प्रेरितों के काम 2

पवित्र आत्मा रा उतरणा

1 जेबा पिन्तेकुस्ता रा दिहादा आउआ , तेबा त्याह सबे एकी जगह कठे , । 2 एकदम सरग बड़ेी आंधी संघे ज़ोरे एक शब्द होऊ , होर तेसा आंधी संघे सारीअ घर जखे त्याह बेठे दे , गुन्जू । 3 होर त्याह आगि साही जीभ फुटदी हेरदी लागी होर त्याह रे घरा में इंहदी लागी । 4 त्याह सभे पवित्र आत्मा संघे भरी , होर जेढी तरह आत्मा त्याह बे बोलने री सामर्थ्य दीनी , त्याह होरा-होरा भाषा बोलदे लागे । 5 सरग थन्ही ऋ हर एक जाति में भक्त यहूदी यरूशलेमा में रन्ह्दअ , लागे दे । 6 जेबा यह शब्द शूणू तेबा तखे भीड़ कठे होई होर लोगा डरी किबेकी हर एक को यही शब्द शुणदअ लागा कि या मेरी भाषा में बोलदे लागेदे । 7 त्याह सबे हैरान होई करे बोलदे लागे , हेरा यह ज़ोह बोलदे लगेदे कह या गलीली नांई आंदे । 8 तेबा किबे हामामें हर एक आपांणी जन्म भूमि री भाषा शुण दा । 9 हमें ज़ोह पार होर मेदी होर एलामी होर मेसोपेटियाऔर यहूदीया होर कप्पदुकियाया पुन्तुस होर असीया , 10 होर फ्रुगिया होर पन्फुलिया होर मिस्र होर लिबिया देश ज़ोह कुरेने सेटा सा या सबी देशा में रहणे आले रोमी सा । 11 अर्थात यहूदी होर यहूदी रा साथ दीणे आले क्रेती होर अरबी भी सा परन्तु आपांणी -आपांणी भाषा मेंजे दईबा रे बड़ेे-बड़ेे कामा री चर्चा शुणदा । 12 होर त्याह सबे हैरान होई होर डरी करे एकी दूजे बे बोलदे लागे , “ यह कह लागादा हुंदा ?” 13 परन्तु ठठे करदे लागे , होर बोलू , “ या नए शराबा रे नशे में चूर सा ।"

