20
Ɛsɔ cɛlʋʋ samaɣ paɣtʋ hiu yɔ
1 Tɔm ndʋ Ɛsɔ heyi Izirɛɛlɩ ñima samaɣ yɔ, ndʋʋ yɔ.
2 Ɛnʋ kɛ KƖPAƔLƲ kɛ-Ɛsɔ. Se, ɛnʋ yebini nɛ kalɩɩ yomiye taa, Ejipiti ɛjaɖɛ taa.
3 Se, ɖɩɩkaɣ wɛnaʋ agɔlɩma naayɛ nɛ pɩtasɩnɩ ɛnʋ. 4 Ɛtɔm Izirɛɛlɩ ñɩma taa paa weyi se, etaalu pʋyʋ, mbʋ pʋwɛ ɛsɔdaa yaa tataa yaa lɩm tɛɛ yɔ, pɩ-lɛzʋʋ nakʋyʋ. 5 Se, etaaluzi ɛ-tɩ agɔlɩma ana a-ɛsɩndaa, nɛ ɛtaaluŋ a-tɛɛ a. Se, toovenim lɛ, ɛnʋʋ lɛ, KƖPAƔLƲ ɛ-Ɛsɔ nɛ ɛnʋ tɔm wɛ ɖoŋ. Se, ye nɔɔyʋ ɛwɛkɩnɩ ɛnʋʋ tɔm yɔ yɔ, ɛnʋ kpaɣ pʋdʋ nɛ ɛ́lɛ́ sɛyɩnaa kɩmɩyɛ halɩ piwolo pɩsɩɩnɩ ɛ́lɛ́ sɛyɩnaa tozo taa yaa naza taa mba. 6 Se, ɛlɛ, ɛnʋ wɩlɩɣ ɛ-camɩyɛ lakasɩ mba pɔsɔɔlɩ-ɩ nɛ pɔɖɔŋ ɛ-paɣtʋ yɔɔ yɔ, piwolo pɩsɩɩnɩ canɖaʋ kutoku ñɩŋgʋ b.
7 Se, ɛtaayaa ɛnʋʋ KƖPAƔLƲ Ɛsɔ ɛ-hɩɖɛ yem yem, mbʋ pʋyɔɔ yɔ, weyi ɛyaɣ ɛnʋ hɩɖɛ yem yem yɔ, ɛnʋ eeyeki pʋdʋ nɩŋgbaaŋ hɔm c.
8 Se, ɛtaasɔɔ se ɛkpakɩɣ kɩyakʋ kɩhɛzʋʋ ɛcɛlɩ ɛnʋ nɛ kɩkɛ ɛnʋ ñɩŋgʋ. 9 Se, ɛwenɩ kɩyakɩŋ loɖo se ɛlabɩnɩ tʋmɩyɛ nɛ mbʋ pɩ-tɩŋa payɩ ɛwɛnɩ se ɛlakɩ yɔ, 10 ɛlɛ, kɩyakʋ lʋbɛ ñɩŋgʋ lɛ, kɩkɛ ɛnʋʋ KƖPAƔLƲ ɛ-Ɛsɔ kɩyakʋ kɩhɛzʋʋ. Se, pɩfɛyɩ se, ɛ́lɛ́ yaa ɛ́lɛ́ piyaa yaa ɛ́lɛ́ tʋmlaɖaa abalaa ñɩma yaa halaa ñɩma, yaa ɛ́lɛ́ wondu kalakʋ yaa ɛgɔm weyi ɛwɛ ɛ́lɛ́ tɛ yɔ, pa-taa nɔɔyʋ ɛla tʋmɩyɛ naɖɩyɛ kɩyakʋ ŋgʋ kɩ-wiye. 11 Se, mbʋ pʋyɔɔ yɔ, ɛnʋ kpaɣ kɩyakɩŋ loɖo nɛ ɛnʋ labɩnɩ ɛsɔɔdaa nɛ tataa nɛ teŋgu nɛ mbʋ pɩ-tɩŋa payɩ pʋwɛ pa-taa yɔ, nɛ pʋwayɩ lɛ, ɛnʋ hɛzɩ kɩyakʋ lʋbɛ ñɩŋgʋ ŋgʋ ki-wiye. Se, pʋ-yɔɔ ɛnʋʋ KƖPAƔLƲ ɛwazɩ kɩyakʋ kɩhɛzʋʋ d yɔɔ nɛ ɛnʋ yele kɩkɛ ɛnʋ ñɩŋgʋ.
