Miya fal Hyel ndər dləuya
146
1 Falə ngyatə nə Tlakəu! Ngwa ɗəfwa ya da fal Tlakəu. 2 Ya kwa fal Tlakə aku dəhə ngya ɗa; ya kwa na miya fala nə Hyel Tlakə aku ngya ɗa. 3 Ngwa ka da fiya nji ka sər wovi nghə wa, a vala da tsaka a tsanda wa. 4 Ma nda ta, ndo ɓəl go hə'i; atə pəchi nda dəhə sənda ɓatləya nda kwa ta'i. 5 Ndə papa'a ngə ndə nda vala nyi kwa shili tsa Hyel nə Yakubu, ndə nda fəkərnyi aku Hyel Tlakə nyi, 6 Ndər ɓatlə huɗaməlləm ana hə'i, dəl, ana dəhə sə'inda kwa- Tlakə nda na jiri kwa ngya ba'anawa. 7 Cho mər nəumar jiri təkəra ndə nda nja ɗiya cho nənyi sərsuma nə nji'inda kwa ngatə huɓa. Tlakə kwa wunda nji'inda ku jarum, 8 Tlakə kwa mbəɗiya nyi lya njir wuləfəu, Tlakə kwa hya'andə nji nda nja həyati, Tlakə kwa nyida nji'inda tsatsa'a a manyi. 9 Tlakə kwa ɓəla mihiɓi nda na ngya ku hə'i na; cha kwa vala nguli maghəu ana mala təsal, kəl ja, lakur nji kəmangər cha kwa səwandi. 10 Tlakə ngə kwa səm təlkur ba'anawa, yawa Sihiyona, Hyel ngha kwa səm təlkur ba'anawa. Falə ngyatə nə Tlakəu.