ꍈꀮꉰꃤꃆꂮꐛꒌ
“ꌋꑳꀊꊆꀋ! ꆏꈀꎭꀕꃅꄻꇬꏆ；
ꑞꃅꆏ，ꑸꇱꆹꀄꊭꊋꁧꇨꑴꌦ，
ꋌꈍꃅꄓꇬꉆꄎꂯ？” ꄷ。
3 ꄚꄉ，ꑳꀊꊆꆏꌤꋌꐘꃆꂮꇬꋍꉪꐨꄻꀱꇈꑠꃅꉉ：
“ꉮꃤꋍꑠꇫꅐꀋꇁꀐ”ꄷ。
ꃆꄔꉮꃤꃆꂮꐛꒌ
“ꌋꑳꀊꊆꀋ！ ꆏꈀꎭꀕꃅꋍꑠꄝꇫꅐꇁꄡꎽ，
ꑞꃅꆏ，ꑸꇱꆹꀄꊭꊋꁧꇨꑴꌦ，
ꋌꈍꃅꄓꇬꉆꄎꂯ？”ꄷ。
6 ꄚꄉ，ꑳꀊꊆꆏꌤꋌꐘꃆꂮꇬꋍꉪꐨꄻꀱꇈꑠꃅꉉ：
“ꉮꃤꋍꑠꇫꅐꀋꀋꇁꀐ”ꄷ。
ꍩꆺꎖꑟꃆꂮꐛꒌ
ꉡꆏꇬꏭ：“ꍩꆺꎖꑟꂷꉢꊌꂿ ”ꄷ。
ꑳꀊꊆꆏꑠꃅꉉ：
“ꇬꉚꄉ！ ꉡꆹꍩꆺꎖꑟꂷꉢꄻꉠꉹꁌꑱꌝꆀꈬꄔꇬ
ꄀꄉꋀꎖꌠꉬ，
ꈍꃅꑌꄻꋀꀋꏆꀐ。
9 ꑱꌒꀭꇐꆦꑝꅉꈧꌠꀋꎪꃅꀜꐡꆿꐡ，
ꑱꌝꆀꌃꎔꆦꑝꅉꈧꌠꀋꎪꃅꈥꅐꀜꅐ；
ꉢꄓꄉꂗꍵꈻꌊꑳꇊꀧꀊꃰꃅꄰꌉꇁꌠꉬ”ꄷ。
ꑸꂷꑝꆹꀊꃀꌦꋋꂷꈹꒀꄉꎭꏭꄐ
‘ꑳꇊꀧꀊꀋꎪꃅꂗꍵꇂꃴꄉꌦ，
ꑱꌝꆀꉹꁌꀋꎪꃅꊿꇱꁮꌊꊨꏦꃅꄷꐞꁧ’ꄷ”ꄷ。
12 ꑠꃅꄉ，ꆦꑝꊿꑸꂷꑝꆏꀊꃀꌦꏭ：“ꆏꊿꑓꂿꋋꂷꁈꒀꄊꃅꄷꁧ，ꀊꄶꇬꋚꎷꋠꁧ，ꀊꄶꇬꄉꌋꅇꄜꁧ； 13 ꆏꀨꄯꆀꄉꌋꅇꄜꀋꉆꀐ，ꑞꃅꆏ，ꄚꇬꆹꃰꃅꏃꃅꌋꏭꇗꅉꃄꅉꈚꌠꇬꐙ，ꃰꃅꑷꂿꂶꌠꑌꇬꐙ”ꄷ。
14 ꀊꃀꌦꆏꑸꂷꑝꏭ：“ꉢꊇꅉꇬꆹꏃꃅꌋꅇꄜꊿꀋꉬ，ꌋꅇꄜꊿꌶꌺꂷꑌꀋꉬ；ꉡꆹꎆꆫꊿꂷ，ꀉꐚꁮꋚꀨꎹꆽꃴꂷ。 15 ꑳꀊꊆꉢꋌꏃꂠꌊꄉ，ꉢꁳꎆꆫꀋꎽꃅ，ꉠꏯ：‘ꆏꌋꅇꄜꉠꉹꁌꑱꌝꆀꊿꇰꒉ’ꉉ。 16 ꑸꂷꑝꀋ！ ꆏꀋꃅꑳꀊꊆꅇꂷꅲꄡꑟ；
ꆏꄹꇬ：‘ꑱꌝꆀꊿꏭꌋꅇꄜꀋꉆ，
ꄜꑱꌒꄰꇰꀋꉆ’ꄷ。
17 ꑠꅹ，ꑳꀊꊆꑠꃅꉉ：
‘ꅽꑮꃀꀋꎪꃅꇁꇓꈓꇬꎲꃷꃆꅿꐛ，
ꅽꌳꃈꅮꀋꎪꃅꂗꍵꇂꃴꌦꌐ，
ꅽꁍꑗꄉꈁꀋꎪꃅꏣꀧꌊꊿꎖꊿꁸꌊꁧ，
ꅽꊨꏦꑴꅉꀋꎪꃅꌦꇩꏤꁧꀋꎴꅉꇬꎍꁧ；
ꑱꌝꆀꉹꁌꑌꀋꎪꃅꊿꇱꁮꌊꋀꊨꏦꃅꄷ
ꐞꁧꌠꉬ’ꄷ”ꄷ。