जूहन्ना दरसन
दखलो अगमगोट
आगे एके पढ़ा
जूहन्ना दखलो अगमगोट असन बेरा लिखुन रये, जिदलदांय किरिस्त के पतेयातो लोगमन के बललोने, जोनमन जीसु के परभु आउर मालिक बलुन पतेयाउआत, हुनमन के डाटा-टेवा करते रओत। ए किताप के लिखतो बीता चो मूर गोट, किताप के पढ़तो लोगमन के आसा आउर हरिक चो गोट सांगतोर आय आउर हुनमन ले दुख आउर डाटा-टेवा बेरा पतेयातो लाईक बनुन रतो काजे गुहारेसे। ए किताप चो जुगे भाग ने दरसन आसे, जेके धंदा नोहले चीना गोट ने लिखलासे, जोन हुन बेरा चो किरिस्तीमन समजते रला। मानतर दुसर सबु लोगमन काजे ए लुकलो गोट रली। ए किताप चो सबुले खास गोट ए आय कि महापरभु, किरिस्त बाटले आपलो सबु बयरीमन के, जोनमन ले सयतान बले आय, अमदेया काजे हरायदे आउर जिदलदांय जीतेदे, तेबे हुन आपलो पतेयातो लाईक लोगमन के नवा बादरी आउर नवा मंजपुर चो बरमन देयदे।