Gàlátì ŋa i

Ìwé fú ɛnɛ-Gàlátì ŋa

Ìwé fú ɛnɛ-Gàlátì ŋa nyínyà ɖíre

Kpɔ́lù wà kɔ ìwé yèé bɛ́ fú ɛgbɛ́-Kírísítò yèé ŋa wà nérè-Gàlátì ńlɛ̀-Àsíyà#á. (Nɔ́mbɛ́ báàyí#ɛ́, à náa kpe erè#ɛ́ ní Tùríkì). Òŋu ká‐ɛ̀ ní dzíkɔ̀ ɖíɖɔ̃̀ fú ɔ̀nyà ŋa bɛ̀#ɛ́, tsí ɛnɛ yèé dzɛ́ ɔma-Ìyúɖà gbo, ɛnɛ yèé kò dzɛ́ ɔma-Ìyúɖà gbo, à gba Yèésù Kírísítò gbɔ́, tsí ɖi olí-Yèésù ŋa.

Ńbɛ̀ɛ́, ɔma-Ìyúɖà kã̀ŋa wáa wɔ̀ náàŋírĩ-ɛgbɛ́-Kírísítò yèé ŋa wà nérè-bɛ̀#ɛ́, tsí waà tsɛ̀kɔ́-òɖòbò fú ŋa. À náa wà le oŋù si ńnɛ̀ kũkũ, tsí wà fɔ̀ ní ó wà ní olí-Yèésù yèé ŋa kò dzɛ́ ɔma-Ìyúɖà ŋa#á ká wà tse si ńǹtá-ɛkpa-Mɔ̀ɔ́sè, tsí wà tsorò-ɔma-Ìyúɖà ŋa gbo. Tsí yèé kpã́dzú#ɛ́, ó wà ní ká wà ɖákó kíbí ó wà nórò-ɔma-Ìyúɖà ŋa#á, tsí Ɔ̀ɖáyé kó gbà ŋá nɔ́ɔ̀nyà-atsòtítɔ́ nódzú-ara‐ɛ̀.

Náàtsùgbée bɛ́ɛ̀ ní Kpɔ́lù kɔ ìwé yèé bɛ́ fú ŋa, tsí wà ń nyà ɖíre fú ŋa ní ɛnɛ yèé nɛ́ àkaralé si ńǹtá-Yèésù Kírísítò gé#ɛ́ ní Ɔ̀ɖáyé náa gbà nɔ́ɔ̀nyà-atsòtítɔ́ nódzú-ara‐ɛ̀#ɛ́. Ó ɖi, kò tsi afɔ̀-ká múgírí, tsí wà tse si ńǹtá-ɛkpa-Mɔ̀ɔ́sè òŋu orò-ɔma-Ìyúɖà ŋa ni. Afɔ̀-ká kɔ ara-ŋa dzɔ̀ɔ́ fú Mímí-Ɔ̀ɖáyé, tsí kó wà gbɛ̃́ ŋa ni.