Tʋma Labʋ 1

YESU TIYIYAA

TƲMA LABƲ

TƆM

Yesu heyuu e-tiyiyaa se paɖaŋ Ɛsɔ Kalɩzaɣ yɔ

¹ Man-taabalʋ Tewofiili, man-takayaɣ kajalaɣ ñɩŋga*fa* taa lɛ, maatɛm-ŋ kɛdʋʋ mbʋ pɩtɩŋa payɩ Yesu kapazɩ labʋ nɛ ɛwɩlɩ \fm a \fr (1.1) \fk Man-takayaɣ kajalaɣ ñɩŋga: \f ŋga lɛ Laŋhɛzɩyɛ Tɔm ndʋ Luka mawa yɔ. ^2-3 nɛ pʋkɔɔ pɩsɩnɩ kɩyakʋ ŋgʋ Ɛsɔ kpazɩ-ɩ ɛsɔdaa yɔ. Yesu sɩba nɛ efe lɛ, ɛcaɣ kɩyakɩŋ nɩɩnaza nɛ pʋcɔ Ɛsɔ kpazɩ-ɩ peeye. Kɩyakɩŋ ɩnʋ ɩ-taa ɛwɩlɩ ɛ-tɩ mba ɛɛlɩzɩ-wɛ se pɛkɛ e-*tiyiyaa yɔ. Ɛwɩlɩ-wɛ nɛ wɛtʋ ndɩ ndɩ se ɛwɛ wezuu. Ɖɔɖɔ lɛ, ɛtasɩ-wɛ tɔm nɛ Ɛsɔ Kalɩzaɣ ɖoŋ nɛ ɛkɛdɩ-wɛ Ɛsɔ Kewiyaɣ tɔm.

⁴ Nakʋyʋ wiye Yesu nɛ e-*tiyiyaa pɔtɔkaɣ tɔɔnaɣ. Pɩkɛdaa lɛ, ɛpaɣ-wɛ se: “Ɩtaakʋyɩ Yeruusalɛm nɛ iwolo ɖoli. Ɛlɛ, ɩɖaŋ mbʋ Caa ɖʋwa se ɛhaɣ-mɩ yɔ. Kʋjɔʋ ŋgʋ kʋ-tɔm maaheyi-mɩ. ⁵ Mɔntɔzʋʋ-mɩ se Yohanɛɛsɩ labɩ ɛyaa *lɩm sɔʋ sɔnzɩ. Alɩwaatʋ pazɩ taa lɛ, Caa Ɛsɔ ñɔkɔŋ-mɩ labʋ sɔnzɩ nɛ ɛ-Kalɩzaɣ haʋ.”

Yesu kpaɣʋ ɛsɔdaa yɔ

⁶ Pekpeɣli mbʋ lɛ, pɔpɔzɩ-ɩ se: “Kɩpaɣlʋ! Alɩwaatʋ tʋnɛ ŋsɩŋnɩ ɖa *Izrɛɛlɩ ñɩma se ɖihiɣ ɖa-tɩ yɔɔ caɣʋ naa we?”

⁷ Ecosi-wɛ se: “Pɩtɛkɛ mɩ pʋmʋnaa se ɩtɩlɩ alɩwaatʋ ndʋ tɩ-yɔɔ ɖeyi ɖeyi malakɩ mbʋ yɔ. Caa Ɛsɔ ɖʋnɩ-tʋ nɛ ɛ-maɣmaɣ e-ɖoŋ. ⁸ Ɛlɛ, alɩwaatʋ ndʋ Ɛsɔ Kalɩzaɣ tiki mɩ-yɔɔ yɔ, ihikiɣ ɖoŋ nɛ ɩkɛ ma-aseɣɖe tɩnaa Yeruusalɛm tɛtʋ taa nɛ Yudee nɛ Samaarɩɩ pa-ageeta taa nɛ kedeŋa kpeekpe yɔɔ.”

⁹ Yesu tɛm yɔɔdʋʋ mbʋ lɛ, pɩkpazɩ-ɩ ɛsɔdaa yem nɛ pɔcɔŋnɩ-ɩ mbʋ nɛ ɛsɔmɩnʋʋ nakʋyʋ wolo kuhuuzi ɛ-yɔɔ nɛ patatasɩ-ɩ naʋ.ILLUSTRATION 20

¹⁰ Pɔcɔŋaɣnɩ-ɩ mbʋ lɛ, ɛyaa naalɛ nabɛyɛ tɩlɩʋ pɔ-cɔlɔ yem, posu wondu kʋhʋlʋmtʋ ¹¹ nɛ pɔpɔzʋʋ-wɛ se: “Galilee ñɩma mɩ! Pɩlabɩ ɛzɩma nɛ ɩwɛɛ ɩcɔŋnɩ ɛsɔdaa mbʋ? Yesu ɛnʋ, ɛzɩma mbʋ pɩlɩzɩ-ɩ mɩ-hɛkʋ taa nɛ pɩkpazɩ-ɩ ɛsɔdaa nɛ ɩna yɔ, mbʋ ɖɔɖɔ ɛkɔŋ pɩsʋʋ.”

