Ɛsɔ ñɩma wezuu caɣʋ tɔm
12
1 Man-taabalaa, Ɛsɔ na ɖa-pʋtɔdɩyɛ naʋ mbʋ yɔ pʋ-yɔɔ lɛ, meheyiɣ-mɩ se pɩlabɩ-mɩ hʋnʋm nɛ ɩkpaɣ mɩ-maɣmaɣ mɩ-tɩ pilim mi-wezuu caɣʋ taa nɛ ɩha-ɩ nɛ ɩwɛɛ ɛzɩ kpɩna wena palaɣ-ɩ yɔ*fb*. Ɩkɛ Ɛsɔ ñɩma kpaagbaa kpem nɛ mɩ-tɔm kɛdɩnɩ-ɩ. Mbʋ pʋwɛɛ kpem se iluŋ ɛ-tɛɛ. \fm b \fr (12.1) \fk Ɩha-ɩ nɛ ɩwɛɛ ɛzɩ kpɩna wena palaɣ-ɩ yɔ: \f ye pɛɖɛzɩɣ-tʋ piye piye yɔ, pɛɖɛzɩɣ se: ɩwɛɛ ɛzɩ kɩlaʋ wezuu ñɩŋgʋ yɔ. 2 Ɩtaawɛɛ ɩlakɩ ɛzɩ mba paañaŋ Krɩstʋ yɔ. Ɛlɛ, ɩha Ɛsɔ waɖɛ nɛ ɛha-mɩ lɩmaɣza kɩfana kpem nɛ pɩlɛɣzɩ-mɩ. Peeye ɩpɩzɩɣ ɩtɩlɩ mbʋ Ɛsɔ liu wɛɛ yɔ: mbʋ lɛ mbʋ pʋwɛ ɖeu nɛ pɩkɛdɩnɩ-ɩ nɛ pʋmʋna yɔ.
3 Lootiye nɖɩ Ɛsɔ labɩ-m yɔ ɖɩ-yɔɔ lɛ, pɩha-m waɖɛ se meheyi paa mɩ-taa weyi se ɛtaakpazɩ ɛ-tɩ ɖenɖe ɛtatalɩ yɔ. Ɛlɛ, ɛwɛnɩ lɩmaɣza wena amaɣnaa yɔ. Paa weyi ɛsɩnɩ lidaʋ ŋgʋ Ɛsɔ ha-ɩ yɔ kɩ-kamaɣ yɔɔ. 4 Ɛyʋ wɛnɩ tomnaɣ kʋɖʋmaɣ, ɛlɛ, kɛwɛnɩ hɔɔlɩŋ ndɩ ndɩ. Paa ŋgʋ nɛ kʋ-tʋmɩyɛ. 5 Mbʋ ɖɔɖɔ paa ɖɩɖɔwa yɔ, ɖɩwɛ ɛzɩ tomnaɣ kʋɖʋmaɣ ɖa nɛ Krɩstʋ ɖɛ-kpɛndʋʋ taa nɛ ɖatɩŋa payɩ ɖɩɖɔkɩ ɖama ɛzɩ ɛyʋ tomnaɣ hɔɔlɩŋ ɖɔkʋʋnɩ ɖama yɔ. 6 Ɛlɛ, Ɛsɔ ha paa weyi nɛ e-ɖeɖe ɛzɩ ɛlabɩ-ɖʋ lootiye yɔ. Ye ɛha ɖa-taa nɔɔyʋ se ɛkɛ ɛ-lɔɔyaɣ tʋ yɔ, pʋwɛɛ se pʋdʋ esusi tɔm ndʋ tɩlɩnɩ Ɛsɔ ɛnʋ ɛ-cɔlɔ yɔ nɛ pɩtalɩ lidaʋ ŋgʋ ɛha-ɩ yɔ kɩ-kamaɣ yɔɔ. 7 Ye Ɛsɔ ɛha nɔɔyʋ se ɛla tʋmɩyɛ Yesu ɛgbɛyɛ taa yɔ, pʋwɛɛ se ɛlabɩ-ɖɩ. Weyi ɛha-ɩ se ɛwɩlɩ yɔ, pʋwɛɛ se ɛwɩlɩ. 8 Weyi ɛha ɛlɛ se ɛyɔɔdɩnɩ lɛlaa nɛ pɩlabɩ-wɛ hʋnʋm yɔ, pʋwɛɛ se ɛlɛ ɛla mbʋ. Pʋwɛɛ se weyi ɛhaɣ ɛ-ñɩm yɔ, ɛha-pʋ nɛ ɛ-laŋɩyɛ tɩŋa. Weyi ɛcɔŋnɩ lɛlaa yɔɔ yɔ, ɛcɔnɩ pɔ-yɔɔ camɩyɛ. Weyi ɛsɩŋnɩ pɩlabɩmwaa yɔ, ɛlɛ ɛsɩnɩ-wɛ nɛ laŋhʋlʋmɩyɛ. 