बयरीमन ले रखेया काजे गुहार
बजनेया मुखिया काजे: दस-काड़ी बाजा संगे दाउद चो भजन-गीत
54
ए महापरभु, आपलो नाव ले मोके बचाव,आउर आपलो सकत ले मोचो नियाव-दाव लड़।
2 ए महापरभु, मोचो पारथना सुन;
मोचो बलतो गोट के सुन।
3 परदेसियामन मोके बईर करसोत,
उड़गाड़ीमन मोचो जीव धरुक खोजसोत;
हुनमन महापरभु के मुरे नी जानोत। निनास
4 दखा, महापरभु मोचो साहरा करु आय;
जहोवा खुदे मोचो जीव के समालुआय।
5 हुन मोचो बयरीमन के हुनमन चो अडरा बुता चो पलटा देयदे।
ए महापरभु, तुय पतेयातो लाईक आस, तुय हुनमन के नास कर।
6 मय हरिक मन ले तुके भेंट चेगायंदे;
ए जहोवा, मय तुचो नाव के धन-धन करेंदे, कसनबलले तुय नंगत आस।
7 तुय मोके सपाय तकलीस ले बचालीस,
आउर मोचो बयरीमन हारलोके दखुन मोके हरिक लागली।