Momil Yiqsellyel cholyaeq'ae jiul laeqngeel lye gee biq
6
Yeheqhuaq Moxi'ae gee biq: "Yaeqmeel nol laoq ngael Faqlaoq'ae haelzongl biq mael aeqdilmyel hhae mol'ae. Yoqhhaeq ngaeq e zhee onglzaeq e aqlaq maellye Yiqsellyel cholyaeqhael yaol bi deel hhei, kaol ngaeq e zhee onglzaeq e aqlaq maellye yoqhhaeteel yaol yoqhhaeq e milcaeq ae'lye lyeqdu biq." 2 Momil Moxi'ae moqheilheil biq, kaol yoqhhaeq'ae gee biq: "Ngael laoq Yeheqhuaq lil." 3 Ngael yilkaefu laoq Yalboqlahanl, Yiqsaq, Yaqgel'ae hhael'onglzaeq zaeqli Momil lil lye bi mol aeqwae; ngaeq e cholmil mael Yeheqhuaq'ae lye ngael yoqhhaeteel'ae maeq biq loq yil. 4 Ngael eiq yoqhhaeteel nyegael ngaeq e geemeeq deelhhei mael geemeeq deelhhei aeqwae, kaol yoqhhaeteel baelzhol gol e Ja'nanq milcaeq mael yoqhhaeteel'ae biq hhei biq maoq. 5 Ngael laoq Yiqsellyel cholyaeqhael Aijiq cholyaeqhael yoqhhaeteel'ae mulhhael maq mul maeq hhaeq myel bi mul gae'lye gyuq e yotyel mael gaeq wae, kaol ngael ngaeq e geemeeq deelhhei mael nyuq tullaeq laeq'ae. 6 Tyulkaol, nol Yiqsellyel cholyaeqhael'ae gee biq: 'Ngael laoq Yeheqhuaq lil, ngael laoq Aijiq cholyaeq lye noteel'ae chengdyeqlye aeq'yel baqda hhei biq mael baqtael maoqlye lil, kaol noteel yaol yoqhhaeteel e duqhee'lye mulhhael ae'lye jiul du hhei. Ngael tyuqdu hhei e laeqdu, kaol Aijiq cholyaeqhael'ae guaeq'ei chenqfaq biq ae'lye noteel yaol jiul duyi maoq. 7 Ngael laoq noteel yaol ngaeq e cholyaeq bi geiq maoq, ngael eiq noteel e Momil geiq maoq. Ngael laoq Aijiq cholyaeq lye noteel'ae chengdyeqlye aeq'yel baqda hhei biq mael baqtael maoqlye lil, kaol noteel ngael laoq noteel e Momil Yeheqhuaq'ae lye loq wae. 8 Ngael aqlaq baqqei hheikaol Yalboqlahanl, Yiqsaq, Yaqgel'ae biq laqngeel lye faqsilkei gol biq e milcaeq vae, ngael aeqdilmyel noteel yaol sheeq do'li maoq, kaol milcaeq tyulmael noteel'ae haeqfu eiq hhamul e milcaeq geiq lye biq laqngeel. Ngael laoq Yeheqhuaq lil.'" 9 Moxi lye saeziq xilmael Yiqsellyel cholyaeqhael'ae geegaeq hhei biq, ngeelfeiq, yoqhhaeteel laoq neemae onglci'ae zhee nyuqsaeq biq, kaol duqhee'lye mulhhael mul gae'lye Moxi e saeziq mael maeq naelhaeq biq. 10 Yeheqhuaq Moxi'ae moqheilheil biq, gee: 11 "Nol Aijiq zongmae Faqlaoq'ae geegaeq yil biq, kaol Yiqsellyel cholyaeqhael yaol yoqhhaeq e milcaeq ae'lye bi deelsae hhei." 12 Moxi Yeheqhuaq e yiqsi'ae gee: "Fu hhei, Yiqsellyel cholyaeqhael ngaeq e saeziq mael dyel'eiq maeq naelhaeq nae myel, Faqlaoq haelmillyekaol ngael myeqbongq maq dyeq e cholyaeq e saeziq mael naelhaeq nae laeq?" 13 Yeheqhuaq laoq Moxi kaol Yallunq'ae gee biq, yoqhhaeteel vae Yiqsellyel cholyaeq kaol Aijiq zongmae Faqlaoq e tyuqvae yil, kaol Yiqsellyel cholyaeqhael yaol Aijiq ae'lye sheeq duyi lye minllinl gil biq hhae.Moxi kaol Yallunq e pyuqcheq
