ꑱꑭꏣꄯꒉ 1

ꑱꑭꏣꄯꒉ

ꑱꑭꏣ/ꊌꂿ/ꌠ/ꐛꒌ

1 ꌕꊰ/ꈎ/ꄹꈎ/ꇖ/ꆪ/ꉬ/ꑍ/ꄹꉇ，ꉢ/ꉹꁌ/ꊿ/ꁮ/ꌊ/ꁧ/ꈧꌠ/ꐊ/ꏦꀠꇓ/ꒊꃀ/ꋮ/ꐺ/ꇬꆏ，ꋋꇅꃅ/ꂿꃅ/ꁉ/ꇁ/ꄉ，ꏃꃅꌋ/ꄷꄉ/ꇁ/ꌠ/ꐛꒌ/ꉢ/ꊌꂿ。 2 ꀊꋨ/ꇅ/ꆹ，ꒀꑸꏢ/ꃰꃅ/ꌞꊿ/ꁮ/ꌊ/ꁧ/ꉬ/ꈎ/ꐛ/ꄹꈎ/ꇖ/ꆪ/ꉬ/ꑍ/ꄹꉇ/ꌠꉬ。 3 ꏦꇍꄂ/ꊿ/ꃅꄷ/ꏦꀠꇓ/ꒊꃀ/ꋮ/ꄉ，ꑳꀊꊆ/ꅇꂷ/ꉈꃅ/ꇁꌊ/ꀯꑭ/ꄰ/ꌺ/ꆦꑝꊿ/ꑱꑭꏣ/ꄷ/ꑟ，ꑳꀊꊆ/ꇇ/ꎇꌊ/ꋍ/ꇭꀧ/ꇬ/ꐛ/ꄉ/ꊋꃤ/ꄻ/ꋌ/ꁳ。

4 ꉢ/ꏮ/ꇬꉚ/ꇬꆏ，ꀊꁣ！ꆲ/ꇨ/ꄲ/ꒈꀑ/ꏭ/ꄉ/ꁏꇁ/ꀐ，ꃅꄂ/ꀉꒉ/ꑠ/ꌅ/ꃆꄔ/ꐞ/ꇈ/ꀊꈫꀊꇋ/ꃅ/ꏁꇅꁤꇅꒉ/ꃅ/ꇫ/ꅐꇁ，ꃆꄔ/ꈬꄔ/ꆏ/ꎸꅍ/ꏁꌬꀕ/ꑠ/ꌡ； 5 ꃆꄔ/ꈬꄔ/ꇬ/ꆏ/ꇘꇙ/ꇖ/ꂷ/ꐛꐪ/ꇫ/ꅐꇁ，ꋀ/ꇴꉻ/ꆹ/ꊿ/ꌟ， 6 ꇘꇙ/ꋍ/ꂷ/ꋑꀋꋒ/ꈁꑓ/ꇖ/ꂷ/ꌋꆀ/ꅐ/ꇖ/ꁆ/ꅑ/ꌐ。 7 ꋀ/ꑭꆹ/ꆏ/ꎃꎿ/ꃅ/ꐙ，ꑭꁆ/ꆏ/ꇂꇤ/ꌺ/ꑭꁖ/ꌡ，ꐯꇯ/ꏁꐥꀕ/ꃅ/ꏠ/ꄉ/ꌠ/ꐯ/ꑠ/ꌡ。 8 ꇖ/ꁆ/ꏯ/ꅑ/ꌠ/ꅐ/ꈧꌠ/ꇂꃴ/ꆏ/ꊿ/ꇇ/ꅑ/ꌐ。ꇘꇙ/ꇖ/ꂷ/ꌠ/ꈁꑓ/ꌋꆀ/ꅏꅐ/ꆹ/ꑠꃅ/ꐙ： 9 ꅐ/ꈧꌠ/ꆏ/ꐯꅑ/ꐯꊩ/ꎍ，ꈛꎼ/ꐺ/ꇬ/ꆽꈪ/ꄻ/ꀋ/ꅐ，ꈀꄸꑌ/ꊒꆽꃅ/ꁨꏭ/ꉜ/ꄉ/ꈛꎼ。 10 ꇘꇙ/ꈁꑓ/ꐛꐪ/ꆏ： ꇘꇙ/ꇖ/ꂷ/ꌠ/ꋍ/ꂷ/ꋑꀋꋒ/ꊿ/ꈁꑓ/ꅑ，ꇀꑳ/ꁆꏯ/ꆏ/ꆿꅪ/ꈁꑓ/ꅑ，ꇀꃼ/ꁆꏯ/ꆏ/ꇂꁮ/ꈁꑓ/ꅑ，ꉈꑴ/ꆏ/ꏨꆉ/ꈁꑓ/ꑌ/ꅑ； 11 ꋀ/ꈁꑓ/ꆹ/ꑠꃅ/ꐙ。ꋀ/ꅐ/ꆹ/ꍔ/ꀍꉀ/ꏭ/ꉜꄉ，ꇘꇙ/ꋍ/ꂷ/ꋑꀋꋒ/ꅐ/ꑍ/ꁆ/ꍔ/ꐯꊩ/ꄉ，ꅐ/ꀉꁁ/ꑍ/ꁆ/ꌠ/ꆏ/ꍔ/ꇭꀧ/ꇬ/ꉱ/ꄉ。 12 ꋀ/ꈀꄸꑌ/ꊒꆽ/ꃅ/ꁨꏭ/ꉜꄉ/ꁧ。ꒌ/ꂶꌠ/ꈍꏯ/ꉜꄉ/ꁦ/ꆏ，ꋀꊇ/ꑌ/ꈍꏯ/ꉜꄉ/ꁧ，ꇫ/ꐺ/ꇬ/ꆽꈪ/ꄻ/ꀋ/ꅐ。 13 ꇘꇙ/ꇖ/ꂷ/ꌠ/ꐛꃆꐛꂮ/ꆏ，ꏃꎎ/ꃆꄔ/ꐞ/ꑠ/ꌡ，ꉈꑴ/ꆏ/ꄔꊏ/ꑌ/ꌡ。ꃆꄔ/ꉐꆂ/ꑠ/ꇘꇙ/ꇖ/ꂷ/ꌠ/ꈬꄔ/ꄉ/ꀱꒊꀱꇁ/ꃅ/ꇙꈧ/ꐺ，ꃆꄔ/ꁨꑭ/ꁤꇅꀕ，ꃅꊭ/ꆗꐥꀕ。 14 ꇘꇙ/ꋋꈨ/ꀱꒊꀱꇁ/ꃅ/ꇫ/ꐺ/ꇬ/ꃅꊭ/ꆗ/ꌠ/ꌡ。

