2 Kòríntì ŋa 3

Kpɔ́lù dzɛ́ àtsìtsɛ́-Kírísítò fú Ìmɔ̀lɛ̀-ìkã́ã̀nyì

Báàyí#ɛ́ fee, è ɖédzú àwa ká-wa ní sɛ̃̀ bɛ ara-wa wá#á ró niì? Nàmí ó bèrè ní àa kó gba ìwé-àyídzá wá fú ŋɛ́? Nàmí ó bèrè ní e fú wa ńnɛ̀ ni? Ɛ̃ɛ̃, ó bèrè ní ɔ̀nyà kã̀ŋa òŋu ká banɛ́‐ɛ̀. Ó ɖi, kò tsi àwa ni. 2 Fee, ɛ̀ŋɛ ní dzɛ́ ìwé-àyídzá-wa#á. Ìwé#ɛ́, à kɔɔ́ si ńnɔ́-wa si, tsí ɔ̀nyà kpó nákó nyáa màá, tsí nyáa kã̀ã́ gbo. 3 Ɛ̃ɛ̃, ó nyà ɖíre gãgã ní è dzɛ́ ìwé-kã̀ yèé Kírísítò òŋu ká‐ɛ̀ tse bɔwɔ́-wa ní àa kó ń tsitsɛ́-wa#á. Ìwé#ɛ́, kò tsi omi-kã̀ yèé à náa lò, tsí ń kɔ iŋɛ́#ɛ́ ní à lò, tsí ń tseé#ɛ́. Mímí-Ɔ̀ɖáyé Oláàyɛ̀ ni. Tsí kò sì tsi ńǹtá-òkúta kpɛ́nlɛ́ kpɛ́nlɛ́ ŋa gbo ní à kɔ afɔ̀ ŋa#á si#ɛ́. Ńnɔ́-ɔ̀nyà ni, ńnɔ́-ŋɛ́ ŋa ni.^*

4 Àa karalé nyɛ̀ŋɛ̀ òŋu si ńǹtá-Ɔ̀ɖáyé gbà ńǹtá-Kírísítò. 5 Ó ɖi fee, kò tsi ní àa wà fɔ̀ ní àwa ká-wa ní wà tsitsɛ́ ɔ̀tɔ yèé bɛ́ nɔ́wɔ́-ara-wa#á. Ɔ̀ɖáyé ní wà tse tsí àa nyáa wà tse iŋɛ́ yèé àa wà tse ŋa#á. 6 Òŋu ní tse gbo, tsí àa nyáa dzɛ́ àtsìtsɛ́-ìmɔ̀lɛ̀ titɔ̃#ɛ́. Ìmɔ̀lɛ̀#ɛ́, kò ti ńnɔ́-ɛkpa yèé à kɔ si#ɛ́. Ńɖi-Mímí-Ɔ̀ɖáyé ní ó ti#ɛ́. Iŋɛ́ yèé tse#ɛ́, ɛkpa yèé à kɔ si#ɛ́ náa kpanɛ. Ó ɖi, Mímí-Ɔ̀ɖáyé† òŋu náa fúnɛ náàyɛ̀.

