5
Mooyiizi nɛ Aarɔɔnɩnɩnɩ powobu Farawɔɔ tɛ yɔ
1 Pʋwayɩ lɛ, Mooyiizi nɛ Aarɔɔnɩnɩnɩ powolo pana Farawɔɔ nɛ peheyi-i se, KƖPAƔLƲ Izirɛɛlɩ Ɛsɔ tiyi ḿbá se peheyi-i se, eyele ɛ́nʋ samaɣ nɛ kowolo lakʋ taa nɛ kɔtɔɔ kazandʋ ɛ́nʋ hɩɖɛ taa. 2 Ɖɩnɛɛ, Farawɔɔ cosa se, anɩ lɛ, KƖPAƔLƲ nɛ pʋwɛ se ɛ́nʋ ewelesini-i nɛ eyele Izirɛɛlɩ ñɩma nɛ pɛɖɛɛ. Se, ɛ́nʋ ɛɛsɩŋɩ-ɩ. Se, ɛ́nʋ eeyeki Izirɛɛlɩ ñɩma nɛ powolo ɖoli. 3 Ɛyɔɔdɩ ḿbʋ́ lɛ, Mooyiizi nɛ Aarɔɔnɩnɩnɩ pocosi se, Ebire ñɩma Ɛsɔ, KƖPAƔLƲ ḿba Ɛsɔ, lɩzɩ ɛ-tɩ nɛ ɛwɩlɩ ḿba. Se, ḿbʋ́ lɛ, eyele ḿba nɛ pɔɖɔ kɩyakɩŋ naadozo nɛ powolo lakʋ taa palaa-ɩ kɩlaŋ. Se, ye pɩtɛkɛ ḿbʋ, ɛpɩzɩɣ eyele nɛ kɩzɩkʋ kʋ ḿbá yaa ḿbá sɩ you taa. 4 Ɖɩnɛɛ, Farawɔɔ holina Mooyiizi nɛ Aarɔɔnɩnɩnɩ ḿbʋ́ yɔ se, pɩlabɩ ɛzɩma nɛ pepeziɣ Izirɛɛlɩ ñɩma se peyele pa-tʋma? Se, pápɩ́sɩ́ lɔŋ pa-ñɩnɖɛ taa! 5 Farawɔɔ pɔzɩ-wɛ se, lɛɛlɛɛyɔ ɛyaa ḿbá pohuwa se tʋmɩyɛ ewobini ɛsɩndaa lɛ, ḿbá ñacaɣ se papɩsɩnɩ-ɖɩ wayɩ yaa we?
Farawɔɔ sɔzʋʋ Izirɛɛlɩ ñɩma tʋmɩyɛ yɔ
6 Kɩyakʋ kʋɖʋmʋʋ ŋgʋ ki-wiye Farawɔɔ ya Ejipiti ñɩma ḿbá pɛkɛ tʋma ɖoŋ ñɩna yɔɔ cɔnɩyaa sɔsaa yɔ nɛ Izirɛɛlɩ ñɩma ḿbá paba ñɛkɛ cɔnɩyaa cikpema yɔ nɛ ɛpaɣ-wɛ se, 7 pataatasɩ Izirɛɛlɩ ñɩmaa ñɩtʋ cɛlʋʋ falaa falaa ɛzɩ patɩɩlakʋʋ yɔ se polooni filikinaa. Se, peyele-wɛ nɛ pa-maɣmaɣ powolo pañɩnɩ ñɩtʋ ńdʋ. 8 Ɛlɛ, peheyi-wɛ se, pólóó filikinaa pɔɖɔɔ ɛzɩ patɩɩlakʋʋ yɔ, pátáápásɩ́ pa-ñʋʋ. Se, pɛkɛ feendudináa! Se, pʋ-yɔɔ pɔpɔzʋʋ se peyele-wɛ nɛ powolo páláá kɩlaŋ pɛ-Ɛsɔ. 9 Se, páɖʋ-wɛ tʋma ɖoŋ ñɩnaa nɛ pátááhiɣ tɔbɩ-caɣyɛ se pamaɣzɩɣ cɛtɩm tɔm ndɩ ndɩ ńdʋ tʋ-yɔɔ.
10 Pʋwayɩ lɛ, Ejipiti ñɩma ḿbá pɛkɛ tʋma ɖoŋ ñɩna yɔɔ cɔnɩyaa sɔsaa yɔ nɛ Izirɛɛlɩ ñɩma ḿbá paba ñɛkɛ cɔnɩyaa cikpema yɔ, palɩɩnɩ wiyaʋ ɖɩɣa taa nɛ powolo Izirɛɛlɩ ñɩma cɔlɔ. Powobi pɔ-cɔlɔ lɛ, peheyi-wɛ se, Ejipiti wiyaʋ tɔma se pátáátásɩ́-wɛ ñɩtʋ cɛlʋʋ. 11 Se, pa-maɣmaɣ powolo pákʋ́ ñɩtʋ ɖenɖe papɩzɩɣ pana-tʋ yɔ. Se, patɩlɩ pasɩɩ se filikinaa ɛzɩma pʋwɛɛ se pólóó yɔ, ḿbʋ́ʋ́ pólóu. Se, páápásɩ́ɣ nabʋyʋ pʋ-yɔɔ.