15 ꉢ/ꏮ/ꇘꇙ/ꋋꈨ/ꉜꇬ/ꆏ，ꀊꁣ！ꇘꇙ/ꋍ/ꂷ/ꋑꀋꋒ/ꏢꁮ/ꏭ/ꆏ/ꏮꇉ/ꂷ/ꃄꅉ/ꇬ/ꊫ/ꎍ/ꌐ。 16 ꏮꇉ/ꇖ/ꂷ/ꌠ/ꐛꇴꐛꉻ/ꐯꌟ/ꌐ，ꏮꇉ/ꈐꏭ/ꏮꇉ/ꊐ/ꄉ/ꌠ/ꌡ，ꏁꇅꁤꇅꒉ/ꌠ/ꇓ/ꃴꍗꀕ/ꁌꇐꈤ/ꑠ/ꌡ。 17 ꏮꇉ/ꈧꌠ/ꂃ/ꐺ/ꄮꇬ，ꇖ/ꁁꏯ/ꌠ/ꑞ/ꁆ/ꏯ/ꉜꄉ/ꁦ/ꑌ/ꉆ，ꆽꈪ/ꄻ/ꀋ/ꅐ。 18 ꏮꇉ/ꇴꉻ/ꆹ/ꀊꂥ/ꄉ/ꊽ/ꃪꉬ/ꏭ/ꃅ/ꐙ，ꏮꇉ/ꈧꌠ/ꇬꆏ/ꑓꋪ/ꐛꃅ/ꅑ/ꌐ。 19 ꇘꇙ/ꈧꌠ/ꇫ/ꐺ/ꑲꆏ，ꏮꇉ/ꈧꌠ/ꑌ/ꏢꁮ/ꄉ/ꏮ/ꐺ；ꇘꇙ/ꈧꌠ/ꃄꅉ/ꇬꄉ/ꃰ/ꀍꉀ/ꆹ/ꑲꆏ，ꏮꇉ/ꈧꌠ/ꑌ/ꃰ/ꀍꉀ/ꆹ。 20 ꒌ/ꂶꌠ/ꈍꏯ/ꉜꄉ/ꁦ/ꆏ，ꇘꇙ/ꈧꌠ/ꑌ/ꈍꏯ/ꉜꄉ/ꁧ；ꏮꇉ/ꈧꌠ/ꇘꇙ/ꏢꁮ/ꄉ/ꃰ/ꀍꉀ/ꆹ，ꑞꃅꆏ，ꇘꇙ/ꈧꌠ/ꒌ/ꆹ/ꏮꇉ/ꈐꏭ/ꀀ。 21 ꇘꇙ/ꈧꌠ/ꇫ/ꐺ/ꑲꆏ，ꏮꇉ/ꈧꌠ/ꑌ/ꏮ/ꐺ；ꇘꇙ/ꇬ/ꉆ/ꑲꆏ，ꏮꇉ/ꑌ/ꆏ/ꇬ/ꉆ；ꇘꇙ/ꃄꅉ/ꄉ/ꃰ/ꀍꉀ/ꆹ/ꑲꆏ，ꏮꇉ/ꈧꌠ/ꑌ/ꏢꁮ/ꏭ/ꄉ/ꃰ/ꀍꉀ/ꆹ，ꑞꃅꆏ，ꇘꇙ/ꈧꌠ/ꒌ/ꆹ/ꏮꇉ/ꈐꏭ/ꀀ。

