122
1 Ya mər hirgya na nji nda tə nar ɗa,
<<Mən təra gyo ki Tlakəu.>>
2 Sakana janə ea tang na,
tə ta'i ku nya ki ngha Urshalima.
3 Urshalima mələm nga nda nja tə hərti
ga ɓandə nyi na bangu guguma nda da kusu kwa huɓu wa.
4 Nacha ngə mbwanda jul nji kwa shilti,
jul njir Israila,
ka nda usaku Tlakəu,
wi nda cha natə nda nda məra.
5 Hinda ngə dzəga nə mər nəuma na ngya,
dzəga nə ki təl Dauda.
6 Hya pətlənya ka pyarɗəfu nə Urshalima:
<<Ngwa nji inda kwa nyida ngha nda waha.
7 Ngwa pyarɗəfu ɗa uya dza ku bangu nghə i
ana ngya mənakə tə patlanghə i.>>
8 Aka ngam ka zamɗa i ana bazhi ɗa i,
yo natə nya nə Urshalima,
<<Pyarɗəfu cha ngya naka.>>
9 Aka ngam mbwa'alə Hyel Tlakənmən,
yo pətlənya ka ga ka ɗa na waha.