एसाव चो थर-लर
36
एसाव जेके एदोम बले बलुआत, हुनचो थर-लर एमन आत। 2 एसाव, कनानी लेकीमन बललोने, हित्ती एलोन चो बेटी आदा के आउर हिवी सिबोन चो नातीन आउर अना चो बेटी, ओहोलीबामा के बिया होलो। 3 पाछे हुन, इसमाएल चो बेटी बासमत के बले बिया होलो, जोन नबायोत चो बईन रये। 4 एसाव बाटले आदा, एलीपज के जनमाली आउर बासमत, रूएल के जनमाली। 5 ओहोलीबामा: जूस, जालाम आउर कोरह के जनमाली। एसाव चो एई बेटामन, कनान देस् ने जनमला।6 तेबे एसाव आपलो बायले-पिलामन आउर आपलो घर चो सपाय लोगमन, पसुमन, गाय-बयला, छेरी-मेंडी आउर कनान देस् ने कमालो सपाय धन-माल के धरुन आपलो भाई जाकूब के छांडुन दुसर देस् ने गेलो। 7 हुनमन चो धन-माल खुबे होलो किरता दुनो भाई गोटकी थाने रउक नी सकला; आउर हुनमन के खुबे पसुमन रलो किरता परदेसिया होउन रतो ठान हुनमन काजे नी पुरली। 8 एईकाजे एदोम बललोने एसाव, डोंगरी देस् सेईर ने रउक मुरियालो।
9 डोंगरी देस् सेईर ने रतो एदोमी जात चो मूर मनुक एसाव चो थर ए आय। 10 एसाव चो बेटामन: हुनचो बायले, आदा चो बेटा एलीपज आउर हुनचो बायले बासमत चो बेटा रूएल। 11 एलीपज चो बेटामन: तेमान, ओमार, सपो, गाताम आउर कनज आत। 12 एसाव चो बेटा एलीपज, तिमना नाव चो गोटोक आउर बायले के राकुन रलो। हुन बले एलीपज बाटले अमालेक के जनमाली। एसाव चो बायले आदा ले एईमन जनमला। 13 रूएल चो बेटामन : नहत, जेरह, समा आउर मिजा आत। एसाव चो बायले बासमत ले एईमन जनमला। 14 एसाव चो बायले ओहोलीबामा, अना चो बेटी आउर सिबोन चो नातीन आय। एसाव बाटले ओहोलीबामा, जूस, जालाम आउर कोरह के जनमाली।
15 एसाव थर चो एमन मुखियामन होला: एसाव चो पईलात बेटा एलीपज चो थर ने तेमान मुखिया, ओमार मुखिया, सपो मुखिया, कनज मुखिया, 16 कोरह मुखिया, गाताम मुखिया, अमालेक मुखिया। एदोम राज ने, एलीपज चो थर ने एईमन मुखियामन होला। एईमन एसाव चो बायले आदा चो थर आत। 17 एसाव चो बेटा रूएल चो थर ने एमन मुखियामन होला: नहत मुखिया, जेरह मुखिया, समा मुखिया, मिजा मुखिया। रुएल चो थर ने एदोम राज ने एईमन मुखिया होला आउर एईमन एसाव चो बायले बासमत चो थर आत। 18 एसाव चो बायले ओहोलीबामा चो थर ने एमन मुखियामन होला : जूस मुखिया, जालाम मुखिया, कोरह मुखिया, अना चो बेटी एसाव चो बायले ओहोलीबामा चो थर एईमन आत। 19 एसाव जेके एदोम बले बलुआत एचो थर एईमन आत आउर मुखियामन बले एईमन होला।
सेईर चो थर-लर
20 सेईर, होरी जात चो रये। हुन राज ने एसाव एतोले आगे हुनचो ए बेटामन रओत: लोतान, सोबाल, सिबोन, अना, 21 दीसोन, एसेर आउर दीसान; एदोम राज ने सेईर चो होरी जात बीतामन मुखियामन होला। 22 लोतान चो बेटामन होरी आउर हेमाम आत आउर लोतान चो बईन तिमना रये। 23 सोबाल चो बेटामन: अलवान, मानहत, एबाल, सपो आउर ओनाम आत। 24 सिबोन चो बेटामन : अया आउर अना आत। ए हुनी अना आय जेके आपलो बुआ सिबयोन चो गदाहामन के राने चरातो बेरा तोपलो पानी चो पजरा मिरली। 25 अना के दीसोन नाव चो बेटा होलो आउर ओहोलीबामा नाव चो बेटी होली। 26 दीसोन चो बेटामन एमन आत: हेमदान, एसबान, इतरान आउर करान। 27 एसेर चो बेटामन एमन आत: बिलहान, जाबान आउर अकान। 28 दीसान चो बेटामन एमन आत: ऊस आउर अरान। 29 होरीमन चो मुखिया एमन आत: लोतान मुखिया, सोबाल मुखिया, सिबोन मुखिया, अना मुखिया, 30 दीसोन मुखिया, एसेर मुखिया, दीसान मुखिया; सेईर राज ने होरी जात चो मुखियामन एईमन आत।
एदोम चो राजा
31 इसराएलिमन ने कोनी राजा होतोले आगे, एदोम राज ने एमन राजा रला। 32 एदोम राज ने बोर चो बेटा बेला, राज करलो आउर हुनचो सहर चो नाव दिनहाबा आय। 33 बेला मोरलो पाछे, बोसरा ने रतो जेरह चो बेटा जोबाब, हुन राज चो राजा होलो। 34 जोबाब मोरलो पाछे, तेमानीमन चो देस् ने रतो हूसाम, हुन राज चो राजा होलो। 35 हूसाम मोरलो पाछे, बदद चो बेटा हदद, हुन राज ने राजा होलो: ए हुनी आय जोन मोआब देस् ने मिदयानीमन के मोरते मारलो। हदद चो सहर चो नाव अबीत आय। 36 हदद मोरलो पाछे, मसरेका ने रतो समला, हुन राज ने राजा होलो। 37 समला मोरलो पाछे, महानंदी खंडे रलो रहोबोत सहर चो साऊल, हुन राज चो राजा होलो। 38 साऊल मोरलो पाछे, अकबोर चो बेटा बाल-हानान, एदोम राज चो राजा होलो। 39 अकबोर चो बेटा बाल-हानान मोरलो पाछे, हदर हुन राज चो राजा होलो: आउर हदर चो सहर चो नाव पाऊ आय। हुनचो बायले चो नाव महेतबेल आय। हुन मेजाहब चो नातीन आउर मतरेद चो बेटी रये।
40 एसाव चो थर-मुखियामन चो बंस आउर देस् हिसाब ले ए नावमन आत: तिमना मुखिया, अलबा मुखिया, जतेत मुखिया, 41 ओहोलीबामा मुखिया, एला मुखिया, पीनोन मुखिया, 42 कनज मुखिया, तेमान मुखिया, मिबसार मुखिया, 43 मगदीएल मुखिया, ईराम मुखिया: एदोम बंस चो लोग जोन राज के आपलो हक ने करुन रला हुता एईमन मुखियामन होला: एदोमी जात चो मूर मनुक एसाव आय।