आदम चो थर-लर
5
एता आदम चो थर-लर चो बारे ने लिखलोर आसे। महापरभु, मनुक के बनातो बेरा हुनके आपलेई असन बनालो। 2 महापरभु, हुनमन के मनुक आउर बायले चो रुप ने बनालो आउर बर देउन हुनमन चो नाव नर-मंजा* संगालो। 3 आदम एक सव तीस बरक चो रलोदांय हुनचेई रूप आउर हुनचेई कटार चो गोटोक बेटा पावलो, आदम हुनचो नाव सेत संगालो। 4 सेत जनमलो पाछे आदम आठ सव बरक जीव रलो, तेबे हुनचो आउर बले बेटा-बेटीमन होला। 5 असन बरन ले आदम नव सव तीस बरक जीउन मोरलो।6 सेत एक सव पांच बरक चो रलोदांय हुनचो बेटा एनोस जनमलो। 7 एनोस जनमलो पाछे सेत आठ सव सात बरक जीव रलो, हुनके आउर बले बेटा-बेटीमन होला। 8 असन बरन ले सेत नव सव बारा बरक जीउन मोरलो।
9 एनोस नबे* बरक चो रलोदांय हुनचो बेटा केनान जनमलो। 10 केनान चो जनम पाछे एनोस आठ सव पंदरा बरक जीव रलो, हुनके आउर बले बेटा-बेटीमन होला। 11 असन बरन ले एनोस नव सव पांच बरक जीउन मोरलो।
12 केनान सतर* बरक चो होलो के हुनचो बेटा महलेल जनमलो। 13 महलेल चो जनम पाछे केनान आठ सव चालीस बरक जीव रलो, हुनके आउर बले बेटा-बेटीमन होला। 14 असन बरन ले केनान नव सव दस बरक जीउन मोरलो।
15 महलेल पंयसठ* बरक चो होलो के हुनचो बेटा जेरेद जनमलो। 16 जेरेद जनमलो पाछे महलेल आठ सव तीस बरक जीव रलो, हुनके आउर बले बेटा-बेटीमन होला। 17 असन बरन ले महलेल आठ सव पंचानबे* बरक जीउन मोरलो।
18 जेरेद एक सव बासठ बरक चो होलो के हुनचो बेटा हनोक जनमलो। 19 हनोक जनमलो पाछे जेरेद आठ सव बरक जीव रलो, हुनके आउर बले बेटा-बेटीमन होला। 20 असन बरन ले जेरेद नव सव बासठ बरक जीउन मोरलो।
21 हनोक पंयसठ बरक चो होलो के हुनचो बेटा मतूसेलह जनमलो। 22 मतूसेलह जनमलो पाछे हुनके आउर बले बेटा-बेटीमन होला। हनोक तीन सव बरक महापरभु चो मन-इछा असन चलते रये। 23 असन बरन ले हनोक तीन सव पंयसठ बरक चो रलो बेरा 24 महापरभु हनोक के उठाउन नीलो। हुन महापरभु संगे-संगे चलतो किरता हुन छंया-मया होलो।
25 मतूसेलह एक सव सतयास्सी बरक चो होलो बेरा हुनचो बेटा लेमेक जनमलो। 26 लेमेक जनमलो पाछे मतूसेलह सात सव बयास्सी बरक जीव रलो, हुनके आउर बले बेटा-बेटीमन होला। 27 असन बरन ले मतूसेलह नव सव उनत्तर बरक जीउन मोरलो।
28 लेमेक एक सव बयास्सी बरक चो होलो बेरा हुनके गोटोक बेटा होलो। 29 “जहोवा, मंजपुर के दिलो सराप ले आउर आमचो खुबे मसागत आउर बुता ले ए लेका आमके अस्तिर करेदे” बलून लेमेक आपलो बेटा चो नाव नूह संगालो। 30 नूह जनमलो पाछे लेमेक पांच सव पंचानबे बरक जीव रलो, हुनके आउर बले बेटा-बेटीमन होला। 31 असन बरन ले लेमेक सात सव सतत्तर बरक जीउन मोरलो।
32 आउर नूह पांच सव बरक चो होलो पाछे हुनचो बेटामन सेम, हाम आउर जेपेत जनमला।