Wɩlʋʋ 8

Nesi ñɩɣʋ lʋbɛ ñɩmbʋ tɔm

¹ Pʋwayɩ lɛ, Heɣa ŋga kɛkpɛzɩ nesi ñɩɣʋ lʋbɛ ñɩmbʋ nɛ pusu ɛsɔdaa ɖiɣ ɖiɣ nɛ pɩtalɩ ɛzɩ cacasɩ niidozo yɔ. ² Mɔncɔnaa lɛ, manaɣ Ɛsɔ tiyiyaa mba pasɩŋɩɣ ɛ-ɛsɩndaa yɔ, pɛwɛ lʋbɛ. Pɛcɛlaɣaɣ-wɛ agandɛɛ lʋbɛ.

³ Ɛlɛ, Ɛsɔ *tiyiyu nɔɔyʋ wolo ɛsɩŋ tɩlaaɖɩ ɖɩhɔɖɛ. Ɛɖɔkɩ ñɩɣlɩm ñanaɣ ŋga patɩɩhɔkɩ ka-taa tɩlaaɖɩ yɔ. Pɛcɛlɩ-ɩ tɩlaaɖɩnaa sakɩyɛ nɛ Ɛsɔ ñɩma Ɛsɔ sɛtʋ se ewoni ɛha Ɛsɔ peeye. Ɖɩhɔɖɛ nɖɩ, paalabɩ-ɖɩ nɛ sika nɛ ɖɩwɛɛ kewiyaɣ kpelaɣ ɛsɩndaa. ⁴ Peeye ɛhɔbɩ-kʋ nɛ ñɔsɩ ñɛyɩ e-nesi taa nɛ pɩkpɛndɩnɩ Ɛsɔ ñɩma Ɛsɔ sɛtʋ nɛ pɩkpa Ɛsɔ ɛsɩndaa. ⁵ Ɛlɛ tiyiyu ɛnʋ ɛkpaɣ tɩlaaɖɩ ñanaɣ nɛ ekuu tɩlaaɖɩ ɖɩhɔɖɛ miŋ ɖo nɛ ɛlɔ kedeŋa yɔɔ. Peeye tɛʋ nazaa nɛ kitili nɛ kɩñɩlɩzɩ nɛ tɛtʋ ñamsɩ.

⁶ Peeye Ɛsɔ tiyiyaa lʋbɛ mba pɔɖɔkɩ agandɛɛ lʋbɛ yɔ, pɔñɔɔzɩ pa-tɩ se pahʋlɩ-yɛ.

Papazʋʋ agandɛɛ hʋlʋʋ yɔ

⁷ Ɛsɔ *tiyiyu kajalaɣ ñɩnʋ hʋlɩ ɛgandɩyɛ lɛ, pɔlɔ ɖɔmbɛɛ nɛ miŋ kedeŋa yɔɔ, pisidini calɩm. Pʋtɔlʋʋ yɔ, ye pɩtayɩ tɛtʋ tɔm naadozo yɔ, pɩñaɣ hɔɔlʋʋ kʋɖʋmʋʋ. Ye pɩtayɩ ɖɔɖɔ tɩŋ mbʋ yɔ, pɩñaɣ hɔɔlʋʋ kʋɖʋmʋʋ, pɩñaɣ ɖɔɖɔ ñɩtʋ lɛŋ ñɩndʋ tɩŋa payɩ.

⁸ Naalɛ ñɩnʋ ñahʋlɩ ɛ-ñɩnɖɛ lɛ, pɩsɛlɩ nabʋyʋ, pʋwɛ ɛzɩ pʋʋ sɔsɔɔ nakʋyʋ yɔ nɛ pʋlɔ teŋgu taa, pɩɖaɣnɩ mʋʋ miŋ. Ye pɩtayɩ teŋgu tɔm naadozo yɔ, hɔɔlʋʋ kʋɖʋmʋʋ taa lɩm pɩsɩ calɩm. ⁹ Ye pɩtayɩ mbʋ pɩtɩŋa payɩ Ɛsɔ laba nɛ pʋwɛɛ wezuu teŋgu taa yɔ tɔm naadozo yɔ, hɔɔlʋʋ kʋɖʋmʋʋ sɩba. Ye pekpeɣli mɛlɛnaa nɛ pɩtayɩ-wɛ ɖɔɖɔ tɔm naadozo yɔ, pʋwɛɛkɩ hɔɔlʋʋ kʋɖʋmʋʋ.

¹⁰ Naadozo ñɩnʋ hʋlɩ ɛ-ñɩnɖɛ lɛ, tɩɩŋa sɔsɔɔ nakɛyɛ kpɛzɩnɩ ɛsɔdaa nɛ miŋ ɛzɩ kooloŋa yɔ nɛ kɔtɔlɩ. Ye pɩtayɩ pɔsɩ nɛ hila tɔm naadozo yɔ, kɔtɔlɩ hɔɔlʋʋ kʋɖʋmʋʋ yɔɔ. ¹¹ Payaɣ-kɛ se: Absɛntɩ*fa*. Ye pɩtayɩ pɔsɩ tɔm naadozo yɔ, hɔɔlʋʋ kʋɖʋmʋʋ taa lɩm wɛ ñaŋ nɛ mba pɔñɔ-pʋ yɔ, pa-taa sakɩyɛ sɩba. \fm a \fr (8.11) \fk Absɛntɩ: \f tɩʋ cikpeluu nakʋyʋ, kʋwɛ ñaŋ nɛ kʋkʋʋ ɛyaa.

¹² *Tiyiyu naanza ñɩnʋ ñahʋlɩ ɛ-ñɩnɖɛ lɛ, ye pɩtayɩ wɩsɩ tɔm naadozo yɔ, pʋtʋʋ hɔɔlʋʋ kʋɖʋmʋʋ. Ye pɩtayɩ fenaɣ nɛ tɩɩnzɩ mbʋ yɔ, pʋtʋʋ ɖɔɖɔ hɔɔlʋʋ kʋɖʋmʋʋ. Pɩlabɩ mbʋ se ñalɩmɩyɛ nɖɩ ɖɩwɛ evemiye taa yɔ, ye pɩtayɩ-ɖɩ tɔm naadozo yɔ, hɔɔlʋʋ kʋɖʋmʋʋ pɩsɩ cɩkpɛndʋʋ nɛ ɖoo taa ñɩnɖɛ ɖɔɖɔ mbʋ.

¹³ Mantasɩ cɔnaʋ lɛ, manaɣ keziye naɖɩyɛ, ɖɩkʋyaɣ ɖooo ɛsɔdaa nɛ manɩɣ ɖɩyɔɔdʋʋ ɖoŋ se: “Pʋtɔɔ-wɛ! Pʋtɔɔ-wɛ! Pʋtɔɔ kedeŋa yɔɔ ñɩma, agandɛɛ wena Ɛsɔ tiyiyaa naadozo mba pɩkazaa yɔ, pɔkɔŋ hʋlʋʋ yɔ a-yɔɔ!”