लंगड़े भिखारी रा चंगा हूँणा
3
1 पतरस होर यूहन्ना दपोहरा बाद प्रार्थना रे टाइमे मंदिरा बे , नांहदे लागेदे । 2 होर लोगा जन्मा रे लंगड़े एकी आदमी , लागेदे आणदे , जासू त्याह रोज मंदिरा रे दुआरा सेटा , 'सुंदर' कहलाऊंदा , ब्शैगी डांहदा , कि सअ मंदिरा में नाहने आले क भीख मांगे । 3 जेबा तेऊ पतरस होर यूहन्ना नांहदे भाली , तेबा तेऊ भीख मांगी । 4 पतरसे यूहन्ना संघे तेऊ फेरा बे ध्याने संघे भालू होर बोलू , “हामा फेरा हेर ।" 5 तेबा सअ कुछ पाणे री आशा संघे त्याह फेरा बे हेरदअ लागअ । 6 जेबा पतरसे बोलू , “ चांदी होर सूना तो म्हा सेटा नांई आंहदा , परन्तु ज़ोह म्हा सेटा सा स हांऊ तमा दिंदा; यीशु मसीह रे ना क चल फिर ।" 7 होर तेऊए सअ दाहिने हाथा क ढाकु होर चूआकू , होर तेभरि तेऊरी टांगा होर ठुंगा में ताकत आई । 8 सअ पटीकी करे खडअ होऊ होर हांडदअ फिरदअ लागअ; होर हांडदअ होर कूदअ होर दईबा री स्तुति करदअ तेऊ संघे मंदिरा बे नाठअ । 9 सभी लोगे स हांडद फिरदअ होर दईबा री स्तुति करदअ सअ भालू । 10 सअ पह्चाणु की यह सहे भिखारी सा ज़ोह मंदिरा रे दुआर सेटा भीख मंगदा , होर ऐसा घटना संघे ज़ोह तेऊ संघे होई , त्याह हैरान होर परेशान होई ।मंदिर में पतरस रा उपदेश
11 जेबा सअ पतरस होर यूहन्ना बे ढाकी दे , तेबा सबे लोग आशचर्य करदे हुए तेऊ ओसरे में ज़ोह सुलेमान कहलाऊंदा , तेऊ सेटा ठुरी करे आए । 12 यह हेरी पतरसे लोगा बे बोलू , “ हे इस्राएलयों , तमे एऊ मंणशा बे किबे आशचर्य करदा होर हामा फेरे एडहे किबे लगेदे हेरदे की माना हामे आपांणी सामर्थ्य या भक्ति संघे यह हांडदअ फिरणे रे योग्य बणाऊ । 13 इब्राहम होर इसाहक होर याकुबा रे परमेशर रे हमारे बाप-दादा रे दईब आपणे सेबक यीशु मसीह से महिमाँ करी , जूंण तमे पकडबाऊ , होर जेबरे स पीलातुसे तेऊ छाडने रा बिचार बणाऊ , तेबा तमे तेऊ सामने इनकार करू । 14 तमे तेऊ धर्मी होर पवित्र बे इनकार करू होर बिनती करी की एक हत्याह रे थारी तंणी छाडे । 15 होर तमे सअ जिंदगी रअ कर्ता मारु , जूंण दईबे मुंए दे में जिलाऊ होर ऐसा गला रे हामे गबाह सा । 16 होर तेऊ रे नांए , तेऊ रे बिशबासे संघे ज़ोह तेऊ रे नांए संघे सा एऊ मनुष्य बे जासु तमे जाणदा होर हेरा सामर्थ्य दीनी एऊ बिशबासे ज़ोह तेऊ रे द्वारा , यह थारे सामने बिलकुल भला चांगा करू । 17 “एबा हे भाइयो , हांऊ जाणदा कि यह काम तमे अज्ञानता में करू , होर एढा थारे सरदारे भी करू । 18 परन्तु जूंणा गला दईबे सब भबिश्यबक्ता रे मुंहा क पहिले ही बोली दी , कि तेऊरे मसीहा दुःख उठाऊणा , त्याह तेऊ एढी रीती संघे पूरी करी । 19 इसलिय मन फिरा होर बापस इछा कि थारे पाप मिटे जासू संघे दईबा सामने बिश्रान्ती रे दिहाड़े इहले । 20 होर सअ यीशु भेजे ज़ोह थारी तंणी पहिले मसीहा ठहराऊदअ । 21 जरुरी सा कि सअ सरगे तेबरे तंणी रहे तंणी सभी गला रा सुधार न होए जसकी चर्चा दईबे पूराणे समय में आपणे पवित्र भबिश्यबक्ता रे मुंहा क करी । 22 जेढा मूसा बोलू , “दईबा दईब थारे भाई मेंज़ा का तमा बे म्हा साही एक भबिश्यबक्ता उठाऊणअ ज़ोह तमा बे बोललअ सअ तमा शूणना । 23 प्रत्येक आदमी ज़ोह तेऊरा नांई शुणलअ त्याह ह लोगा में सह नष्ट करणअ । 24 होर शमूएल क लेइकारे तेऊ बाद तक के जेतारे भबिश्यबक्ता बोले त्याह ए सभीए याह दिहाड़ी रे सन्देश दिने । 25 तमे भबिश्यबक्ता री संतान होर तेऊ बचना रे भागी सा ज़ोह दईबे थारे बाप दादे संघे करी दे , जेबा तेऊ आब्राहामा क बोलू , “तेरे बंश संघे पृथ्बी ी रे सभी आदमी आशा ीष पाऊंणी । 26 दईबे आपणे सेबक चकी करे पहिले तमा सेटा भेजी , कि तमा में हर एकी बे तेऊरी बुराई क फेरी करे आशा ीष दे ।