118
15 Njo na miya nə hirgyaɗi ana kura aku kwapatu nə nji tsangəu:
<<Chisəma Tlakə a mərtə ti sər gyalkur i!
16 Chisəma Tlakə a hətə dza gi dzəgaməu;
chisəma Tlakə a mərtə tə sər gyalkur i!
17 A da yo tə wa, amma yo mər pi,
ya bəzəya sənda Tlakə tə mərti.
18 Tlakə tə ɓu ɗa 'ual'ualəu,
amma a cha lətəɗa nə tə wa.
19 Wunda ɗa nyavi nə nji tsangəu;
yo gwa usaku Tlakəu.
20 Nən nə ngə nyavi Tlakəu
təwa banda nji tsang kwa nau gwa.
21 Yo usakungha, aka ka wum na'a;
a ɗatə ka ka dləuya ɗa.
22 Mangu nda njir həra tə ngyari
nacha ngə tə ndiya na sakəda dəhə sakana;
23 Tlakə ngə mərtə na cha na,
ngə tə ɗa ka sər muniy tə lya mən.
24 Nən nəngə biji nda Tlakə tə ɓatləya;
ngwa mən mər hirgyaɗi məna usakunyi.
25 Dləuya ea Tlakəu;
nə ea papa'akur ja Tlakəu.
26 Ndər papa'akur nga ndə nda tə shili ku tləmər Tlakəu.
Aku mbwa'alə Tlakə eo səkənghə papa'akur.
27 Tlakə nacha ngə Hyel,
ngə mərtə vi chamnyi kwa mbəla kəra mən.
Hətə ma ga'a kəhi ku cha hi, hya yi mbatə na sə'i kyatə dzəgana.
28 Nakə ngə Hyel ɗa, yo usakungha;
Nakə ngə Hyel ɗa, yo bəzəya dəgalkur ngha.
29 Usaku Tlakəu, aka mənakəkurnyi;
Nyida nyi a ɓələnyi da wa.