121
1 Ya har lya kyatə dəgəl i,
hya'atə tamani vala ɗa kwa shila?
2 Vala ɗa kwa shili hya'atə tsa Tlakəu,
ndər ɓatlə huɗaməlləm ana dunəya.
3 A cho ngya nghə ka dla wa;
ndə nda kwa ɓəlangha a cho njihanyi wa,
4 vəlvəl, ndə nda kwa ɓəla Israila
nda kwa njihanyi ndara piya wa.
5 Tlakə kwa ɓəlangha
Tlakə ngə shanguɗa nghə atə chisma ka;
6 a pəchi kwa takasəya nghə puchi wa,
ndara hya əvu'i.
7 Tlakəo tsanda nghə tsa dəhə takasəu,
cho ɓəlatə pya ka;
8 Tlakəa kwa ɓəlatə biyangha ana gwangha
sakana ka ba'anawa.