22 ꇘꇙ/ꈧꌠ/ꀂꏾ/ꄩ/ꆏ/ꃅꑆ/ꁬ/ꌡ，ꀋꇊ/ꆏ/ꇓꋤꀕ/ꏁꇅꁤꇅꒉ/ꊽ/ꃪꉬ/ꑠ/ꌡ，ꍔ/ꇘꇙ/ꈧꌠ/ꀂꏾ/ꄩ/ꄀ/ꄉ。 23 ꃅꑆ/ꁬ/ꌠ/ꇂꃴ/ꆏ，ꇘꇙ/ꈧꌠ/ꅐ/ꍔ/ꊒꆽꀕ/ꃅ/ꐯꊩ/ꄉ；ꇘꇙ/ꋍ/ꂷ/ꋑꀋꋒ/ꅐ/ꑍ/ꁆ/ꆏ/ꌌ/ꊨꏦ/ꇭꀧ/ꉱ/ꄉ。 24 ꇘꇙ/ꈧꌠ/ꇫ/ꐹ/ꄮꇬ，ꅐ/ꈧꌠ/ꃚꋒ/ꒈꂃꄓ/ꌠ/ꌟꃅ/ꑠ/ꉢ/ꊌ/ꈨ，ꀋꄐꅍꀋꐥ/ꂶꌠ/ꃚꋒ/ꑌ/ꌡ，ꉈꑴ/ꂽꑼ/ꇳꃚꉓꃚ/ꈨ/ꑌ/ꌡ。ꇘꇙ/ꈧꌠ/ꇬ/ꉆ/ꄮꇬꆏ，ꅐ/ꈎ/ꀁꋌ/ꄉ。 25 ꋀ/ꀂꏾ/ꄩ/ꃅꑆ/ꁬ/ꌠ/ꇬ/ꃚꋒ/ꇫ/ꈌ/ꐚ；ꋀꊇ/ꀋꇙꀋꑐ/ꃅ/ꇬ/ꉆ/ꄮꇬ/ꆏ，ꅐ/ꈎ/ꀁꋌ/ꄉ。

26 ꋀ/ꀂꏾ/ꄩ/ꃅꑆ/ꁬ/ꌠ/ꄩ/ꆏ，ꃰꃅ/ꑋꅉ/ꇓꃴ/ꁌꇐꈤ/ꌠ/ꌡ/ꑠ/ꂷ/ꐛ；ꃰꃅ/ꑋꅉ/ꂶꌠ/ꄩ/ꆏ，ꊾ/ꂷ/ꌡ/ꑠ/ꂷ/ꇫ/ꑌ。 27 ꉢ/ꊌꂿ/ꇬ，ꋍ/ꐧꀠ/ꈍꉐ/ꆏ，ꎸꅍ/ꃚ/ꄉ/ꅩꇉꀕ/ꌠ/ꌡ，ꀊꈫꀊꇋ/ꃆꄔ/ꇊ/ꄉ/ꌠ/ꌡ；ꋍ/ꐧꀠ/ꈍꐯ/ꆏ，ꃆꄔ/ꉐꆂ/ꌡ，ꀊꈫꀊꇋ/ꏁꇅꁤꇅꒉ。 28 ꂷꉐ/ꐛ/ꄮꇬ，ꃅꄂ/ꇬ/ꃅꃴ/ꌊꌋ/ꈍꃅ/ꐙ/ꆏ，ꋍ/ꀊꈫꀊꇋ/ꑌ/ꑠꃅ/ꏁꇅꁤꇅꒉ。

ꋍ/ꑠꆹ/ꑳꀊꊆ/ꀑꒉꑊꒉ/ꌠ/ꐛꇴꐛꉻ/ꉬ/ꀐ。ꋍ/ꑠ/ꉢ/ꊌꂿ/ꄷꌦꆏ，ꉢ/ꇇꑭꃃꇵꀕ/ꃄꅉ/ꇬ/ꀀ，ꋍ/ꈭꐨ/ꆏ，ꋍ/ꂷ/ꁱꐭ/ꌠ/ꃚꋒ/ꉢ/ꊌ/ꈨ。