7 Ɔ̀ɖáyé kɔ ɛkpa‐ɛ̀ si ńǹtá-òkúta kpɛ́nlɛ́ kpɛ́nlɛ́ ŋa, tsí kpe Mɔ̀ɔ́sè†, tsí fɔ̀ fúu ní kó dzɛ́ àtsìtsɛ́-ɛkpa#á. Tsí ɛkpa nyɛ̀ŋɛ̀#ɛ́ wà fa ikú wá fú ɔ̀nyà ŋa. Náàsòkò yèé Ɔ̀ɖáyé tse bɛ́ɛ̀#ɛ́, ó nya iyì‐ɛ̀ ɖíre kpó yòɖòɖòò. Tsí àtɛ̀dzú-Mɔ̀ɔ́sè wà kɔ màrã̀màrã̀ títí ɔma-Ìsàràyɛ́lì† ŋa kò nyáa módzú taá, tsí wòó kokoko náàtsùgbé-iyì#ɛ́. Tsí iyì#ɛ́ náa sì wáa kũ ɖí ŋa.^* Tsí bí ɛkpa-Ɔ̀ɖáyé† yèé itsɛ́‐ɛ̀ ní dzɛ́ ní kó fa ikú wá fúnɛ#ɛ́ wá òŋu iyì lákṹ nyɛ̀ŋɛ̀ fe, 8 iyì-itsɛ́-Mímí-Ɔ̀ɖáyé òŋu kò ɖi ɛbɔɔ̀? 9 Nóòtítɔ́#ɛ́, bí ó dzɛ́ ní itsɛ́ yèé náa fa àbi ɖíɖá fú ɔ̀nyà ŋa wá#á, ó wá òŋu iyì#ɛ́, ni itsɛ́ yèé náa tse tsí ɔ̀nyà ŋa náa ɖi ɔ̀nyà-atsòtítɔ́ nódzú-Ɔ̀ɖáyé òŋu#ɛ́, iyì tɛ̀ɛ̀ kò nɛ́ fífɔ̀ ró ńnɛ̀ɛ́. 10 Bí à mú iyì ti dzɔ̀ɔ́ dzɔ̀ɔ́, tsí ń ɖé bá iyì ti báàyí#ɛ́, à nákó nyáa fɔ̀ ní iyì ti dzɔ̀ɔ́ dzɔ̀ɔ́#ɛ́ kò tì yòɖòɖòò, iŋɛ́ yèé tse#ɛ́, iyì ti báàyí kò tì nɛ́ ká ń sàwé. 11 Fee, arũ-ìmɔ̀lɛ̀ ti dzɔ̀ɔ́ dzɔ̀ɔ́ nákó wáa kũ. Ó ɖi, ti báàyí òŋu wà si làkóò làkóò. Tsí bí iŋɛ́ yèé arũ‐ɛ̀ nákó wáa kũ#ɛ́ wá òŋu iyì#ɛ́, iyì ti iŋɛ́ yèé wà si làkóò làkóò òŋu#ɛ́ kò nɛ́ fífɔ̀ ró ńnɛ̀ɛ́.

12 Ńbɛ̀ɛ́, ńǹrɔ́-kíbí àa módzú si nɔ́ɔ̀nà si tó gbà#á, ɛ̀ɖɔ̃̀ kò tì wà ɖá wa gìɖì ɖã́wò, tsí àa wà ńkɔ̀ ɖíɖɔ̃̀#ɛ́ dzídzɛ́ si. 13 Àwa òŋu, àa kò dzɛ́ Mɔ̀ɔ́sè. Mɔ̀ɔ́sè mú atsɔ-kã̀, tsí ń bo odzú, àtsùgbée ɔma-Ìsàràyɛ́lì ŋa kó máa módzú ta iŋɛ́ yèé arũ‐ɛ̀ nákó wáa kũ#ɛ́. 14 Ó ɖi, ìsérè-ŋa kò tsí si gé ni. Tsí títí wáa fú ɔdzɔ́-òníbɛ́#ɛ́, bí à wà kã Ìwé-Ìmɔ̀lɛ̀-Àtsɛ̃̀tsɛ̃̀†#ɛ́, náa wà kíbí atsɔ-kã̀ bo odzú-ŋa si gé ni. Atsɔ#ɛ́ kò nyà ǹɖe, iŋɛ́ yèé tse#ɛ́, ɛnɛ yèé Kírísítò tse ɔ̀kã̀ntso bá#á gé ní náa nyà ǹɖe nódzú fú#ɛ́. 15 Ɛ̃ɛ̃, nɔ́mbɛ́ gìɖì ró#ɛ́, bí ó dzɛ́ ní à wà kã ɛkpa-Mɔ̀ɔ́sè ŋa#á, ìsérè-ŋa kà tsí si gé ni. Ó wà kíbí atsɔ-kã̀ bo ìsérè-ŋa si bɛ́ yí. 16 Ó ɖi, bí ɔ̀nyà-kã̀ nyí wá ńɖi-Ɔlɔ́dzɔ́ gé ní atsɔ#ɛ́ náa nyà ǹɖe nódzú fúu#ɛ́.^* 17 Tsí Ɔlɔ́dzɔ́ yèé à kóko wà bá fɔ̀ bí#ɛ́, Mímí-Ɔ̀ɖáyé ni, tsí ńbí Mímí-Ɔ̀ɖáyé wà#á, ńbɛ̀ ní ayè wà#á. 18 Atsɔ nyà ǹɖe nódzú fú àwa kpó, tsí àa wà wo iyì-Ɔlɔ́dzɔ́ kokoko kíbí à náa rí iŋɛ́ náwò#ɛ́. Ɔlɔ́dzɔ́, ɛnɛ yèé dzɛ́ Mímí-Ɔ̀ɖáyé#ɛ́, ó tse tsí àa kpàrɔ̀, tsí wà kíbí òŋu ká‐ɛ̀ wà gbà tútútú#ɛ́ bɛ́, tsí iyì‐ɛ̀ yèé wà ńǹtá-wa si#ɛ́ wà lákṹ máa làkóò làkóò.