पतरस रा भाषण

14 तेबा पतरस त्याह ए ग्यारह संघे खडअ होऊ होर ज़ोरे-ज़ोरे बोलदअ लागअ , “ हे यहूदी होर सब यरूशलेम में रहणे आल़ो यह जाणा होर कनेट लाइ मेरी गला शुणा । 15 जेढ़ा तमे समझदे लागेदे या लोग नशे में आंहदे , किबेकी मची त दोत ही होई । 16 परन्तु यह स गल सा , ज़ोह योयल भबिश्यबक्ता बोली , : 17 दईब बोलदा की आखरी दिहाड़ी में एढा हूंणा कि म्हा आपणा आत्मा सबी मंणशा पेंदे फेरणा , होर याह रे शोहरू होर शोहरी भबिश्यबाणी करणी , होर याह रे जबाना दर्शन करणे होर थारे पुरनिए सुपने हेरने । 18 हांऊ आपणे दास होर दासी पेंदे भी , त्याह दिहाड़ी आपांणी आत्मा उंडेलणी होर भबिश्यबाणी करणी । 19 होर उझे सरग अद्बभुत काम होर उंहदे धरती पेंदे चिन्ह अर्थात लोहू होर आग होर धूंआ रा बादल रिहाऊलअ । 20 दईबा रे महान होर तेजस्बी दिहाड़े इंहणे क पहिले सूर्य न्याहरअ होर ज़ोह थ लोहू साही लाल हूंणी। 21 होर ज़ोह कोई दईबा रा ना लऊलअ तेऊ उद्धार पाऊणा । 22 “ हे इस्राएलियों याह गला शुणे : यीशु नासरी एक मनुष्य , जासका दईबा री ओरा क हूंणे रा सबूत त्याह ह सामर्थ्य रे कामा क होर आशचर्य रे कामा होर चिन्ह क प्रगट सा ज़ोह परमेशबरे तमा बीचे करी करे रिहाऊ , जासू तमे आपे जाणा । 23 तेऊ यीशु बे ज़ोह दईबा ऋ योजना ठहराऊ होर पहिले ज्ञाना र अनुसारी पकडबाऊ , तमे अधर्मी रे हाथा क क्रुस पेंदे चढाऊ होर मुअ 24 परन्तु सहे दईबे मृत्यु रे बंधना क छुडाऊ होर जिला; किबेकी सअ अनहोना , कि सअ तेउरे बशामें रंहदअ । 25 किबेकी दाऊद तेउरे बिषय में बोलदा , 'हांऊ दईबा सदा आपणे सामने हेरदअ रहू किबेकी स मेरी दाहिनी ओरसा ताकि हांऊ बिश्बासा में काम ज़ोह र ना होए । 26 एऊ कारण मेरा मन आनन्दित होऊ; होर मेरी जीभ होई बल्कि मेरा शरीर भी आशा में बणू । 27 किबेकी ता मेरे प्राण अधोलोके नांई छाडने , होर न आपणे जना सड़ने दीणा । 28 तांई म्हा बे जीबन रा मार्ग खोजू , ता म्हा बे दर्शन देई आनंदे संघे भरनअ । 29 हे भाईओ हांऊ कुलपति दाऊद रे बारे में साहसे संघे तमा बे बोली सकदा कि स त मुअ होर गाडू होर तेऊ री कब्र मची तंणी हामा सामने सा । 30 सअ भबिश्यबक्ता , सअ जाणदा , दईब म्हा क कसम खाई दी सा कि तेरे बन्शा मेंज़ा का एक आदमी तेरे सिंहासना पेंदे बिठाऊंणअ । 31 तेऊ हूंणे आली गला बे पहिले हेरिकरे मसीहा रे जी उठणे रे बिषय में भबिश्यबाणी करी न तो तेउरे प्राण अधोलोका में छाडी होर न तेऊरा शारीर सड़ने दीना । 32 यहे यीशु दईब जिलाऊदअ , जासके हामे सबे गबाह सा । 33 एढ़ी तरह दईबा रे दाहिने हाथ रा सभी क बडअ पद पाऊ , होर पिता क सअ पवित्र आत्मा प्राप्त करी जासकी प्रतिज्ञा करी डी , तेऊ सअ उंडेलू ज़ोह तमे शुणा होर हेरा । 34 किबेकी दाऊद तो सरग पेंदे नांई चढू; परन्तु सअ आपे बोला , दईबा ए मेरे दईबा क बोलू , " मेरी दाहिने साईडा बेश । 35 जेबरे तंणी हांऊ तेरे दुश्मना टांगा थंही री चौकी नांई करलअ । 36 एबा इस्राएल रा सारीा घराना यह जरुरी जाणे कि दईब तेऊ यीशु बे ज़ोह तमे क्रुसा पेंदे चढाऊ , दईबा भी ठहराऊ होर मसीह भी ।" 37 तेबा शुणने आले रे दिल पिघली होर त्याह पतरस होर बाकी प्रेरितों क पुछदे लागे , ” हे भाईओ हामा कह करना ?” 38 पतरसे त्याह बे बोलू , ” मन फिरा , होर तमा सभी में हर एक आपणे-आपणे पापा ऋ क्षमा बे यीशु मसीह रे ना क बपतिस्मा लआ तेबा तमे पवित्र आत्मा रा दान पाऊंणा । 39 किबेकी यह प्रतिज्ञा हामा होर थारी संताना , होर त्याह सब दूर-दूर लोग बे भी सा , जूंणा म्हारा दईब आपु सेटा शदाऊंणे ।" 40 तेऊ बहू होरा गला संघे भी गबाही देइक्रुसा मझाई कि आपणे आप बे बुरी जाती क बचा । 41 तेबा जासू तेऊरअ बचन ग्रहण करू त्याह ए बपतिस्मा लऊ होर तेसा दिहाड़ी लगभग चीण हज़ार लोगा त्याह में मिली । 42 होर त्याह प्रेरितों क शिक्षा पाणे , होर संगति डाहणे होर रोटी चोडने होर प्रार्थना करने में मगन होई ।

बुशाह ियों री संगति

43 होर सभी लोग में डर आऊआ होर बहू ज्यादा अद्बभुत काम होर चिन्ह प्रेरितों संघे प्रगत होई । 44 होर सभे बिश्बास करने आले कठे रंहदा , होर त्याह री सबे चीजा सांझी में , । 45 त्याह ए आपांणी -आपांणी सम्पति होर सामान बेची-बेची जेढ़ी जरूरत हुंदा , आपु में बांडा , । 46 त्याह रोज एकाम न होई करे मंदिरे कठे हुंदा , होर घरे-घरे रोटी खान्दा , होर आनंदा संघे होर मना री सिधाई संघे खांणा खांदा , । 47 होर परेश्बरा री स्तुति करा , होर सब लोगा त्याह क प्रसन , होर ज़ोह उद्धार पांऊदा , त्याह दईबा रोज त्याह बे मलाऊंदा , ।