Peetero kaawosya omurema kw‑isiina rya Yeesu
3
1 Rusuku rumwi, Peetero na Yowana bhaariga nibhagenda mw‑Iyekaru saa etaanu na ena mu‑mwisi. Ogwo nigwo gwariga guri mwanya gwa okusabhwa Nyamuwanga. 2 Mu‑rubhuga rwa Riyekaru awo, ryariga riri‑wo rirango rinu ryatogwaga ati, Rirango rya Ekisi. Ku‑mbari ya rirango eryo, aariga ari‑wo omuunu ari murema okusookerera okwibhurwa kwaye. Bhuri rusuku omurema oyo, aariga ˆnaabhaturwa na abhaanu na okutuurwa ayeeyi na rirango eryo, korereki asabhiirisye jipirya ku‑bhaanu bhanu bhaariga nibhayitingʼana okwingira mu‑rubhuga rwa Riyekaru.3 Omuunu oyo ejire aarora Peetero na Yowana nibharebherera okwingira mu‑rubhuga rwa Riyekaru, ˆnaabhasabhwa bhamuyaane jipirya. 4 Awo Peetero na Yowana nibhamuroreerera nekeneke, ejire eeya, Peetero ˆnaamubhwira ati, “Nuuchiringire!” 5 ˆNaabharingira, enu atendesiisye ati, bhari na echiinu cha okumuyaana.
6 Nawe Peetero ˆnaamubhwira ati, “Nitari na jipirya noorwo inaaryo,a nawe chinu niri nacho ni chinu. Enikubhwira kw‑isiina rya Yeesu Kirisito Omunajareeti, imereeguru uribhate!” 7 Awoawo Peetero ˆnaagwata omuunu oyo okubhoko kwa ebhuryo ˆnaamwimereegusyu. Awoawo, ebhisugunyu bhya amaguru gaaye nibhibhona amanaga. 8 ˆNeemereeguru bhwangubhwangu, ˆnaamba okuribhata omwene. ˆNeengira mu‑rubhuga rwa Riyekaru aamwi na Peetero na Yowana, enu ˆneejunga jungaga na okukuuya Nyamuwanga.
9 Abhaanu bhoone ꞉bhaamurorere ˆnaaribhataga na okukuuya Nyamuwanga. 10 Nibhamumenya ati, niwe uryaurya unu eenyanjaga kw‑irango rinu ryabhirikirwaga ati, Rirango rya Ekisi, rya orubhuga rwa Riyekaru ˆnaasabhiirisyaga. Bhoone nibhatangʼangʼara muno, okurora omusango gunu ꞉gwamubhwene.
11 Omwanya ogwo omuunu unu ꞉aawosiibhwe, aariga agwatirireene na Peetero na Yowana, abhaanu bhoone nibhabhabhirimira, enu nibharuguuraga muno. Orubhaara runu Peetero na Yowana bhaariga bhari rwatogwaga ati Rigaragariro rya Seremaani.
Peetero keeyigisya abhaanu inguru ya Yeesu
12 Peetero ejire aarora abhaanu abho bheekofyanyiisye, ˆnaabhabhwira ati, “Emwe Abhayisirayeeri bheejaasu, mutegeresye, ni kurwa ki emisango ejo ejibharuguusya? Mbawo omuchiringira muno wuti omuunu unu aawosibhwa kwa obhuturo bhweswe, amwi kwa okubha eswe chiikaaye obhurame bhunu Nyamuwanga keenda? 13 Woori Nyamuwanga wa Bhurayimu, Isaaka na Yakobho, niwe Nyamuwanga wa bhasaaja weeswe, aakusya omukosi waaye Yeesu. Yeesu oyo niwe unu emwe ꞉mwateeye mu‑mabhoko ga abhatungi na okumwigaana imbere ya Piraato! Noorwo kutyo Piraato ꞉eendere okumutaatira, emwe ꞉mwaremere. 14 Yeesu aariga ari mweru na omurengeresi, nawe emwe ꞉mwamuremere, nimusabhwa Piraato ati, omwiti asuruumurwe.b 15 Kurwa ejo, ꞉mweetire unu ari bhusimukwa bhwa obhuwanga. Nawe Nyamuwanga ˆnaamusuurura okusooka mu‑bhafuuwe! Eswe chiri bhabhambaasi bha okusuuruka kwaye.
16 “Omumenya kisi omuunu unu omurora anu kutyo aariga aremaaye. Omwene aawosibhwa kwa okwikirisya Yeesu. Risiina rya Yeesu eryo na eriikirisya ku‑mwene, niyo isonga aabhona obhuwanga imbere yeemwe.
17 “Woori abhayiri bhaasu, joone jinu ꞉mwakoreeye Yeesu, emwe na abhakuru bheemwe, nimenyere ati, ꞉mwajikorere mutamenyere. 18 Nawe, ꞉jaakorekeene kutyo korereki Nyamuwanga akuumisye emisango jinu ꞉aaragire okutura ku‑bharagi bhoone ati, Kirisito waaye arinyaasibhwa. 19 Kurwa ejo, mute chimwi ebhibhiibhi bhyemwe na muyindukire Nyamuwanga, korereki abhafwire echigongo. Nikwo kutyo Nyamuwanga aribhasimbiisya emwe, ku‑njira ya okubha ayeeyi na emwe, 20 na arituma Yeesu kw‑imwe. Omwene niwe Kirisito, Omuchungusi unu Nyamuwanga ꞉aamusorere ku‑songa yeemwe okusookerera ku‑bhwambiro. 21 Ni bhusibhusi Yeesu asigare mu‑rwire okukingira omwanya gunu Nyamuwanga arikora ebhiinu bhyone okubha bhiyaaya ku‑chaaro, rwa kutyo ꞉aayikire okusookerera kara okutura ku‑bharagi bhaaye abheeru.
22 “Omuragi Muusa ꞉aayikire ati, ‘Okusooka mu‑bhayiri bheemwe, Raatabhugenyi Nyamuwanga weemwe aribheenamusisya omuragi rwa anye. Mutegeresye kisi bhuri omusango gunu aribhabhwira. 23 Omuunu woonewoone unu ataritegeresya omuragi oyo, arikindikwa akajaanende okusooka ku‑bhaanu bha Nyamuwanga.’c 24 Abharagi bhoone, okwambira ku‑Samweri na abharagi bhanu ꞉bhaaruubhire, ꞉bhaaraasiisye emisango jinu ejikorekana siku jinu. 25 Emwe muri bhaana bha abharagi, omuyaanwa indaganod inu Nyamuwanga ꞉aakorere na bhasaaja waanyu. Nyamuwanga ꞉aaragire Bhurayimu ati, ‘Okutura ku‑muunu wa mu‑rwibhuro rwawo, abhaanu bha mu‑bhyaro bhyone bhariyaanwa ribhando.’e 26 Kurwa ejo, omwanya gunu Nyamuwanga ꞉aasorere omukosi waaye Yeesu, ꞉aamutumire kw‑imwe okwamba, korereki abhayaane amabhando kwa okubhasoosya bhuri muunu mu‑bhibhiibhi bhyaye.”