Yiqsaoq e houldailhael
Dailshangl 1:34-37
36
Sa'oqboqhael laoq Yiqsaoq e houldailhael'ae. Yiqsaoq'ae Yiqdong lye eiq gul biq hhae.2 Yiqsaoq laoq Ja'nanq milcaeq e yaeqmiyaeqhael onglci'ae, Hel cholyaeq Yiqlunq e yaeqmiq Yaldal, kaol Xiveil cholyaeq Jilbianl e yuqmae, Yalnaq e yaeqmiq Aheqlilbamaq yaol haeqmiq sheeqzaeq hhei vae, 3 Yiqshiqmaqlil e yaeqmiq, Niqbailyoq e dulmae Bashiqmoq yaol eiq sheeqzaeq hhei vae. 4 Yaldal lye Yiqsaoq'ae Yiqlilfaq yaol bo hhei biq hhae; Bashiqmoq lye eiq Liuq'eq yaol bo hhei biq. 5 Aheqlilbamaq lye Yevushi, Yaqlanq kaol Keqla yaol bo hhei biq. Xihael gilzuqmyel Yiqsaoq e yaqyohael'ae, Ja'nanq milcaeq vae lye dyeqlal hhae. 6 Yiqsaoq yoqhhaeq e haeqmiqhael, yaeqmiq yaqyohael kaol laoqhaol vae haelzhol cholyaeqhael, kaol jyeqyaeqhael sheeq hhei, kaol yoqhhaeq Ja'nanq ae'lye hael hhae'lael biq e halza e jadanglhael heil hhei, kaol yoqhhaeq e aeqnil Yaqgel zaellye deelsae hheikaol baeqjyelboq e milcaeq vae yil vae. 7 Yoqhhaeteel'ae halza haelzholhael naeq li aeqkaol, qiqgael maeq hhae zhol gaeyil vae. Yoqhhaeteel'ae jyeqyaeqhael eiq naeq li gae'lye, yoqhhaeteel baelzhol e milcaeq vae jyeqyaeqhael maq gazaeq dyel vae. 8 Tyulkaol, Yiqsaoq laoq Xi'eq Geeqzhoq vae zhol, Yiqsaoq'ae Yiqdong lye eiq gul biq hhae. 9 Sa'oqboqhael laoq, Xi'eq Geeqzhoq vae zhol e Yiqdong cholyaeq e aeqpyuq aeqdae Yiqsaoq e houldailhael e cholmil cuga deelhhei mael.
10 Xihael laoq Yiqsaoq e yaqyohael e cholmil mael'ae: Yiqlilfaq laoq Yiqsaoq e haeqmiq Yaldal e yaqyo'ae, Liuq'eq laoq Yiqsaoq e haeqmiq Bashiqmoq e yaqyo'ae. 11 Yiqlilfaq e yaqyohael laoq Tiqmanl, Amoq, Xiqbo, Jatanq kaol Ji'nalsi'ae. 12 Tinqnal laoq Yiqsaoq e yaqyo Yiqlilfaq e mae'nil'ae; yoqhhaeq lye Yiqlilfaq'ae Yalmaqlil bo hhei biq hhae. Sataqboq e cholyaeq xihael laoq Yiqsaoq e haeqmiq Yaldal e yuqpaeqhael'ae. 13 Liuq'eq e yaqyohael laoq Naqha, Xyella, Samaq kaol Miqsaq'ae. Cholyaeq xihael laoq Yiqsaoq e haeqmiq Bashiqmoq e yuqpaeqhael'ae. 14 Sa'oqboqhael laoq Jilbianl e yuqmae, Yalnaq e yaeqmiq, Yiqsaoq e haeqmiq Aheqlilbamaq e yaqyohael: Yoqhhaeq lye Yiqsaoq'ae Yevushi, Yaqlanq, kaol Keqla bo hhei biq hhae.
15 Sa'oqboqhael laoq Yiqsaoq e houldailhael onglci e minqcuq e yoheeqhael'ae: Yiqsaoq e fuqbo yaqyo Yiqlilfaq e yuqpaeqhael onglci e minqcuq yoheeqhael laoq, Tiqmanl, Amoq, Xiqbo, Ji'nalsi, 16 Keqla, Jatanq kaol Yalmaqlil'ae. Cholyaeq xihael laoq Yiqdong milcaeq Yiqlilfaq ae'lye du'lal e minqcuq e yoheeqhael'ae, gilzuqmyel Yaldal e houldailhael'ae. 17 Yiqsaoq e yaqyo Liuq'eq e houldailhael onglci e minqcuq e yoheeqhael'ae: Naqha, Xyella, Samaq kaol Miqsaq'ae. Cholyaeq xihael laoq Yiqdong milcaeq Liuq'eq ae'lye du'lal e minqcuq e yoheeqhael'ae, gilzuqmyel Yiqsaoq e haeqmiq Bashiqmoq e yuqpaeqhael'ae. 18 Yiqsaoq e haeqmiq Aheqlilbamaq e houldailhael onglci e minqcuq e yoheeqhael'ae: Yevushi, Yaqlanq kaol Keqla'ae. Cholyaeq xihael laoq Yalnaq e yaeqmiq, Yiqsaoq e haeqmiq Aheqlilbamaq ae'lye du'lal e minqcuq e yoheeqhael'ae. 19 Sataqboqhael laoq Yiqsaoq e houldailhael kaol yoqhhaeteel e minqcuq e yoheeqhael'ae. Yiqsaoq'ae Yiqdong lye eiq gul biq hhae.
