Yoqsel e houldailhael'ae byel hhei biq e milcaeq
16
Yoqsel e houldailhael suqhhaq o maellye hhamul hhei biq e milcaeqhael laoq, Ye'lilge e Yoqdanl Lolbaeq vae niqli myel ae'lye mael, Ye'lilge e neeldu aelheiq boq e lolbaeq mael bian'gail geiq hhae, kaol diqsheelleeldye vae gol yil, kaol Ye'lilge vae lye da'li, kaol Boqtellil geeqzhoq naeq e milcaeq vae keellye hhae; 2 Kaol Boqtellil ae'lye mael Lulsi vae yol keel, kaol Yalji cholyaeq e bian'gail vae gol yil, kaol Yaldallul vae keellye hhae; 3 Kaol neelgae aelheiq boq'ae duyil, kaol Ya'liltiq cholyaeq e bian'gail vae gae keel hhae, kaol Aq'oq Boqheqlunq e bian'gail vae keel, kaol Jisel vae keel, kaol eeldeel deelmae keellye maol keel hhae. 4 Yoqsel e yaqyo Maqnaqxi'ae, kaol Yiqfaqlianq'ae zaeqdye halngeiq hhamul hhei biq vae.Yiqfaqlianq'ae byel hhei biq e milcaeq
5 Yiqfaqlianq e houldailhael e miljyel, zonglyaeq laoqmyel hhamul mael laoq sa'oqboqhael'ae: Yoqhhaeteel e zaeqdye halngeiq e neeldu aelheiq boq e miljyel mael laoq, Yaldallul Yaldaq ae'lye mael Aq'taq Boqheqlunq vae keel hhae, 6 Miljyel xilmael eeldeel deelmae vae maol keel hhae. Beqbian boq e miljyel xilmael laoq, Milmiqta ae'lye mael neeldu aelheiq boq'ae Ta'nal Shilloq vae hhe keelyil hhae, kaol Yaqnoqha e neeldu aelheiq boq'ae yol gol yil, 7 Yaqnoqha ae'lye mael Yaldallul kaol Naqla vae gae keel, kaol Ye'lilge vae yol keel, kaol Yoqdanl Lolbaeq vae keellye keel hhae. 8 Miljyel xilmael Tapuqyal ae'lye mael Ja'naq lolbaeq cho'lomyel neelgae aelheiq boq'ae maoldu keel, kaol eeldeel deelmae vae keellye maol keel hhae. Xilmael laoq Yiqfaqlianq zhipail zonglyaeq laoqmyel hhamul hhei biq e zaeqdye halngeiq mael ngeelvae. 9 Maqnaqxi cholyaeq e zaeqdye halngeiq e milmae heeqmyelhael, kaol milmae heeqmyel xihael hhae lye e pusiqhael onglci vae lye, Yiqfaqlianq e houldailhael'ae milmae heeqmyel mael eiq teel taeq deelhhei biq'ae. 10 Ngeelfeiq, yoqhhaeteel laoq Jisel vae zhol e Ja'nanq cholyaeq yaol maeq lyeqdu biq'ae. Kaol Ja'nanq cholyaeqhael Yiqfaqlianq cholyaeqhael onglci vae zhol, kaol duqhee'lye aeqhael mulzaeq e yaqhacheqzaq e cholyaeq peqyil vae, yaeqnao keellye xilnye hhae.