Wɩlʋʋ 9

¹ Kagbaanzɩ ñɩnʋ hʋlɩ ɛgandɩyɛ lɛ, mana tɩɩŋa nakɛyɛ, kɛkpɛzɩnɩ ɛsɔdaa nɛ kɔtɔlɩ kedeŋa yɔɔ. Pɛcɛlɩ-kɛ asayʋʋ pɔʋ nɔnɔɔ ñɩmɩyɛ. ² Peeye katʋlɩ kʋ-nɔɔ nɛ kokuli nɛ ñɔsɩ nasɩyɩ lɩɣnɩ kɩ-taa. Sɩwɛ ɛzɩ momoɖe sɔsɔɖɛ naɖɩyɛ taa ñɩnzɩ yɔ nɛ sɩñɛyɩ nɛ sihuuzi wɩsɩ yɔɔ kpemm. ³ Peeye kudoloŋ nakʋyʋ lɩnɩ sɩ-taa nɛ kusu kedeŋa yɔɔ. Paha-kʋ ɖoŋ ɛzɩ pɩcasɩ yɔ. ⁴ Peheyi-kʋ se kɩtaatukuni kedeŋa yɔɔ ñɩyʋʋ nakʋyʋ yaa tɩʋ nakʋyʋ yaa mbʋ pʋñɔwa yɔ, pɩ-taa nabʋyʋ. Ɛlɛ, kɩ-ɛzɩyɛ ɛsɛnɩ mba pe-kila taa fɛyɩ Ɛsɔ nesi ñɩɣʋ yɔ. ⁵ Peheyi-kʋ se kɩtaakʋ-wɛ, ɛlɛ, kɩnazɩ-wɛ fenasɩ kagbaanzɩ. Nazʋʋ mbʋ kɩnazɩɣ-wɛ yɔ, pʋwɛ ɛzɩ pɩcaka yakʋʋ ɛyʋ nɛ ɛnɩɣ siziŋ yɔ. ⁶ Kɩyakɩŋ ɩnʋ ɩ-taa lɛ, ɛyaa kɔŋ ñɩnʋʋ sɩm, ɛlɛ, paanaɣ-pʋ kpem. Pe-liu wɛɣ se pasɩ, ɛlɛ, sɩm seɣ-wɛ nɛ puwolo poliŋ.

⁷ Kutoloŋ ŋgʋ, kɩnɩɣzɩnɩ kpaŋnaŋ weyi pɔñɔɔzɩ-ɩ se ɩɖɛɛ you yɔ. Nabʋyʋ kɛwɛ kʋ-ñʋŋ taa ɛzɩ sika hulisi yɔ nɛ kɩ-ɛsɩndaa wɛɛ ɛzɩ ɛyaa yɔ. ⁸ Kʋ-ñɔsɩ wɛ ɛzɩ halaa ñɔsɩ yɔ nɛ ki-kela ñɛwɛɛ ɛzɩ tɔɔyɩŋ ñɩna yɔ. ⁹ Nabʋyʋ wɛ kɩ-laŋa taa, pʋwɛ ɛzɩ ñɩɣyʋʋ ŋgʋ pohuuzuu lotu yɔɔ you taa yɔ. Kʋkʋyaɣ nɛ ki-keŋ taa wiɣ ɛzɩ you lɔɔɖa wena kpaŋnaŋ sakɩyɛ hɔŋ alɩwaatʋ ndʋ iseɣ you taa yɔ.ILLUSTRATION 29

¹⁰ Kʋñɔ suŋ ɛzɩ pɩcasɩ yɔ nɛ ɩ-nɔsɩ taa wɛɛ ɖɔɖɔ mbʋ. Ɩ-nɔsɩ taa peeye ku-ɖoŋ weyi kɩnazɩɣnɩ ɛyaa fenasɩ kagbaanzɩ yɔ, ɛwɛɛ. ¹¹ Kɩwɛnɩ wiyaʋ nɔɔyʋ, ɛnʋ lɛ asayʋʋ tiyiyu. Payaɣ-ɩ nɛ Ebree taa se: Abaadɔɔ nɛ Grɛɛkɩ taa se: Apoliyɔɔ*fb*. \fm b \fr (9.11) \fk Abaadɔɔ nɛ Apoliyɔɔ: \f pʋ-tɔbʋʋ se yɔkɩyʋ.