Xi'eq e houldailhael
Dailshangl 1:38-42
20 Sa'oqboqhael laoq tyuqvae milcaeq'ae zhol e Heqlil cholyaeq Xi'eq e houldailhael'ae: Loqtan, Sholba, Jilbianl, Yalnaq, 21 Diqshunl, Yiqcaq kaol Diqshan'ae. Cholyaeq xihael laoq Yiqdong milcaeq Heqlil cholyaeq e Xi'eq houldailhael onglci e minqcuq e yoheeqhael'ae. 22 Loqtan e yaqyohael laoq Heqlil kaol Ximanl; Loqtan e dulmae laoq Tinqnal'ae. 23 Sholba e yaqyohael laoq Yallelwenq, Maqnaqxaq, Yiqba'lul, Shilbo kaol A'nanq'ae. 24 Jilbianl e yaqyohael laoq Ailyal kaol Yalnaq'ae. Yalnaq laoq, tyuqfu qiq hoq diqsheelleeldye vae yoqhhaeq e aeqdae Jilbianl'ae mao'lyu bal hoqzaq biq fu, eelhongl byuq du e eelbi mol hhei biq e qiq hhaeq ngeelvae. 25 Yalnaq e yaqyo laoq Diqshunl'ae; Yalnaq e yaeqmiq laoq Aheqlilbamaq'ae. 26 Diqshunl e yaqyohael laoq Xindanl, Yishilban, Yillanq kaol Ji'lanq'ae. 27 Yiqcaq e yaqyohael laoq Pilhanl, Saqfan kaol Yalgan'ae. 28 Diqshan e yaqyohael laoq Vusi kaol Yallanq'ae. 29 Sa'oqboqhael laoq Heqlil cholyaeq onglci e minqcuq e yoheeqhael'ae: Loqtan, Sholba, Jilbianl, Yalnaq, 30 Diqshunl, Yiqcaq, Diqshan'ae. Xihael gilzuqmyel Heqlil cholyaeq ae'lye du'lal e minqcuq e yoheeqhael'ae, kaol yoqhhaeteel Xi'eq milcaeq vae aeqyoteel e minqcuqhael onglci'ae minqcuq e yoheeq geiq hhae.
Yiqdong milcaeq e zongmaehael
Dailshangl 1:43-54
31 Yiqsellyel cholyaeqhael'ae zongmae maeq zhol biq siq fu, Yiqdong milcaeq vae zongmae geiq e cholyaeqhael sa'oqboq'ae cuga deelhhei: 32 Biq'eq e yaqyo Biqla laoq Yiqdong vae zongmae geiq hhae, yoqhhaeq e milmae heeqmyel mael laoq Tinqhaba lye gul biq hhae. 33 Biqla sil hhei'laol, Bosi'la cholyaeq Xyella e yaqyo Yoqba yoqhhaeq e zongmae zaeqhhael mael'ae zhol da'li vae. 34 Yoqba sil hhei'laol, Tiqmanl milcaeq ae'lye lael e Hulshan yoqhhaeq e zongmae zaeqhhael mael'ae zaeqpael da'li vae. 35 Hulshan sil hhei'laol, Biqdaq e yaqyo Hadaq yoqhhaeq e zongmae zaeqhhael mael'ae zaeqpael da'li vae; Hadaq laoq Moqya milcaeq ae'lye Miqdianl cholyaeq yaol diq yinq biq e qiq hhaeq'ae; yoqhhaeq e milmae heeqmyel mael Yalveildeq lye gul biq hhae. 36 Hadaq sil hhei'laol, Maqshillilja cholyaeq Sang'la yoqhhaeq e zongmae zaeqhhael mael'ae zaeqpael da'li vae. 37 Sang'la sil hhei'laol, lolbaeq loljyel e Lilheqboq e cholyaeq Saoqloq yoqhhaeq e zongmae zaeqhhael mael'ae zaeqpael da'li vae. 38 Saoqloq sil hhei'laol, Yalgeqbo e yaqyo Ba'lel Ha'nanq yoqhhaeq e zongmae zaeqhhael mael'ae zaeqpael da'li vae. 39 Yalgeqbo e yaqyo Ba'lel Ha'nanq sil hhei'laol, Hadaq yoqhhaeq e zongmae zaeqhhael mael'ae zaeqpael da'li vae; yoqhhaeq e milmae heeqmyel mael Bavu lye gul hhae; yoqhhaeq e haeqmiq e cholmil mael Miqxiltabyeq lye gul biq hhae, yoqhhaeq laoq Miq Salheq e yuqmae'ae, Maqtellyel e yaeqmiq'ae.
Yiqdong cholyaeqhael e yoheeqhael
Dailshangl 1:51-54
40 Sa'oqboqhael laoq Yiqsaoq ae'lye hal du'lal e minqcuq e yoheeqhael, yoqhhaeteel laoq maeq qiqsheel minqcuq kaol haeqvae milcaeq vae zhol laol, yoqhhaeteel e cholmil mael tyulnye mil gae hhei hhae: Tinqnal, Yallelwaq, Yetyeq, 41 Aheqlilbamaq, Yiqla, Biqnenl, 42 Ji'nalsi, Tiqmanl, Miqbiqsal, 43 Maqjidyeq kaol Yiqlanq'ae. Xihael gilzuqmyel Yiqdong cholyaeqhael onglci ae'lye du'lal e minqcuq e yoheeqhael'ae, yoqhhaeteel lil lye milcaeq taq'ae, yoqhhaeteel zhol myel milcaeq vae minqcuq e yoheeq geiq hhae. Yiqdong cholyaeqhael e aeqpyuq aeqdae laoq Yiqsaoq'ae.