12 Se, ɛñá ɛ-caa nɛ e-ɖoo e nɛ ɛpɩzɩ ɛwɛnɩ wezuu kɩɖaɣlʋʋ tɛtʋ ndʋ ɛnʋʋ KƖPAƔLƲ ɛ-Ɛsɔ, ɛnʋ haɣ-ɩ yɔ tɩ-yɔɔ.
13 Se, ɛtaakʋ ɛyʋ f.
14 Se, ɛtaala hayitu g.
15 Se, ɛtaamɩlɩ h.
16 Se, ɛtaacɛtɩnɩ lɛlʋ taa i. \f*.
17 Se, ɛtaaɖʋ ɛzɩyɛ lɛlʋ ñɩm yɔɔ, paa ɛ-ɖɩɣa, paa ɛ-halʋ, paa ɛ-tʋmlaɖʋ abalʋ ñɩnʋ yaa halʋ ñɩnʋ, paa ɛ-nɔ, paa ɛ-kpaŋaɣ, pɔ-yɔɔ j.
18 Mbʋʋ, Izirɛɛlɩ ñɩma tɩŋa nɩ tɛʋ nazʋʋ nɛ nɔndɔʋ hʋlʋʋ pa-taŋ nɛ pana ɖɔɖɔ tɛʋ ñɩlɩsʋʋ nɛ mɩndʋ huuzuu pʋʋ yɔɔ kpemm yɔ. Pɩlabɩ mbʋ lɛ, sɔɔndʋ kɩlɩ-wɛ nɛ peseliɣ nɛ pɛkɛɛ pasɩŋ poliŋ taa. 19 Peeye, peheyi Mooyiizi se, ɛ-maɣmaɣ ɛyɔɔdɩnɩ-wɛ, mba welesiɣni-i. Se, ɛlɛ, ye Ɛsɔ maɣmaɣ ɛyɔɔdɩnɩ mba yɔ, pɩtɛkɛ mbʋ, mba sɩkɩ k. 20 Peheyi-i mbʋ lɛ, Mooyiizi cosi-wɛ se, sɔɔndʋ ɛtaakpa-wɛ. Se, ye Ɛsɔ ɛñɔtɩnɩ ɛ-tɩ nɛ wɛ yɔ, ɛcaɣ se ɛtakɩ-wɛ nɛ ɛna pa-wayɩ. Se, ɛcaɣ se pana e-ɖoŋ nɛ pataala kɩwɛɛkɩm. 21 Izirɛɛlɩ ñɩma sɩŋ mbʋ poliŋ taa, piyele Mooyiizi ñɔñɔtɩnɩ ɛ-tɩ nɛ mɩndʋ kpemm ndʋ tɩ-taa Ɛsɔ kɛwɛɛ yɔ l.
Paɣtʋ ndʋ paɖʋ kɩlaŋ ɖɩlayɛ yɔɔ yɔ
22 Pʋwayɩ lɛ, KƖPAƔLƲ heyi Mooyiizi se, eheyi Izirɛɛlɩ ñɩma se panaa se ɖooo ɛsɔdaa ɛnʋ yɔɔdɩnɩ-wɛ. 23 Se, pataalu pa-tɩ liidiye yaa sika sɩʋ kpelesi nɛ poluŋ agɔlɩma lɛɛna tɛɛ nɛ pɩtasɩnɩ ɛnʋ. 24 Se, pɛfɛfɩ tɛtʋ nɛ pamaɛnʋʋ kɩlaŋ ɖɩlayɛ nɖɩ ɖɩ-yɔɔ paalaa ɛnʋʋ pe-heŋ nɛ pa-pɩŋ nɛ pa-naŋ kɩlaŋ ŋgʋ pɔhɔkɩ nɛ pɩñaɣ yɔ nɛ kʋɖʋm kpɛndʋʋ kɩlaŋ. Ɖɩnɛɛ lɛ, ɛnʋ woki nɛ ɛwazɩ pɔ-yɔɔ lona wena a-taa ɛnʋ lɩzɩɣ ɛ-tɩ nɛ ɛwɩlɩ-wɛ yɔ. 25 Se, ye pamanɩ ɛnʋʋ kɩlaŋ ɖɩlayɛ nɛ pɛ yɔ, pataakpaɣ pɛ wena pazaɣ-yɛ yɔ. Se, mbʋ pʋyɔɔ yɔ, alɩwaatʋ ndʋ pakpaɣkɩɣ ñɩɣyʋʋ wonuu nakluyʋ nɛ potukuni pɛ yɔ, pɛ ana pepisiɣ-yɛ, pɩtɩmʋna se pakpaɣ-yɛ palabɩnɩ kɔtaɣ taa pʋyʋ m. 26 Se, pataama-ɩ kɩlaŋ ɖɩlayɛ ŋɖɩ pɔɖɔŋ tendeme yɔɔ nɛ pɩcɔ pakpaɣ ɖɩ-yɔɔ yɔ. Se, pɩtaa kɔɔ se ɛyʋ kpaɣ kɩlaŋ ɖɩlayɛ lɛ, weyi ɛ́lɛ́ wɛ hadɛ yɔ, ɛ́lɛ́ ñana-ɩ ndaakpeɖe n.