Maatɩyaasɩ lɛɣzʋʋ Yudaasɩ lone taa yɔ

¹² Pʋwayɩ lɛ, Yesu *tiyiyaa kʋyɩ ɖenɖe paawɛɛ yɔ nɛ papɩsɩ Yeruusalɛm. *Somiŋ Pʋʋ yɔɔ paawɛɛ. Kɩtaawɛɛ poliŋ nɛ Yeruusalɛm, pɩɩwɛ ɛzɩ kiloomɛta kʋɖʋmʋʋ yɔ. ¹³ Patalaa lɛ, pakpa ɛsɔdaa kuduyuu ŋgʋ kɩ-taa paakpeɣlaɣ yɔ. Mba pekpeɣlaɣ kɩ-taa yɔ, mba yɔ: Pɩyɛ nɛ Yohanɛɛsɩ nɛ Yakubu nɛ Andree nɛ Filiipu nɛ Tomaa nɛ Bartelemii nɛ Maatiyee nɛ Alfee pɩyalʋ Yakubu nɛ Siimɔɔ weyi payaɣ se Yɔɔ Kandɩyʋ yɔ nɛ Yakubu pɩyalʋ Yuudi ¹⁴ nɛ Yesu ɖoo *Maarɩɩ nɛ halaa nabɛyɛ nɛ Yesu newaa abalaa ñɩma patɩŋa payɩ paalabɩ nɔɔ kʋɖʋmaɣ nɛ pekpeɣliɣ tam nɛ pɛsɛɣ Ɛsɔ.

¹⁵ Nakʋyʋ wiye taabalaa kpeɣlaa ɛzɩ patiikpeɣluu yɔ, paatalɩ ɛzɩ mɩnʋʋ nɛ nɩɩlɛ yɔ. Pɩkɛdaa lɛ, Pɩyɛ kʋyɩ ɛsɩŋ pɛ-hɛkʋ taa nɛ eheyi-wɛ se: ¹⁶ “Taabalaa! Pɩɩwɛɛ se Yudaasɩ weyi ɛwɩlɩ koyindinaa nɛ pakpa Yesu yɔ ɛ-tɔm ndʋ Ɛsɔ Kalɩzaɣ tɩŋnɩ Daaviidi yɔɔ nɛ ɛyɔɔdɩ yɔ, tɩla. ¹⁷ Ŋgʋ, Yudaasɩ ɛnʋ ɛkɛ ɖa-taa lɛlʋ, ɖa nɛ ɩ ɖɩlakaɣnɩ tʋmɩyɛ.

¹⁸ Pɛhɛyɩ-ɩ liidiye ɛ-ɛzaɣtʋ lakasɩ yɔɔ lɛ, ɛkpaɣ-ɖɩ ɛya tɛtʋ. Pʋwayɩ lɛ, ewolo esiɣ ɛ-ñʋʋ yɔɔ tɩ-yɔɔ nɛ e-lotu ya kpiii nɛ tɩmɩzɩ kpɛdɛɛɛ. ¹⁹ Yeruusalɛm ñɩma tɩŋa nɩ tɔm ndʋ lɛ, payaa tɛtʋ ndʋ nɛ pɛ-tɛ taa se: ‘Akɩlɩdama.’ Pʋ-tɔbʋʋ se calɩm tɛtʋ.

²⁰ Ŋgʋ, ɛ-tɔm pama Keɣsi Takayaɣ taa se:

‘Ɛ-ɖɩɣa ɛpɩsɩ ŋjɛyɛ nɛ nɔɔyʋ ɛtaatasɩ sʋʋ ka-taa.’

Patasɩ maʋ ɖɔɖɔ se:

‘Nɔɔyʋ ɛlɛɣzɩ e-lone taa nɛ ɛla ɛ-tʋmɩyɛ.’

²¹ Ye mbʋ, ɛyaa nabɛyɛ tɩŋaɣ-ɖʋ paa le, alɩwaatʋ ndʋ ɖa nɛ Kɩpaɣlʋ Yesu ɖɩɩwɛɛ yɔ. ²² Paawɛ ɖɔ-cɔlɔ kpaɣ kɩyakʋ ŋgʋ Yohanɛɛsɩ labɩ-ɩ *lɩm sɔʋ sɔnzɩ yɔ nɛ puwolo pɩsɩnɩ puwiye nɖɩ Ɛsɔ lɩzɩ-ɩ ɖɛ-hɛkʋ taa nɛ ɛkpazɩ-ɩ ɛsɔdaa yɔ. Pʋ-yɔɔ lɛ, pʋwɛɛ se pa-taa nɔɔyʋ ɛsɔzɩnɩ ɖɔ-yɔɔ nɛ ɖa nɛ ɩ ɖɩlɩzɩ Yesu sɩm nɛ e-fem pa-aseɣɖe.”

²³ Peeye paya ɛyaa mba pa-taa naalɛ: *Yozɛɛfʋ weyi payaɣ se Barsaabaasɩ nɛ pakʋm-ɩ hɩɖɛ se Yustuusi yɔ nɛ Maatɩyaasɩ. ²⁴ Ɛlɛ pɛkpɛndɩ pɛsɛɛ Ɛsɔ se: “Kɩpaɣlʋ! Ñanaɣnɩ ɛyaa tɩŋa hɔ taa. Pʋ-yɔɔ lɛ, wɩlɩ-ɖʋ ɛyaa panɛ pa-naalɛ pa-taa weyi ŋlɩzaa ²⁵ se ɛkɛ *tiyiyu nɛ ɛlɛɣzɩ Yudaasɩ lone taa nɛ ɛla tʋmɩyɛ nɖɩ ɛlɛ yeba nɛ ɛɖɛɛ e-ɖeɖe yɔ.”

²⁶ Peeye paɖʋ miika nɛ pɩcaɣ Maatɩyaasɩ yɔɔ nɛ ɛsɔzɩ Yesu *tiyiyaa hiu nɛ kʋɖʋm mba pɔ-yɔɔ.