्बाशा करणे आले री मण्डली एक चित होर एक मना री , अखे तंणी कि कोहे भी आपांणी सम्पति बे आपांणी नांई बोलदा , परन्तु सबे कुछ सांझी में , । 33 प्रेरित बड़ेी सामर्थ्य संघे दईबा यीशु रे जी उठणे री गबाही दिंदे रही होर त्याह सभी पेंदे अनुग्रह होऊ । 34 त्याह में कोई भी दरिद्र नांई , किबेकी जासु जेंहू जमीन या घअर , त्याह ए त्याह बेची-बेची करे , बेची दी चीजा रे ढबे मांगा , होर प्रेरितों बे दिंदा , 35 होर जेढी जासु जरूरत हुन्दा , तेत के अनुसारी हर एकी बे तेता बांडा , । 36 यूसफ ना रअ एक साइप्रस एक लेबी , जासक ना प्रेरितों बरनबास (अर्थात शांति का पुत्र) डाहुदा , । 37 तेऊ री कुछ जमीन , जूंण तेऊ बेची होर ढबे मांगी करी प्रेरितों बे दिने ।