14 Yiqsellyel cholyaeq e minqcuq e yoheeq e cholmil mael sa'oqboqhael'ae: Yiqsellyel e fuqbo yaqyo Liuqbenq e yaqyohael laoq Ha'nol, Faqlul, Xisi'lunq, Jamiq'ae; xihael laoq Liuqbenq e jacuq'ae. 15 Ximianq e yaqyohael laoq Yemqlil, Yaqminq, Axaq, Yaqjin, Soqxaq kaol Ja'nanq yaeqmiq lye bo hhei e yaqyo Saoqloq'ae; xihael laoq Ximianq e jacuq'ae. 16 Sa'oqboqhael laoq pyuqcheq'ae lye gee'li'laol Lilveil e yaqyohael e cholmil mael laoq xihael'ae: Geqshunl, Gexaq kaol Miqla'lil'ae. Lilveil e qiqyil laoq qiqhael suqqyel siq hoq'ae. 17 Geqshunl e yaqyohael jacuq'ae lye gee'li'laol Lilniq kaol Shilmeiq'ae. 18 Gexaq e yaqyohael laoq Anllanq, Yiqsiha, Xiboqlunq kaol Vuxo'ae. Gexaq e qiqyil laoq qiqhael suqqyel suq (133) hoq'ae. 19 Miqla'lil e yaqyohael laoq Moqlil kaol Mqshil'ae; xilmael laoq pyuqcheq laoqmyel cuga deelhhei e Lilveil e jacuq'ae. 20 Anllanq laoq aeqyoq e aeqdae e dulmae Yoqjibyeq yaol haeqmiq sheeqzaeq hhei hhae; kaol yoqhhaeq lye Anllanq'ae Yallunq kaol Moxi yaol bo hhei biq'ae. Anllanq e qiqyil laoq qiqhael suqqyel siq (137) hoq'ae. 21 Yiqsiha e yaqyohael laoq Keqla, Niqfei kaol Xilji'lil'ae. 22 Vuxo e yaqyohael laoq Miqsha'lil, Yiqlilsaqfanq kaol Xitiqlil'ae. 23 Yallunq laoq Yalmiqnaqdaq e yaeqmiq, Naqshunl e dulmae Yiqlilshaba yaol haeqmiq sheeqzaeq hhei; kaol yoqhhaeq lye Naqshunl'ae Naqdaq, Yalbiqhul, Yiqlilyalsaq kaol Yiqtamaq yaol bo hhei biq hhae. 24 Keqla e yaqyohael laoq Yalxi, Yiqlilja'naq kaol Yalbiqyalsaq'ae; xilmael laoq Keqla e jacuq'ae. 25 Yallunq e yaqyo Yiqlilyalsaq laoq Puqtyeq e yaeqmiq qiq hhaeq yaol haeqmiq sheeqzaeq hhei; kaol yoqhhaeq lye Yiqlilyalsaq'ae Fei'niqha yaol bo hhei biq. Xihael laoq jacuq laoqmyel cuga deelhhei e Lilveil cholyaeq e minqcuq e yoheeqhael'ae. 26 Yeheqhuaq laoq Yallunq kaol Moxi xi niq nulhhaeq'ae gee gol biq: "Yiqsellyel cholyaeqhael yaol junduil laoqmyel Aijiq milcaeq ae'lye sheeq duyi biq maoqhhae", 27 Aijiq zongmae Faqlaoq'ae Yiqsellyel cholyaeq yaol Aijiq ae'lye sheeq duyi biq maoqlye gee biq mael eiq Moxi kaol Yallunq xi niq nulhhaeq vae ngeelvae.
Moxi kaol Yallunq Faqlaoq'ae mol yil
28 Yeheqhuaq Aijiq milcaeq ae'lye Moxi'ae saeziq gee biq fu, 29 Yeheqhuaq Moxi'ae gee biq: "Ngael laoq Yeheqhuaq lil; ngael noq'ae haelgee biq e saeziqhael, nol gilzuqmyel Aijiq zongmae Faqlaoq'ae geegaeq hhei biq maoqhhae." 30 Moxi Yeheqhuaq e yiqsi'ae gee: "Fu hhei, ngael laoq myeqbongq maq dyeq e cholyaeq lil, Faqlaoq haelmillyekaol ngaeq'ae naelhaeq nae laeq?"