¹² Kajalaɣ kʋñɔŋ ɖɛwa. Kʋ-wayɩ lɛ, kʋñɔmɩŋ naalɛ tasɩɣ kɔm.

¹³ Tɩlaaɖɩ ɖɩhɔɖɛ nɖɩ palabɩnɩ sika nɛ ɖɩwɛɛ Ɛsɔ ɛsɩndaa yɔ, ɖɩɩwɛnɩ hɩŋ naanza. *Tiyiyu loɖo ñɩnʋ hʋlɩ ɛgandɩyɛ lɛ, manɩɣ pʋyɔɔdʋʋnɩ ɩ-taa. ¹⁴ Pʋyɔɔdaɣnɩ tiyiyu ɛnʋ se: “Yɛɖɩ Ɛsɔ tiyiyaa naanza mba paɖɩ-wɛ yoŋgbasɩ pɔɔ sɔsɔɔ ŋga payaɣ se Efiraatɩ yɔ kɔ-yɔɔ yɔ.” ¹⁵ Peeye pɛhɛɖɩ pa-naanza. Paañɔɔzɩ pa-tɩ nɛ paɖaŋ ñɩɣyʋʋ ŋgʋ, kɩyakʋ ŋgʋ, fenaɣ ŋga, pɩnaɣ ŋga ka-taa se ye patayɩ kedeŋa yɔɔ ɛyaa tɔm naadozo yɔ, pakʋ hɔɔlʋʋ kʋɖʋmʋʋ. ¹⁶ You laɖaa mba pacakɩ kpaŋnaŋ yɔ, manɩwa se pɛkpɛndɩ ɛgbaŋ nasɩlɛ. ¹⁷ Ɩɩnaɣ ɛzɩma mbʋ mana kpaŋnaŋ nɛ ɩ-yɔɔ caɣyaa mon-ɖoziye taa yɔ: posu ñɩɣtʋ wondu ndʋ tɩsɛ ɛzɩ miŋ nɛ tipiyi ɛzɩ tɛʋ piyuu yɔ nɛ tɩwɛɛ ɖɔɖɔ ɛzɩ kazɩnzɩŋa yɔ. Kpaŋnaŋ ɩnʋ, ɩ-ñʋŋ wɛ ɛzɩ tɔɔyɩŋ ñʋŋ yɔ, miŋ nɛ ñɔsɩ nɛ tɩm palɩɣaɣnɩ ɩ-nɔsɩ taa. ¹⁸ Ye patayɩ kedeŋa kpeekpe ɛyaa tɔm naadozo yɔ, miŋ nɛ ñɔsɩ nɛ tɩm mbʋ pɩlɩɣaɣnɩ kpaŋnaŋ ɩnʋ ɩ-nɔsɩ taa yɔ, pʋkʋ hɔɔlʋʋ kʋɖʋmʋʋ. ¹⁹ Kpaŋnaŋ ɩnʋ, i-ɖoŋ wɛ ɩ-nɔsɩ nɛ i-suŋ pa-taa. I-suŋ wɛ ɛzɩ ɖʋmaa yɔ: ɩwɛnɩ ñʋŋ nɛ ɩnʋ ɩnazɩɣnɩ ɛyaa.

²⁰ Piyele ɛyaa mba pɩkazɩ kedeŋa yɔɔ se kʋñɔmɩŋ ɩnʋ ɩtakʋ-wɛ yɔ, peteyele mbʋ palaɣkaɣ yɔ. Peteyele alewaa nɛ sɩʋ kpelisi nzɩ palabɩnɩ sika nɛ nzɩ palabɩnɩ liidiye nɛ nzɩ palabɩnɩ ñɩɣyʋʋ kazɩnzɩŋa ñɩŋgʋ yɔ nɛ nzɩ pasaɣnɩ pɛɛ nɛ nzɩ pasaɣnɩ ɖasɩ yɔ, sɩ-tɛɛ luŋuu. Ŋgʋ, sɩɩpɩzɩɣ sɩna yaa sɩnɩɩ yaa sɩɖɔ. ²¹ Peteyele ɖɔɖɔ ɛyaa kʋʋ, nɛ pe-efeletu nɛ pa-hayitu nɛ pa-mɩlɩm se pɛlɛɣzɩ wɛtʋ.