12 Pɩlabɩ ḿbʋ́ lɛ, Izirɛɛlɩ ñɩma mɩzɩ ɖamaa Ejipiti ɛjaɖɛ tɩŋa taa se pakʋ ñɩtʋ ńdʋ́ paalóóní filikinaa yɔ. 13 Ejipiti ñɩma ḿbá pɛkɛ tʋma ɖoŋ ñɩna yɔɔ cɔnɩyaa yɔ patɩŋaɣ pa-wayɩ nɛ pɛcɛyɩɣ-wɛ se, pɛ́tɛ́ pa-tʋmɩyɛ lɔŋ! Se, pʋwɛɛ se paa efemiye ńɖɩ lɛ, pólóó filikinaa ñʋʋ ŋgʋ patɩɩlou pɛcɛlaɣ-wɛ ñɩtʋ lɛ. 14 Se, halɩ pamakaɣ Izirɛɛlɩ ñɩma ḿbá paalɩzɩ paba se pɛkɛ cɔnɩyaa cikpema yɔ nɛ pɔtɔŋ-wɛ se, pɩlabɩ ɛzɩma nɛ wayɩ wayɩ kɩyakɩŋ ɛnʋ ɛ-taa, patiyele nɛ poloo filikinaa pʋɖɔɔ ɛzɩ pɑtiilou yɔ?
15 Pʋ-yɔɔ, Izirɛɛlɩ ñɩma ḿbá pɛkɛ cɔnɩyaa cikpema yɔ, powolo pana Farawɔɔ nɛ pɔpɔzɩ-ɩ se, pɩlabɩ ɛzɩma nɛ ɛnazɩɣ ɛ́lɛ́ tʋmlaɖaa ḿbʋ́? 16 Se, páátásɩ́ɣ ḿbá ñɩtʋ cɛlʋʋ, ɛlɛ, pɔpɔzʋʋ ḿbáá se pólóó filikinaa nɛ pɔɖɔɔ ɛzɩ paatiilou yɔ. Se, halɩ nɛ pamakɩ ḿbá. Se, ɛ-ɛyaa samaɣ tɔm sɩba! 17 Ɖɩnɛɛ, Farawɔɔ kitini-wɛ kpɛlɩ se, pɛkɛ feendudinaa, se toovenim lɛ pɛkɛ feendudinaa. Se, ḿbʋ́ páwáɣna nɛ pɔtɔŋ se ḿbá woki se páláá kɩlaŋ KƖPAƔLƲ! 18 Se, pakʋyɩ lɔŋ nɛ pɛɖɛɛ pa-tʋmɩyɛ taa! Se, nɔɔyʋ ɛɛtásɩ́ɣ-wɛ ñɩtʋ cɛlʋʋ ñɩtʋ falaa, ɛlɛ, pɩkɛnɩ-wɛ kɩcɛyʋʋ se pólóó filikinaa pɔɖɔɔ ɛzɩ ɖooo pátiilou yɔ.
19 Ḿbʋ́ʋ́, Izirɛɛlɩ ñɩma ḿbá pɛkɛ tʋma yɔɔ cɔnɩyaa cikpema yɔ pa-laŋa wɛɛkaa. Panaa se, pɛwɛ wɛtʋ kaɖɛ ñɩndʋ taa. Ḿbʋ́ pʋyɔɔ yɔ, peheyi-wɛ se, paa efemiye nɖɩ lɛ, pólóó filikinaa pɔɖɔɔ ɛzɩ pátɩ́ɩ́lakʋ yɔ. Se, pɩfɛyɩ se papasɩ filikinaa ḿbá pa-ñʋʋ. 20 Pɔkɔm palɩɩnɩ Farawɔɔ tɛɛ lɛ, powolo Mooyiizi nɛ Aarɔɔnɩnɩnɩ ḿbá paba kaaɖaŋ-wɛ yɔ pɔ-cɔlɔ nɛ pakʋyɩ paba yɔɔ. 21 Peheyi paba se, KƖPAƔLƲ ɛna ḿbʋ́ palabɩ yɔ nɛ ɛkʋ pɔ-tɔm. Se, pɔ-yɔɔ Farawɔɔ ɛɛnaɣ ḿbá nɛ ɛsɩyɛ. Se, pɛcɛlɩ-wɛ ḿbʋ pakʋnɩ ḿbá yɔ.
22 Pʋ-yɔɔ, Mooyiizi tasɩ KƖPAƔLƲ yɔɔdɩnaʋ nɛ ɛtɔ se, Hayɩ KƖPAƔLƲ! Pɩlabɩ ɛzɩma nɛ ɛlakɩ ɛ-samaɣ ɛzaɣtʋ? Se, etiyi ɛ́nʋ́ peeye se ɛ́nʋ́ ɛla we? 23 Se, ɖooo ɛzɩ ɛnʋ́ wobu nɛ eheyi Farawɔɔ tɔm ńdʋ́ eheyiɛnʋ́ yɔ, ɛ́lɛ́ ñɛwɛɛ ɛtɛzɩɣ Izirɛɛlɩ ñɩma nazʋʋ kɩnazʋʋ. Pɩkazɩ nɛ ɛnʋ́ yɔ, ɛɛlakɩ pʋyʋ se ɛya ɛ-samaɣ ñʋʋ!