9 Pʋwɛɛ se ɩsɔɔlɩ ɛyaa nɛ mɩ-laŋɩyɛ tɩŋa pilim. Ikizi mbʋ pɩfɛyɩ ɖeu yɔ kpem. Mɩ-ɛzɩyɛ ɛsɛnɩ mbʋ pʋwɛ ɖeu yɔ. 10 Ɩsɔɔlɩ ɖama ɛzɩ pʋmʋnaʋ se Yesu ɛgbɛyɛ taa ñɩma ɛsɔɔlɩ ɖama yɔ. Pɩlabɩ-mɩ hʋnʋm nɛ ɩña ɖama. 11 Ɩla tʋmɩyɛ, fendu ɛtaakpa-mɩ. Ɩla Kɩpaɣlʋ tʋmɩyɛ nɛ mɩ-laŋa tɩŋa pilim. 12 Mɩ-laŋa ɛhʋlʋmɩ mɩ-ɖaŋʋʋ yɔɔ. Ɩɖɔkɩ mɩ-hɔ kʋñɔmɩŋ taa. Ɩwɛɛ Ɛsɔ sɛʋ yɔɔ tam. 13 Ɩsɩnɩ mɩ-taabalaa Ɛsɔ ñɩma mba pɛwɛ kɩcɛyɩm taa yɔ. Ɩmʋ mba pɔkɔŋ mɩ-tɛ yɔ camɩyɛ. 14 Itendi Ɛsɔ se ɛwazɩ mba pɛwɛ mɩ-wayɩ kaŋ kaŋ yɔ pɔ-yɔɔ. Itendi-i se ɛwazɩ pɔ-yɔɔ, ɩtaawɩlɩ-wɛ kpalʋʋ. 15 Mɩ nɛ mba pamayɩɣ amaya yɔ, ɩkpɛndɩ ɩmayɩ. Mɩ nɛ mba paba wiliɣ yɔ, ɩkpɛndɩ iwili. 16 Ɩnɩnɩ ɖama camɩyɛ mi-wezuu caɣʋ taa. Ɩtaakpazɩ mɩ-tɩ, ɛlɛ, ɩmaɣzɩ mbʋ patakpaɣ payaa pʋyʋ yɔ pʋ-yɔɔ. Ɩtaakpaɣ mɩ-tɩ se ɩkɛ lɔŋsɩnɖaa. 17 Ɩtaala nɔɔyʋ taŋ labɩ-m malakɩ-ɩ. Ɩñaɣ pana nɛ ɩla mbʋ pʋwɛ ɖeu yɔ paa weyi ɛ-ɛsɩndaa. 18 Ɩñaɣ pana ɛzɩma mbʋ ɩpɩzɩɣ yɔ nɛ mɩ nɛ ɛyaa tɩŋa payɩ pʋwɛɛ leleŋ. 19 Man-taabalaa kʋsɔɔlaa, mɩ-maɣmaɣ ɩtaahɛyɩ ɛyaa mbʋ palabɩ-mɩ pɩfɛyɩ ɖeu yɔ. Ɛlɛ, iyele se Ɛsɔ pana ɛkpanɩnɩ-wɛ. Mbʋ pʋyɔɔ yɔ, pama Ɛsɔtɔm Takayaɣ taa se: “Mɛhɛyɩɣnɩ ɛyaa mbʋ palabɩ pɩfɛyɩ ɖeu yɔ.” Ɖa-Kɩpaɣlʋ yɔɔdɩnɩ mbʋ. 20 Pamawa ɖɔɖɔ se: “Ye ñɔɔsɩ ɛwɩɣ ño-koyindu yɔ, ha-ɩ tɔɔnaɣ nɛ ɛtɔɔ. Ye lɔkɔtʋ ɛkpa-ɩ yɔ, ha-ɩ lɩm nɛ ɛñɔɔ. Mbʋ pʋyɔɔ yɔ, ye ŋlabɩ mbʋ yɔ, pʋwɛɣ ɛzɩ ŋhuti ɛ-ñʋʋ taa miŋ nɛ mamala yɔ.” 21 Taayele ña-tɩ nɛ kɩdɛkɛdɩm wabɩ-ŋ. Ɛlɛ, pʋwɛɛ se ŋla mbʋ pʋwɛ ɖeu yɔ nɛ ŋwabɩnɩ-pʋ.