नूह चो थर-लर
10
नूह चो बेटामन: सेम, हाम आउर जेपेत रला; एमन चो थर-लर पुर-पानी चो पाछे जनमला।2 जेपेत चो बेटामन: गोमेर, मागोग, मादे, जावान, तूबल, मेसेक आउर तीरास रला। 3 गोमेर चो बेटामन: असकनज, रीपत आउर तोगरमा रला। 4 जावान चो बेटामन: एलीसा, तरसीस, कित्ती आउर दोदानी रला। 5 एमन चो थर-लर आपलो-आपलो भासा, थर आउर जात हिसाब ने भिने-भिने होउन समदूर रेटे चो राजमन ने बसापत करला।
6 हाम चो बेटामन: कूस, मिसर, फूत आउर कनान रला। 7 कूस चो बेटामन: सबा, हवीला, सबता, रामा आउर सबूतका रला। रामा चो बेटामन: सेबा आउर ददान रला। 8 कूस चो थर ने निमरोद जनमलो; हुन मंजपुर चो पईल पारदेया-बीर होलो। 9 जहोवा चो नंजर ने हुन सकत बीता पारदेया रलो, एचोले असन कहका बनली, “जहोवा चो नंजर ने निमरोद असन पारदी-खेलतो बीता बीर।” 10 हुनचो राजपाट चो मूर सिनार देस् ने बेबीलोन ले धरुन एरेख, अकद आउर कलने ले होली। 11 निमरोद, हुन देस् ले निकरुन अस्सूर राज ने गेलो आउर नीनवे, रहोबोत-ईर आउर कालह सहरमन के बसापत करालो, 12 फेर नीनवे आउर कालह चो मंजी रेसेन नाव चो बड़े सहर के बले बसापत करालो। 13 मिसर चो थर ने लूदी, अनामी, लहाबी, नपतूही, 14 पतरूसी, कसलूही आउर कपतोरी लोग रला, कसलूहियामन चो थर ले पलिस्तीमन चो उबजास होली।
15 कनान चो बेटामन: हुनचो बड़े बेटा सीदोन आउर हित्त, 16 आउर जबूसी, एमोरी, गिरगासी, 17 हिवी, अरकी, सीनी, 18 अरवदी, समारी* आउर हमाती रला; फेर कनानीमन चो कुटुम गुलाय बाटे बिगरला। 19 कनानीमन चो संद, सीदोन ले धरुन गरार चो बाट ले गाजा सहर अमरतले आउर फेर सदोम, अमोरा, अदमा आउर सबोयीम बाटले लासा सहर अमरतले रली। 20 एईमन हाम चो थर-लर रला आउर आपलो-आपलो देस् ने कुटुममन, भासामन आउर जातमन हिसाब ने भिने-भिने होला।
21 फेर जेपेत चो बड़े भाई सेम चो बले बेटामन होला। एबेर बंस चो मूर मनुक सेम होलो। 22 सेम चो बेटामन: एलाम, अस्सूर, अरपसद, लूद आउर आराम रला। 23 आराम चो बेटामन: ऊस, हूल, गेतेर आउर मस रला। 24 अरपसद चो बेटा सेला; आउर सेला चो बेटा एबेर रलो। 25 एबेर चो दुय झन बेटामन होला: गोटोक चो नाव पेलेग* संगाला, कसनबलले हुनचेई समया ने मंजपुर चो लोग भिने-भिने होला, हुनचो भाई चो नाव जोकतान रये। 26 जोकतान चो बेटामन: अलमोदाद, सेलेप, हसरमावेत, जेरह, 27 हदोरवाम, उजाल, दिकला, 28 ओबाल, अबीमाएल, सेबा, 29 ओपीर, हवीला आउर जोबाब रला। 30 एमन चो रतो ठान मेसा ले धरुन बेर उदिया चो सपारा डोंगरी राज अमरतले रली। 31 एईमन सेम चो बेटामन रला, आउर आपलो-आपलो देस् ने कुटुम, भासा आउर जात हिसाब ने भिने-भिने होला।
32 नूह चो बेटामन चो थर-लर आपलो-आपलो जातमन आउर कुटुम चो हिसाब ने एईमन आत आउर हुनमन चो थर-लर पुर-पानी चो पाछे गुलाय मंजपुर ने बिगरला।