145
8 Tlakə ndə ɗanghali cha ana tuhuɗəu,
huɗətlanyi turkusu, ya yinyi cha na nyida.
9 Mənakə cha nə dəhəu;
na tuhuɗə cha nə dəhə sənda cha ɓatla.
10 Yawa Tlakəu, dəhə sənda ka ɓatla kwa falngha,
njingha kwa falngha.
11 Ndo ndər təkəra səlir təlkurngha
ndo dəkə labar gyalkurngha,
12 tsaka dəhə nji kwa nau zəndə tlər nghə inda wawa'a
ana səlir dəgalkur təlkurngha.
13 Təlkur ngha, təlkur nda ba'anawa cha,
təlka nda ba'anawa.
14 Tlakə kwa vala dəhə nji inda ku ɓwaɓwatu
cha kwa hya'andə njinda tə dla.
15 Dəhə lya nji kwa səhima da ka,
ko nənda sərsum kənda tə bijinda tə ki.
16 Ko wunda chaka
ko nənya nə kala sə pi pi sənda cha kwa chima.
17 Tlakə tsang cha ku dəhə lakunyi
ana nyida cha nə dəhə sənda cha ɓatləu.
18 Tlakə ləhə cha nə ndə nda kwa nga nyi,
nə dəhə nji nda kwa nganyi ku jiri.
19 Cha kwa nənya nə njir ləvər nyi sənda kwa chima;
20 Tlaka kwa ɓəla dəhə nji inda kwa nyinda nyi,
amma dəhə nji ɗimi cho tsəya nda.
21 Nya kwa fal Tlakəu,
Ngwa kala sə pi pi da fal tləmər Tlakə nda karti
ka ba'a ba'anawa.